Apostel isht Anumpa 12
12
1Yohmi ma nitak yʋmma foka ma, Helot mi̱ko yʋt ʋbanumpuli iksa yatuk a̱ kaniohmi ho̱, ilbʋshala chi̱ kʋt ibbak a̱ o̱ weli tok.
2Micha Chemis, Chan itibapishi ha̱ bʋshpo falaia ho̱ isht ʋbi tok.
3Micha yohmi ka Chu okla hʋt im achukma ho̱, pisa hatuk osh achakalinchi mʋt, Pita ya̱ aieninchit isha chin tok; mihma pʋska ik shatʋmmo ʋpa nitak a tok.
4Atuk osh yʋmmak ash hoklit ishi mʋt, aboha kʋllo pit fohki cha, ʋbanʋblit ont‐ia issa ha yo̱ okla ha̱ isht i̱ kohcha chi̱ mak o̱, ahni hosh, tʋshka chipota ushta bat a̱ya ushta ho̱ apesʋcha chi̱ ka, im issa tok.
5Yohmi hatuk o̱ Pita yashot aboha kʋllo ya̱ fo̱ka tok; yohmi kia ʋbanumpuli iksa yʋt yʋmma isht Chihowa pit im asilhha kʋt, ik yokopo ki tok.
6Atuk o̱ Helot ʋt isht kohcha he tuk a̱, yʋmma ninak fenak akinli ka, Pita yʋt tʋli itatakʋli tuklo hosh isht talaiyakchi ho̱, tʋshka chipota tuklo itin takla yo̱ a nusi tok; yohmi ma apesʋchi ʋt okhissa itikba ya̱ hielit aboha kʋllo ya̱ apesahanchi tok.
7Yʋmohmi kash o̱ Chitokaka im enchil ʋt im ʋla na tohwikeli kʋt aboha kʋllo anu̱kaka ya̱ tommi tok: mihma yʋmmak ash osh Pita ya̱ naksi a̱ isso cha, tanichi mʋt, Tu̱shpʋt taní; achi tok; yohmi ma in tʋli itatakʋli yʋt ibbak a̱ a mokohli tok.
8Mihma enchil ash ot, Il ai ʋskofachi cha, chi̱ shulush a̱ holó, im achi ma, yʋmihchi tok, mihma, Chim anchi a̱ anchi cha, is siakaiyashke, im achi tok.
9Mihma kohcha mʋt iakaiya tok; yohmi kʋt enchil ʋt nana a yʋmihchi ka ai a̱hli mak atuk a̱, ik akostinincho ki tok. Amba nana mak o̱ pi̱sa ho̱ im ahoba tok.
10Ai atoni ʋmmona, micha atu̱kla aiena ka ant itiachi mʋt, tʋmaha pila ia tʋli holihta okissa ya̱ itʋlachi ma, ilap akinlit in tiwa tok; mihma pit kohcha cha, hina achʋfa ho̱ fo̱kʋt a̱yʋt okla tuk o̱, enchil ash ot ashali̱ka i̱ filʋmmi tok.
11Yohmi ma Pita yʋt falamʋt kostieni mʋt, Chitokaka yʋt im enchil a̱ auet chʋffichi cha ʋno a̱ Helot ibbak, micha Chu okla nana ahni tuk puta ka, a sa hlakofichi tuk a̱, himak a̱ ai a̱hli mak o̱ ithaiyana lishke; achi tok.
12Micha nan im anukfihinla mʋt Chan, Mak hohchifo ishki, Meli in chuka ya̱, yʋmma laua hosh itahobʋt ʋba pit anumpuli hosh ma̱ya na, ʋla tok.
13Micha Pita yʋt apishia okhissa ya̱ ant suko̱ha ma, ohoyo himita Loti hohchifo hosh ont haponaklo tok.
14Micha Pita im anumpa ho̱ pit ithana mʋt, na yukpa kʋt apishia ya̱ okhissa ya̱ ik tiwo hosh, amba malelit ant chukowa mʋt, Pita yʋt apishia itikba ant a hiki̱a ka, anoli tok.
15Mihma, Ik chi hopoyuksoshke, im achi tok. Yohmi kia i̱ shahlichit, yohmi tuk ash pulla ho̱ mihi̱ha tok; yohmi ma, Im enchil oka, okla achi tok.
16Yohmi kia Pita ash ot suko̱ha kʋt imoma tok; yohmi ma okla tiwi cha, pisa mʋt nukhlakancha tok.
17Yohmi ma nukchintot ma̱ya chi̱ ka, ibbak pit i̱ fahʋmmi mʋt, kaniohmit Chitokaka yʋt ilap a̱ aboha kʋllo isht a kohchi tuk a̱, im anoli tok; mihmʋt, Na yakohmi ka Chemis, micha il itibapishi ʋhleha aiena ka iʋt oh im anolí, achi tok; mihmʋt kohchʋt iʋt inla ho̱ ona tok.
18Atuk o̱ onnʋt taha makinli ho̱, tʋshka chipota ʋhleha ash ot Pita yʋt nanta mak o̱ a katiohmi tuk, ahnit nukhlakancha kʋt chohmi tok keyu.
19Yʋmohmi tuk o̱ Helot ʋt yʋmmak ash hoyo tuk osh ik peso mʋt, apesʋchi ʋhleha yash achukmalit im asilhhʋchi mʋt, yʋmmak ash o̱ ʋba chi̱ ka, apesa tok. Mihmʋt Chutia ya̱ ʋttʋt iʋt Seselia ona cha, yʋmmak o̱ anta tok.
20Mihmʋt Helot ʋt Taia, micha Saitʋn aiena ai asha ka isht ik i̱ yukpo fehna tok; yohmi kia mi̱ko im ʋba potʋlhpo apesʋchi Blastʋs a̱ iti̱ kana okla ikbi tok, micha ilap i̱ yakni ya̱ mi̱ko i̱ yakni yak osh ai apelʋchi atuk aiena hatuk oka, im anukfila mʋt ai achʋfa hosh im ai ʋla cha, nanaiya ka ai ahni tok.
21Yʋmohmi ma ai ʋlhpisa tuk nitak o̱, Helot ʋt mi̱ko i̱ na fohka ishit shemʋt taiyahli cha, im aiasha holitopa paknaka ya̱ binili cha, anumpa isht hikʋt im anumpohonli tok.
22Mihma okla hash ot tahpʋlʋt, Ilʋppʋt Chihowa yak o̱ im anumpa, hatak im anumpa yo̱ keyushke; ahanchi tok.
23Mihma isht aholitopaka ya̱ Chihowa yak o̱ pit ik im isso hatuk o̱, mih makinli ho̱ Chihowa im enchil ʋt isso tok, mihma shu̱shi yosh ai ahampa na fiopissa tok.
24Amba Chihowa im anumpa hʋto achakʋt isht i̱ shahlit ia tok.
25Yohmi ma Banabas micha Sal ita tuklo kʋt nan isht aha̱shwʋt atahli mʋt Chan, Mak hohchifo ka ilauint Cheluselem a a̱shwʋt falamʋt ia tok oke.
Pal, Banabas ita tuklo kʋt oklushi nan ik ithano, ya̱ im ia. 42 Oklushi nan ik ithano ʋhleha yʋt ʋbanumpa yimmi.
Currently Selected:
Apostel isht Anumpa 12: CHH
Highlight
Share
Copy
Want to have your highlights saved across all your devices? Sign up or sign in
Published by the American Bible Society 1848-1886, reprinted 1913
