Apostel isht Anumpa 14
14
1Mihma Aikoniʋm a̱ yokohmi tok; Chu okla i̱ sinakak o̱ ita tu̱klot ont chukowa cha, kaniohmit anumpohonli ma, Chu okla, micha Klik okla ai itʋpeha kʋt laua hosh yimmi tok.
2Amba Chu nan ik yimmo ʋhleha hʋto okla nan ik ithano a̱ atohnochit, im anukfila ha̱ itibapishi ʋhleha hash isht i̱ nukkillichi tok.
3Yʋmohmi hatuk o̱ nukwa̱yiksho kit Chitokaka ya̱ isht anumpulit, yʋmmak ash aha̱shwa na hopaki ma, yʋmmak ash ot nan isht ahoba, micha na fehna puta aiena kʋt yʋmma ibbak a̱ isht ai yohma hi a̱ ahni cha, im anumpa hanta ya̱ isht ai a̱hlichi tok.
4Yohmi kia tʋmaha okla chinto kash ot ita kashapa tok; mihma kashapa kʋto Chu okla hak o̱ pit halanli ma, anonti kashapʋt ʋbanumpa isht ʋtta ʋhleha yak a tok.
5Atuk osh okla nan ik ithano ʋhleha, micha Chu okla ha̱ pit aiena kʋt i̱ pehlichi ka ai itʋpehʋt, yʋmmak ash ilbʋshachit, tʋli isht bola chi̱ kʋt im anukfilʋt ma̱ya ma,
6Akostininchit okla mʋt, tihlaiʋt Laikeonia yakni a̱ tʋmaha Listi, micha Tabi ita tuklo, micha yakni auet folumpa ka ona tok.
7Micha yʋmmak o̱ ʋbanumpa isht ai anumpulit okla tok.
8Mihma Listi a̱ hatak achʋfa kʋt ishki ikfoka anu̱ka yakinli ho̱ ai imomokpulo tok osh, iyi ʋt ik kʋllo hosh, nitak nana nowa tok keyu ʋt binili tok.
9Yʋmmak ash ot Pal ʋt anumpuli ka haklo tok; mihma yʋmmak ash ot atokowʋt pihi̱sa cha, hlakofa he ʋt yimmi ka akostininchi mʋt,
10Chitoli hosh anumpulit, Wakayʋt chiyi a̱ apissʋt isht ish hikiashke; achi tok. Mihma yʋmmak ashot mʋllit, micha nowa aiena tok.
11Mihma okla hash ot, Pal ʋt nana yʋmihinchi na pisa mʋt, Laikeonia anumpa ho̱ okla anumpulit chitoli hosh, Chitokaka ʋhleha yʋt hatak o̱ chiyuhmit aka mintit a̱yʋt hʋp im ʋlʋshke; ahanchi tok.
12Micha Banabas a̱ Chupita hochifo mʋt, Pal ak okʋto anumpuli chito atuk o̱, Makulʋs hochifo tok.
13Mihma in tʋmaha itikba hikia Chupita ya̱ na holitompa isht im ʋtta yʋt, wak nakni chohmi, micha sita bita puta aiena ka ishit holihta okhisa ya̱ ʋla kʋt, okla ai itʋpehʋt ʋbit isht aiokpʋcha he ahni tok.
14Mihma ʋbanumpeshi ʋhleha Banabas, micha Pal ita tuklo kʋt haklo mʋt, im ilefohka ya̱ ita hlilʋffit, okla mʋt pit tihlaiyʋt okla ha̱ iba chukowa cha, tahpʋlʋt,
15Hatak puta ma! na katihmi ho̱ hʋchi yakohmi cho? Pishno ak kia hatak hʋchishno chohmi pia hoke, mih hosh nan ik ahobo yakohmi ka ai i̱ filʋmmit, Chihowa okcha̱ya, ʋba shutik, micha yakni, micha okhʋta, micha nana puta, yʋmma ai aha̱shwa ka aiena ikbi tok a̱, hʋsh im ona he mak o̱, e hʋchim anumpohonli hoke.
16Yʋmmak okʋt nitak tikba ma, oklushi moma ka ilap o inli nana a kaniohmi a̱ ant ik ai itanowá, ahni tok.
17Yohmi kia ilap fehna isht ai atokowʋt anoli a̱ ik takohlicho hosh ahanta tok keyu; yohmi kʋt nana ka achukmali hosh umba ʋba minti, micha na waya achukma nitak aiena ka auet hʋp ihi̱ma cha, pi chu̱kʋsh a̱ ilhpak, micha na yukpa aiena ka, isht alotohonli hoke; ahanchi tok.
18Micha ilʋppa aha̱ya pulla hosh na kʋni okla ha̱ yokobli na, yʋmma okla nan ik im abo ki tok.
19Yʋmohmi ma Chu hatak kanomona Antiak, micha Aikoniʋm aiena mintit ʋla cha, okla ha̱ ant atohnochit, Pal a̱ tʋli isht bolit, illi ho̱ im ahoba cha hʋllat tʋmaha ha̱ isht kohchi tok.
20Yohmi tuk kia, nan ithʋna ʋhleha yʋt afolublit hinli ma, tani cha, tʋmaha ha̱ ant chukowa tok. Atuk osh nitak ont atukla ma, Banabas awant Tabi a̱ ia tok.
21Atuk osh tʋmaha yʋmma ʋba isht im anumpulit, micha la̱wa ho̱ nan im abʋchi mʋt, falamʋt anonti Listi, micha Aikoniʋm, micha Antiak aiena kash itʋlachit,
22Nan ithʋna ʋhleha im anukfila hlampkochi, micha ayimmi kʋt achunancha chi̱ ho̱ atohnochi mʋt, na palʋmmi laua ka il a hlopulli pulla hosh Chihowa apehliechika ya̱ e chukowa hi oke; achi tok.
23Micha ʋbanumpuli iksa moma pehlichi aiyuka atokolit hiohlechi cha, nahullochit ʋba pit anumpulit issa mʋt, Chitokaka yʋmmak o̱ okla anukcheto tuk ash pit im issa tok.
24Micha Pisitia hlopulli mʋt, Pa̱filia itʋlachi tok.
25Micha anumpa hash Pʋki a̱ isht ai anumpuli cha, Atelia itonachi tok.
26Atuk osh yʋmmak o̱ peni ai ʋlhtot Antiak yʋmmak o̱ toksʋla chi̱ ka Chihowa im aholitopaka hi o̱, pit im issa tok ash ai a̱hlichi tuk ʋt itonachi tok.
27Micha itʋlachi cha iksa ya̱ itahobi cha, Chihowa yʋt isht kaniohmihinchi tuk moma, micha okla nan ik ithano ʋhleha ya̱ ayimmika okhissa ya̱ ik tiwi tuk aiena ka, im anohonlit okla tok.
28Micha yʋmmak o̱ nan ikhʋna ʋhleha ya̱ awant aha̱shwa na hopaki tok oke.
Hakshup tʋpa isht ai itachowa, 1, 6 Ʋbanumpeshi ʋhleha hʋt isht itim anumpulit ma̱ya. 22 Ai apissalechit im anukfila ha tok.
Currently Selected:
Apostel isht Anumpa 14: CHH
Highlight
Share
Copy
Want to have your highlights saved across all your devices? Sign up or sign in
Published by the American Bible Society 1848-1886, reprinted 1913
