लूका 10

ईसू नें बहत्‍तर चेलान कूं सेबा के काजै भेजौ

1जाके बाद पिरभू ईसू नें बहत्‍तर चेलान कूं चुनों और जिन नगर और गांम में बू खुद जायबे बारौ हतो, मांपै बिनकूं दो-दो करके अपने ते आगे भेजौ। 2#मत्‍ती 9:37,38और फिर ईसू नें बिन चेलान ते कही, “कै फसल तौ भौतई खड़ी है, पर मजदूर तौ थोरेसे हैं। जामारै खेत के मालिक ते पिराथना करौ कै अपनी फसलैं काटबे काजै मजदूर भेज दैबे।” 3#मत्‍ती 10:16जाऔ मैं तुमें भेड़ियन के बीच में मैमना की तरैह ते भेजतूं। 4तुम ना तौ बटुआ और झोला और जो जूता तुमनें पैहने है बिनके अलाबा दूसरे जूता मत लियों और रस्ता में रुककै काऊ ते नमस्‍कार मत करियों।

5“जब तुम जा काऊ के घर पै जाऔ मांपै सबते पैहले जि कहियों, ‘कै जा घर में सान्‍ती होय।’ 6और अगर बा घर में सान्‍ती पाबै लायक कोई होबेगौ, तौ बा घर में तुमारी सान्‍ती ठहरैगी और ना होगौ तौ बू सान्‍ती तुमारे जौरें बापिस लौट आबैगी। 7#1 कुरि 9:14; 1 तीमु 5:18बई घर में ठहरियों और बिनपै जो कछू होय बाईऐ खईंयों-पीयों, चौंकि मजदूर कूं मजदूरी पायबे कौ अधिकार है। रैहबे काजै घर घर मत भटकियों।

8“जा नगर में तुम जाऔ और बा नगर के लोग तुमारौ स्‍वागत करबे में तुमारे सामने जो कछू परोसें बईऐ खईंयों। 9और मांपै बीमारन कूं ठीक करियों और बिनते कहियों के ‘परमेस्‍वर कौ राज तुमारे जौरें आय गयोऐ।’ 10#प्रेरि 13:51अगर तुम काऊ नगर में जाओ और मांके लोग तुमें न अपनाबें तौ तुम मांके गलियारों में जायकै कहौ, 11#मत्‍ती 10:7–14; मर 6:8–11; लूका 9:3–5‘हमारे पामन में लगी भयी तुमारे नगर की धूरऊ हम तुमारे सामने चेताबे काजै झार रहै है। फिरऊ तुम जि जान लेओ के परमेस्‍वर कौ राज तुमारे जौरें आय गयोऐ।’ 12#मत्‍ती 11:24; मत्‍ती 10:15मैं तुमते कैहतूं, कै परमेस्‍वर के न्याय के दिना बा नगर की दसा सदौम नगर तेऊ जादा बुरी होगी।

भरोसौ नांय करबे बारौ नगर

(मत्‍ती 11:20–24)

13“हाय है खुराजीन के लोगन पै, हाय है बैतसैदा के लोगन पै, चौंकि जो अचम्भे के काम तुम में करे गए, अगर बू सूर और सैदा नगर में करे जाते, तौ मांके लोग कब के बोरी पहनकै और राख पै बैठकै जि दिखातै के बिन्‍नें अपने पापन ते मन फिरा लियौ है। 14परमेस्‍वर के न्याय के दिना तुम सूर और सैदा नगर तेऊ ज्‍यादा दन्‍ड पाऔगे। 15हे कफरनहूम, का तू सुरग तक ऊंचौ उठायौ जाबैगौ? नांय, तू तौ पाताल में नीचे तक गिरायौ जाबैगौ।”

16 # मत्‍ती 10:40; मर 9:37; लूका 9:48; यूह 13:20 ईसू नें फिर अपने चेलान ते कही, “कोई तुमारी सुनतें बू मेरी सुनतें और जो कोई तुमें ठुकरातै है बू मोय ठुकरातै और जो कोई मोय ठुकरातै बू मेरे भेजबे बारे कूं ठुकरातै।”

17फिर बे बहत्‍तरऊ चेला आनन्द मनाबत भये लौटे और केहबे लगे, “हे पिरभू! तेरे नाम तै असुद्ध आतमऊ हमारौ कैहबौ मानतैं।”

18ईसू नें बिन्‍नें कही, “मैंनें सैतान कूं बिजली की नाईं सुरग ते गिरतौ भयौ देखौए। 19देखौ, मैंनें तुमें सांप और बिच्छुन कूं कुचलबे कौ और सैतान की सबरी सक्‍तीन पैऊ अधिकार दयौ है जाते कै बू तुमारी कैसीऊ हानि ना कर सकै। 20पर तुम जा बात में खुस मत हो, कै दुस्‍ट आतमा तुमारौ कैहबौ मानतें,पर तुम जा बात में खुसी मनाऔ कै तुमारे नाम सुरग में लिखे हैं।”

पबित्र आतमा में ईसू कौ खुस हैबों

(मत्‍ती 11:25–27; 13:16–17)

21बाई समै ईसू पबित्र आतमा में भरकै कैहबे लगौ, “हे पिता परमेस्‍वर, आकास और सबरी धरती के मालिक मैं तेरौ धन्यबाद करतूं कै, तैने इन बातन कूं ग्‍यानबान और समझदार लोगन ते छिपायके रखौ और इन बातन कूं बालकन पै पिरगट करौ। और जेई तोकूं अच्‍छौ लगौ।

22 # यूह 3:35; यूह 10:15 “मेरे पिता नें मोय हरेक बात की जिम्बेदारी सौंपीए। पिता कूं छोड़कै कोई नांय जान्‍त कै बेटा कोऐ और बेटे कूं छोड़कै कोई जि नांय जान्‍त कै पिता परमेस्‍वर कोऐ। केवल बेई जानतैं, जापे बेटा पिरगट करबे की किरपा करतुए।”

23तब ईसू नें अपने चेलान की ओर मुड़क कै बिनते एकान्‍त मैं कही, “धन्य हैं बे आँखें, जो जि सब देखतें जाय तुम देख रये हो। 24चौंकि मैं तुमते कैहतूं कै जो बात तुम देख रयेऔ बिन बातन नें कितने राजा और परमेस्‍वर की ओर ते बात बताबे बारे बिन बातन कूं देखबौ चाहते हते, पर बिन्‍नें बिनकूं नांय देखौ। और जो बातें तुम सुन रयेओ, बे बिनें सुनबौ चाहते हते, पर बे बिन्‍नें सुन नांय सके।”

अच्‍छे सामरी कौ दृस्‍टान्‍त

25 # मत्‍ती 22:35–40; मर 12:28–34 फिर काऊ दिन एक सास्त्रन कौ सिखाबे बारौ ईसू की परीछा करबे, काजै आयौ और ईसू ते जि पूछबे लगौ, “हे गुरू मैं कबऊ नांय खतम हैबे बारे जीबन कौ अधिकारी हैबे काजै का करूं?”

26तब ईसू नें कही, “कै व्‍यबस्था की किताब में का लिखौ है? और तुम बाय कैसै पढ़तौ?”

27बानें ईसू कूं उत्‍तर दयौ कै, “तू अपने पिरभू परमेस्‍वर ते अपने सबरे मन ते, अपनी सबरी आतमा ते, अपनी सबरी सक्‍ती ते और सबरी बुद्धी ते पिरेम कर और अपने पड़ौसी तेऊ अपने समान पिरेम कर।”

28ईसू नें बाते कही कै, “तैने सही उत्‍तर दयौ है जेई काम कर तौ तू कबऊ नांय खतम हैबे बारौ जीबन पाबेगौ।”

29तब बानें अपने आप कूं जादा धरमी ठहरबे की इच्‍छा के काजै ईसू ते पूछी कै, “मेरौ पड़ौसी कोऐ।”

30ईसू नें बाय उत्‍तर दयौ कै, “एक आदमी येरूसलेम ते यरीहो कूं जा रयौ हतो, बू डाकूंन के हात में लग गयौ और बिन्‍नें वाकूं लूटौ और य्हां तक कै वाके कपड़ऊ छीन लिये और बाते मार पीट करके अधमरौसौ करके छोड़ गये। 31तब बाई समै एक यहुदी पुरोहित जो बाई रस्ता में हैकें जाय रयौ हतो बानें बा घायल आदमी कूं देखौ पर बू बाते कतरायके चलौ गयौ। 32और जाई तरैह ते बड़े पिराथना घर में सेबा करबे बारौ लेबी गोत कौ एक आदमीऊं बाय ऐसेई छोड़कै कतरायके चलौ गयौ। 33और जाके बाद में एक सामरी आदमी आयौ और बानें बाय देखकें बापै तरस खायौ। 34और बानें वाके घावन पै तेल और अंगूर कौ रस डारकै वाके पट्टीयां बांधी और बाय अपने गधा पै बैठाय के सराय में लायकै वाकी सेबा-टहल करी। 35 अगले दिना फिर बानें बा सराय बारे कूं दो चाँदी के सिक्‍के दये और कही, ‘जा आदमी की सेबा-टहल करना और अगर तेरौ जऊ ते जादा खर्च है जायगौ तौ मैं बापिस आयकै तोए दै दुंगो।’”

36जि दृस्‍टान्‍त कैहबे के बाद ईसू नें पूँछी, “तुमारी राय में बा डाँकू के हात में परे भए आदमी कौ इन तीनोंन मेंते पड़ौसी को निकरौ?”

37सास्त्रन कूं सिखाबे बारे में बाय उत्‍तर दयौ, “बू आदमी जानें बापे दया करी।”

तब ईसू कही, “जा तू अऊ एसौई करियो।”

मारता और मरियम के घर में ईसू

38 # यूह 11:1 जब ईसू अपने चेलान के संग रस्ता में जाय रये हते तौ मांपै एक गांम परौ और मांपै एक मारता नाम की औरत ईसू कूं अपने घर पै लै गयी। 39वाकी मरियम नाम की एक बहन हती, बू पिरभू के पामन में बैठकै वाके वचन सुनती रैहती। 40पर मारता सेबा की तैयारी में लगी हती, जामारै बू व्‍याकुल हैके ईसू के जौरें आयी और केहबे लगी, “हे पिरभू का तोय चिंता नांय कै मेरी बहन नें सबरौ काम बस मोई पै डार दयौ है? जामारै तू बाते मोय सहारौ दैबे की कैह।”

41पिरभू नें बाय जबाव दयौ, “मारता, हे मारता, तू भौत सी बातन के काजै चिंतित और व्‍याकुल रैहतै। 42पर बस एकई बात जरूरीए और मरियम नें अपने काजै बा अच्‍छे भाग कूं चुनों है, सो बू बाते छीनौ नांय जाबैगौ।”

Currently Selected:

लूका 10: BRAJ

Highlight

Copy