Nar 12
12
1An loanian ka Herod ieremera neterehlaupen nelimin moma terol ahwohwa nar le nahwak nevin.
2An neterho Jems neruki Jon le nau apahm.
3An neterahm moma ravit to Ju min, neterhiapatin mun Piter, an le nian ka nian taha bred leven rika lan,
4An neterhiapatin in mehlau le nimwa iakis, an neterofen kam soldier min kuer kiten am kuer meroatis 16 moma takamaihm ena in. An rama takarkin ita Napitean repir iatou in to neremim.
5An Piter kamamahmahm le nimwa iakis. An nahwak min kamameihwak asanen ita kam Wuhgin ton.
6An loanian Herod rama terepir iatou in, lapin ka Piter neteramapul loanmuhli soldier mil kiu, kamelis le tsen kiu, an nerem kamarit le nausilua kamaihmena nimwa iakis.
7An ahm ru, agelo te Ieremera neteramail iwaket, an hnakakan neterasia le nimwa; an neterep nikali Piter, netersig in meni, Armig hwaihwai; an tsen mil tahan netukuam ita le nelimin.
8An agelo netereni ton, Atout kam ik melis nar le nelikam; an neterol maka lan. An netereni ton, Alkauh in napen taham maroupa io.
9An neterier maroupen in, an remeshinatinan moma nar parhien agelo ramol, mero neterama ramahm nar pa.
10An netikiavan miaier le nimwa iakis ierem aupan mene ieroupen miava to tapen kamol le airon ierem ramier pen lauanu, an remetita atu to ilau; an netikiaier netakamuarou suatu karena, an ihwe am agelo neterapas in.
11An Piter nekin netererik mun, netereni, Towek iakhinatin parhien moma Ieremera rehmalipa agelo tahan meknevita io le nelimi Herod, mene le natigetean te Ju min.
12An nekin netererik aken, neterua le nimwa taha Meri ine Jon, ierem netigen ker mun Mark, iken neremim ribor karhwafugen iken mameihwak.
13An neteretiti tapin le nausilua, an beresuas ker netigen Roda neterua moma tereteleg in.
14An neterhinatin noia Piter, an remesetitean tapin to nagienan, mero neterai muan imwa mamausito in moma Piter apa ramail le nausilua.
15An ilar netakani ton, Nakamalmel. Mero netereni hmahma moma rakaparhien. An ilar netakani, Agelo tahan.
16Mero Piter neterakeikei le natitian; an netakatita maihm in, an nanumun ilar neterika.
17Mero netereptutu ilar le nelimin moma tesaikaran, an neteramausito in kam ilar moma Ieremera ramir iatou in le nimwa iakis; an netereni, Aiusito in nar min uk kam Jems mene pietar min. An neterier muan ikpusen ker.
18Mero neterhakak, an tipil remesesuasan le soldier min moma kenetol Piter.
19An Herod ramatkoigen in, neterasahman, an netererhapuk to nerem kamarit an meni moma tikir ilar kakho ilar. An neteratite mesipen Judia mua Sesaria mamarik iken.
20An neteramakakenin nerem Tair mene Saidon; an netakarua ton le nekin karena, an netakamarol vi Blastas iolatkokun nar le nimwa kamapul lan taha ieremera, netakaihrapuk to nemelinuan, mero in ka ten tenilar kamarugan le ten te ieremera.
21An le nian kamenita Herod netereviu le napen aremera neterowata le thron tahan, an neteramakar kam ilar.
22An neremim netakamani apahm mama, In uk noia Wuhgin resolan moma noia ieremim.
23An ihwe am agelo te Ieremera neterho in, mero in ka remesofenan nevitan kam Wuhgin, an silet min netakarkin, an neteramighau.
24Mero nakaran te Ieremera neteribor milakilak.
25An Barnabas mene Saul keniaol ita nolatkokunan nar netikialeleg mun miasipen Jerusalem, an netikiair Jon, ierem netigen ker mun Mark.
Currently Selected:
Nar 12: LEN1902
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
