မဿဲ 18

ဖယ်သူဟှာ ကီးမြတ်ဆောင်းနူး

(မာကု ၉.၃၃–၃၇; လုကာ ၉.၄၆–၄၈)

1 # လု ၂၂.၂၄ အယ်ခီမာ တဗဲ့တော်လေဟှ ယေရှုနားဟှို လာဂေ့ဘီးဟှာ “ကောန်းဂန်နိုင်ငံတော်မာ ဖယ်မျိုးသူဟှ ကီးမြတ်ဆောင်းနူး” ဆိုဘီး မေးလျှော့‑က်ဂေ့လေဟှယ်။

2ယေရှုဟှ သားဂန်းတယော့‑က်ဟှို သူ့နားဟှိုခေါ်ဘီးဟှာ တဗဲ့တော်လေရှေ့မာ ရပ်ခိုင်းလေဟှယ်။ 3#မာ ၁၀.၁၅; လု ၁၈.၁၇အယ်ဘီးန ကိုယ်တော်ဟှ “ငါ မှန်တိုင်းပြောမယ်၊ နန်းနို့လေ ပ္လောန်းလဲဘီးဟှာ အယ်သားဂန်းဟှားမျိုး ဖြစ်ဘဲဟှ ဆိုဟှာ ကောန်းဂန်နိုင်ငံတော်ဟှို ရော့‑က်ရဟှို့ မှုဟှ။ 4အယ်ကြောန့် အယ်သားဂန်းမျိုး စိနှိခ္လဟှူသူဟှာ ကောန်းဂန်နိုင်ငံတော်မာ ကီးမြတ်ဆောင်း ဖြစ်ဟှယ်။ 5ငါ့နာမဟှို ထော့‑က်ဘီးဟှာ အယ်မူမျိုး သားဂန်းဟှား ယော့‑က်ယော့‑က်ဟှို လတ်ခံသူဟှာ ငါ့ဟှို လတ်ခံဇာဘဲ့ ဖြစ်လေဟှယ်။

ပြစ်သွီးဆောန်ဟှူကြောန်း

(မာကု ၉.၄၂–၄၈; လုကာ ၁၇.၁,၂)

6“ငါ့ဟှို ယောင်ကြည်ဟှူ အယ်မူသားဂန်း ယော့‑က်ယော့‑က်ဟှို မှားယွင်းစေသူဟှာ လည်ဘန်းမာ က္လော့‑က်က္လိဆောင်နခယ်ဘီး ပန်လယ်ထဲဟှို ပစ်ခ္လခံရဟှူဇာဟှ ပိုဘီးကောန်းလေ့မယ်။ 7မှားယွင်းတတ်ဟှူကြောန်းလေ ရှိဟှိကြောန့် လောကီသားလေဟှာ အမင်္ဂလာရှိဟှယ်! မှားယွင်းတတ်ဟှူကြောန်းလေ ရှိရမယ်။ အယ်ဘေမဲ့လည်း မှားယွင်းတတ်ဟှူ ကြောန်းရာလေဟှို ဖြစ်စေဟှူသူဟှာ အမင်္ဂလာရှိဟှယ်!

8 # မ ၅.၃၀ “နန့်ရဲ့ခေ၊ နန့်ရဲ့လတ်ဟှာ နန့်ဟှို မှားယွင်းစေဟှယ် ဆိုဟှာ အယ်ခေ၊ အယ်လတ်ဟှို ခွတ်ဖြတ်ပစ်ပါ! ထာဝရငရဲမီးထဲဟှို ခေလတ်ဇောင်န ပစ်ခ္လခံရထတ် ခေလတ်မှေ့ဘဲန သတ်ရှင်ဇာဟှို ဝမ်စားရဟှူဇာဟှ ပိုကောန်းဟှယ်။ 9#မ ၅.၂၉နန့်ရဲ့ မျစ်စိဟှလည်း နန်းနို့ဟှို မှားယွင်းစေဟှယ် ဆိုဟှာ မျစ်စိဟှို ဖော့‑က်ပစ်ပါ! မျစ်စိနှေ့ဖတ်ဇောင်န ငရဲထဲဟှို ပစ်ခ္လခံရဟှူထတ် မျစ်စိတဖတ်န သတ်ရှင်ဇာဟှို ဝမ်စားရဟှူဇာဟှ ပိုကောန်းဟှယ်။

ပျော့‑က်ဟှူသိုးရဲ့ ပေါင်ဥပမာကြောန်း

(လုကာ ၁၅.၃–၇)

10“နန်းနို့လေဟှာ ဖယ်မူသားဂန်းဟှိုမှလည်း ထီမဲ့မြင်လော့‑က်မိဘဲ့နေအောန် ဒိထားဂေ့ပါ၊ နန်းနို့လေဟှို ငါပြောဟှယ်။ အယ်သားဂန်းလေရဲ့ ကောန်းဂန်တမန်လေဟှာ ကောန်းဂန်ဘောင်မာ ရှိတော်မူဟှူ ငါ့ဖခမည်းတော်ရဲ့ မျစ်နှာတော်ဟှို မြဲဒမ်း ဖူးဗြင်ရဂေ့ဟှယ်။ 11#လု ၁၉.၁၀ [11]#၁၈.၁၁ တချို့ မူရင်းလတ်ရေးမူလေမာ ခန်းငယ် ၁၁ ဟှို၊ လူ့ရဲ့သားဟှာ ပျော့‑က်ဆောင်းနေဟှူ သူလေဟှို ကယ်တန်ဟှို့တွပ် ကြွလာဇာဖြစ်လေဟှယ်၊ ဆိုဘီး ထပ်ပေါန်းထဲ့ဟှားဟှယ် (ရှု လု ၁၉.၁၀)။

12“နန်းနို့လေဟှာ ဖယ်မျိုးထန်မှတ်ဂေ့နူး၊ လူတယော့‑က်မာ သိုးကောန် ၁၀၀ ရှိဘီး သိုးတကောန်ဟှာ ပျော့‑က်ဟှားမယ် ဆိုဟှာ ကျန်နေဟှူ ၉၉ ကောန်ဟှို တောန်ထတ်မာ ထားရစ်ဘီးဟှာ ပျော့‑က်နေဟှူ သိုးတကောန်ဟှို လိုက်ရှာတတ်ဟှယ် မှုဟှလော။ 13ရှာဟှိတွိဟှူ ခီမာ လမ်းလွဲဘီး ပျော့‑က်ဘဲနေဟှူ ကိုးဆယ်ကိုးကောန်ထတ် ပ္လန်တွိဟှူ သိုးတကောန်တွပ် ပိုဘီးဟှာ ဝန်းသာဟှယ် ဆိုဘီး ငါမှန်တိုင်းပြောဟှယ်။ 14အယ်မူမျိုးဘဲ့ ကောန်းဂန်ဘောင်မာ ရှိတော်မူဟှူ နန်းနို့#၁၈.၁၄ နန်းနို့၊ တချို့ မူရင်းလတ်ရေးမူလေမာ ငါ၊ ဆိုဘီး ရှိဟှယ်။ ဖလည်း အယ်မူသားဂန်း တယော့‑က်ဟှိုမှ ပျစ်စီးစေဟှို့တွပ် လိုတော်မှေ့ဟှ။

ပြစ်မှားဟှူ ယောင်ကြည်သူကြောန်း

15 # လု ၁၇.၃ “အယ်ကြောန့် ညီကို မောန်နှမဟှာ နန့်ဟှို ပြစ်မှားဟှယ် ဆိုဟှာ#၁၈.၁၅ တချို့ မူရင်းလတ်ရေးမူလေမာ နန့်ဟှို ပြစ်မှားဟှယ် ဆိုဟှာ၊ ဆိုဇာဟှာ မှေ့ဟှ။ သူ့ပြစ်ဟှို ဖော်ပြပေးဟှို့တွပ် သူ့နားဟှို သွားပါ။ အယ်ဘေမဲ့ နှေ့ယော့‑က်ဒဲတွိဘီး သူ့ပြစ်ဟှို ဖော်ပြပါ။ နန့်စကားဟှို သူနားထောန်ဟှယ် ဆိုဟှာ နန်းနို့ဟှာ သူ့ဟှို ပ္လန်ရလေဘီ။ 16အယ်ဘေမဲ့ နန့်ရဲ့ စကားဟှို နားထောန်ဟှ ဆိုဟှာ သူ့စကားဟှို အတည်ဖြစ်စေဟှို့တွပ် ကျမ်းစာမာ ပြောဟှားဟှူတိုင်း သိသတ်သေ နှေ့ယော့‑က်၊ သောင်းယော့‑က်ဟှို ခေါ်ပါ။ 17အယ်သူဟှာ နားထောန်ဟှို့ ငြင်းဆန်နေဟှယ် ဆိုဟှာ သင်းတော်ဟှို တန်ပြပါ။ သင်းတော်ရဲ့ စကားဟှိုလည်း သူနားထောန်ဟှ ဆိုဟှာ တခြားဘာသာဟှ လူတယော့‑က်မျိုးဘဲ့ဖြစ်ဖြစ် အယ်မျိုးမှုဘဲနေဟှာ ခွန်ကော့‑က်မား တယော့‑က်မျိုးဘဲ့ အယ်သူဟှို သတ်မှတ်ဂေ့ပါ။

တားမြစ်ဟှူဇာန ခွမ့်ပြုဟှူဇာကြောန်း

18 # မ ၁၆.၁၉; ယော ၂၀.၂၃ “ငါ မှန်တိုင်းပြောမယ်၊ နန်းနို့လေဟှာ မ္လေဂီးထတ်မာ ချည်နှောင်ဟှူမျှဟှာ ကောန်းဂန်ဘောင်မာ ချည်နှောင်လေ့မယ်။ မ္လေဂီးထတ်မာ ဖြေလွှတ်ဟှူမျှဟှာ ကောန်းဂန်ဘောင်မာ ဖြေလွှတ်လေ့မယ်။

19“နော့‑က်ထပ် ငါ မှန်တိုင်ပြောမယ်။ မ္လေဂီးထတ်မာ လူနှေ့ယာ့‑က် ဘောတူဘီး ဆုတောန်းဟှယ် ဆိုဟှာ နန်းနို့တောန်းဟှူမျှဟှို ကောန်းဂန်ဘောင်ဟှ ငါ့ခမည်းတော်ဟှာ ပေးတော်မူလေ့မယ်။ 20ဖြားဖြစ်ကြောန့်နူးဆိုဟှာ လူနှေ့ယော့‑က်၊ သောင်းယော့‑က်ဟှာ ငါ့ရဲ့ နာမဟှို အားကိုးဘီး စုဝေးနေဟှူ နေရာလေမာ ငါဟှာ သူးနို့နတူးဒူး ရှိနေမယ်။”

ခွမ့်လွှတ်ဘဲနေဟှူ ကျွန်ရဲ့ ပေါင်ဥပမာ

21 # လု ၁၇.၃,၄ အယ်မူခီမာ ပေတရုဟှ ယေရှုနားဟှို လာဘီး “သခင်၊ ညီကို မောန်နှမဟှ ကျွန်တော်ဟှို ပြစ်မှားဟှယ် ဆိုဟှာ သူ့ဟှို ဖယ်မျှခါလော့‑က် ခွမ့်လွှတ်ရမယ်နူး ခွန်နစ်ခါလော့‑က်ထိ ခွမ့်လွှတ်ရဟှို့လော” ဆိုဘီး မေးလျှော့‑က်လေဟှယ်။

22ယေရှုဟှ “ခွန်နစ်ခါတိုင်အောန် ခွမ့်လွှတ်ရမယ် ဆိုဘီး ငါပြောဟှ။ အခါခွန်နစ်ဆယ် ခွန်နစ်လီတိုင်အောန် (ခွန်နစ်ဆယ်ခွန်နစ်ခါ)#၁၈.၂၂ ခါခွန်နစ်ဆယ် ခွန်နစ်လီတိုင်အောန်၊ အယ်မျိုးမှုဘဲနေဟှာ ခွန်နစ်ဆယ်ခွန်နစ်ခါ။ ခွမ့်လွှတ်ရမယ် ဆိုဘီး ငါပြောလေဟှယ်။ 23အယ်ကြောန့် ကောန်းဂန်နိုင်ငံတော်ဟှာ သူ့ကျွန်လေရဲ့ စာရင်းဟှို စစ်ဆေးဟှူ မန်းဂီးတပါးန တူလေဟှယ်။ 24စာရင်းယူဟှူ ခီမာ ကပ်သန်းပေါန်းများစွာ ကြွေးတန်နေဟှူ လူတယော့‑က်ဟှို ခေါ်စေလေဟှယ်။ 25အယ်သူဟှာ ကြွေးဆပ်နိုင်ဘဲဟှူကြောန့် သူ့သခင်ဟှ အယ်သူနတူးဒူ သားမယား၊ အောက်စာ ပစ်စီးလေ ရှိဟှူမျှဟှို ရောန်းဘီးဟှာ ကြွေးဆပ်စေဟှို့တွပ် မိန့်ခ္လမှတ်တော်မူဟှယ်။ 26အယ်ကျွန်ဟှလည်း မန်းဂီးရှေ့မာ ပျပ်ဝပ်ဘီး ‘ကျွန်တော်ဟှို သီးခံတော်မူပါ။ ကြွေးရှိဟှူမျှဟှို ဆပ်ပါမယ်!’ ဆိုဘီး တောန်းဗန်လေဟှယ်။ 27အယ်စေခံရဲ့ သခင်ဟှလည်း သူ့ဟှို သနားဟှိကြောန့် ကြွေးရှိဟှူမျှဟှို လွှတ်ပေးဘီး သွားခွမ့်ပေးလေဟှယ်။

28“အယ်ဘေမဲ့ အယ်ကျွန်ထွပ်ဟှားခီမာ မိမိဒေနာရိတရာကြွေးတန်နေဟှူ ကျွန်တယော့‑က်ဟှို တွိလေဟှယ်။ သူဟှာ အယ်ကျွန်ရဲ့ လည်ဗန်းဟှို ညှစ်ဘီး ငါ့ကြွေးဟှို ဆပ်ပေးပါ!” ဆိုဘီး တောန်းလေဟှယ်။ 29“အယ်ကျွန်ရှင်းရှင်းဟှလည်း ဒူးထော့‑က်ဘီးဟှာ ‘ကျွန်တော်ဟှို သီးခံပေးပါ။ ကပ်ကွီးလေ အားလောင်းဂူဟှို ဆပ်ပေးပါမယ်!’ ဆိုဘီး တောန်းဗန်လေဟှယ်။ 30အယ်ဘေမဲ့ သူဟှာ လတ်ခံဘဲန ကပ်ကွီးလေ ဆပ်ခန်ခီထိ ထောန်ထဲမာ ချောက်ဟှားလေဟှယ်။ 31အယ်မူကြောန်းရာဟှို တခြားကျွန်လေ ဗြင်သိရဟှူ ခီမာ ရရာတိုင်း စိဆိုးဂေ့ဘီး သူးနို့သခင်နားဟှို သွားဘီးဟှာ ဖြစ်ပျစ်ဟှူ ကြောန်းရာလေဟှို လျှော့‑က်ဂေ့လေဟှယ်။ 32အယ်ကြောန့် သခင်ဟှ အယ်ကျွန်ဟှို ခေါ်ဘီးဟှာ ‘ဆိုးညစ်ဟှူကျွန်! နန်ဟှာ ငါ့ဟှို တောန်းဗန်ဟှိကြောန့် ကပ်ကွီးလေ အားလောင်းဂူဟှို ခွမ့်လွှတ်ပေးခဲ့ဟှယ်။ 33ငါဟှာ နန့်ဟှို သနားဟှူမျိုးဘဲ့ နန်ဟှာလည်း ကျွန်ရှင်းရှင်းဟှို သနားသင့်ဟှယ်’ 34အယ်ဘီးန သူ့သခင်ဟှ အယ်ကျွန်ဟှို စိဆိုးဘီးဟှာ ကပ်ကွီးလေ အား‌လောင်းဂူဟှို ဆပ်ပေးခန်ခီထိ ထောန်ထဲမာ ချောက်ဟှားစေ။” ဆိုဘီး ပြောလေဟှယ်။

35အယ်ဘီးန ယေရှုဟှ “နန်းနို့လေလည်း နန်းနို့ရဲ့ ညီကို မောန်နှမလေဟှို စိနှလောင်းထဲဟှနေ ခွမ့်လွှတ်ဘဲဟှ ဆိုဟှာ ကောန်းဂန်ဘောင်ဟှ ငါ့ဖလည်း နန်းနို့လေဟှို ခွမ့်လွှတ်ပေးဟှို့ မှုဟှ” ဆိုဘီး မိန့်တော်မူလေဟှယ်။

Currently Selected:

မဿဲ 18: NTDWB24

Highlight

Copy