मरकुस 16
16
ईसू कौ मरे भयेन में ते जीबित हैबो
(मत्ती 28:1–8; लूका 24:1–12; यूहन्ना 20:1–10)
1जब यहुदिन कौ आराम दिन बीत गयौ, तब मरियम मगदलीनी और याकूब की माता मरियम और सलोमी नें ईसू की लास पै लगाबे कै काजै खुसबूदार चीज खरीदी 2और सप्ताह कै पैहले दिन इतबार कूं सुबह सुबह जब सूरज निकरौ तौ बे कब्र पै आई। 3बे आपस में कह रही हतीं, “के हमारे काजै कब्र के द्वार पैते इतनों बड़ौ पत्थर कौन हठाबेगौ?”
4जब बिन्नें देखौ के पत्थर लुढको भयौ रखौ है और बू पत्थर भौत बड़ौ हतो। 5बे कब्र के भीतर गईं और देखके चकित रह गयी, बिनैं मांपै सीदे हात की तरफ सफेद कपड़ा पहने भयौ एक जबान बैठौ भयौ देखौ।
6फिर बा जबान नें कही, “कै डरपो मत, तुम बा नासरत सहर के ईसू कूं ढ़ूंढ रयी हौ, जो क्रूस पै चढ़ायौ गयौ हतो, बू तौ जीबित है गयौ है। अगर भरोसौ नांय तौ देखौ जि बैई जगह है जहाँ बाय रखौ गयौ हतो। 7#मत्ती 26:32; मर 14:28तुम य्हांते जाऔ और वाके चेलान ते और पतरस ते कहौ, ‘कै बू तुमते पैहले गलील कूं पौहच जाबेगौ’ जैसौ बानें तुमते कही हती तुमें बू मंईं पै मिलेगौ।”
8बे अचम्भित हैके कांपती भईं कब्र ते निकरकै भाग गयीं और बिन्नें डरके मारै काहू ते जि बात नांय बताई। चौंकि बे सच मुच डर गईं हती।
[यूनानी भासा में सबनते पुराने हात ते लिखे भये दो लेखन में जो भरोसे लायक है बामें मरकुस के द्वारा लिखौ भयौ ईसू मसीह कौ सुभ समाचार सोलह अध्याय आठ आयत पै खतम है जावें।]
ईसू मगदलीनी कूं दिखाई दियौ
(मत्ती 28:9–10; यूहन्ना 20:11–18)
9सप्ताह के पैहले दिना इतबार की सुबह में ईसू जी उठवे के बाद, सबनते पैहले मरियम मगदलीनी कूं दिखाई दियौ जामें ते बानें सात दुस्ट आतमांऐं निकारी हती। 10मरियम नें जायकै ईसू के संगीन कूं, जो सोक में डूबे, रोय रये हते जि खबर दई। 11जब बिन्नें जि सुन कै ईसू मसीह जीबित है गयौ है और मरियम कूं दिखाई दयौ है तौ जापै बिन्नें भरोसौ नांय करौ।
ईसू दो चेलान कूं दिखाई दियौ
(लूका 24:13–35)
12जाके बाद ईसू दूसरे रूप में दो चेलान कूं दिखाई दयौ, जब बे गांम कि ओर जाय रये हते। 13बिन्नें लौटकै दूसरे चेलान ते कही पर बिन्नें बिनकौ भरोसौ नांय करो।
ईसू ग्यारह भेजे भये चेलान कूं दिखाई दियौ
(मत्ती 28:16–20; लूका 24:36–49; यूहन्ना 20:19–23; प्रेरितन के काम 1:6–8)
14जाके बाद में जब बे ग्यारह भेजे भये चेला खानों खाय रये हते ईसू बिनके आगे परगट भयौ और बानें बिनमें अबिसबासी और मन की जड़ता के काजै फटकारौ। चौंकि बिन्नें बिनपै भरोसौ नांय करौ हतो, जिन्नैं बाय जी उठवे के बाद देखौ हतो।
15 #
प्रेरि 1:8
और ईसू नें बिनते कही, “कै पूरे संसार में जायकै सारी दुनियां के लोगन में सुभ समाचार पिरचार करों। 16जो कोई सुभ समाचार पै भरोसौ करैगौ और बू बपतिस्मा लैवे बाई कूं उद्धार होगौ और जो कोई सुभ समाचार पै भरोसौ नांय करैगौ बू दोसी ठहरायो जावेगौ। 17और भरोसौ करिबे बारेन में जे निसान हुंगे, कै बे मेरे नाम ते दुस्ट आतमान कूं निकारिंगे और नयी-नयी भासा बोलेंगे, 18बे अपने हातन ते सांप कूं पकर लिंगे और अगर बे जहर कूं पी जायें तोंऊ बिनै कोई नुकसान नांय होबेगौ, बे बीमारन पै अपने हात रखिंगे और बीमार चंगे हे जाबिंगे।”
ईसू कौ सुरग में उठायौ जाबों
(लूका 24:50–53; प्रेरितन के काम 1:9–11)
19 #प्रेरि 1:9–11जि बात पिरभू ईसू अपने चेलान ते करि चुकौ तब पिरभू ईसू कूं सुरग में उठा लियौ गयौ। बू परमेस्वर के दाहिने जा बैठो। 20चेलान नें बाहर जायकै हर जगेह पै सुभ समाचार पिरचार करौ, और पिरभू बिनमें काम करतौ रयो। और बिन निसान के द्वारा जो संग-संग होते हते, वचन कूं दृढ़ करतो रहो।
Currently Selected:
मरकुस 16: BRAJ
Highlight
Share
Copy
Want to have your highlights saved across all your devices? Sign up or sign in
NonCommercial-NoDerivatives 4.0 International (CC BY-NC-ND 4.0)
