མད་ཐཱ། 8

མཛེ་ནད་གཅིག་ལ་དྲག་གསོ་གནང་བ།

(མར་ཀུ། ༡:༤༠-༤༥; ལུ་ཀ། ༥:༡༢-༡༦)

1ཡེ་ཤུ་རི་ནས་མ་ལ་ཕེབས་བའི་གང་ལ། མི་ཚོགས་ཆེ་ཀྱ་ཁོང་པ་ཡི་གཤམ་ལ་འབྲངས་བ་ལགས། 2ད་མཛེ་ནད་འོད་ཀྱིན་མི་གཅིག་ཁོང་པ་ཡི་དྲུང་དུ་འོངས་རེ་པུས་མོ་ས་ལ་བཙུགས་ཏེ་ཞུས་བ་ལགས། གཙོ་བོ་ལགས། ཁྱེད་རང་གིས་ཐུགས་མཉེས་ན། ང་ལ་བཅོས་ག་མཛད་དེ་གཙང་མ་མཛད་ཐུབ་ཀྱི་ལགས།

3དེ་ནས་ཡེ་ཤུ་ཡིས་ཕྱག་བརྐྱངས་རེ་ཁོ་ལ་འཇུས་རེ་གསུངས་བ་ལགས། ང་བྱེད་འདོོད་འོད། ཁྱོད་གཙང་མ་འབྱུང་། དེ་ནས་ལམ་སང་ཁོའི་མཛེ་ནད་དག་པ་ལགས། 4དེ་ནས་ཡེ་ཤུ་ཡིས་ཁོ་ལ་གསུངས་བ་ལགས། སུ་ལ་འདི་མ་བཤད། ཡིན་ནའང་སོང་རེ་རང་ལ་མཆོད་དཔོན་ཀྱ་ཙ་རུ་སྟོན། དེ་ནས་མི་མང་ཀྱ་ལ་ཁྱོད་གཙང་མ་བྱུང་བྱ་ཡི་དཔང་པོ་འོང་ཡས་ཀྱི་ཕྱིར་ལ། མོ་ཤེ་ཡིས་བཀའ་གནང་གིན་ཅོག་རེ་མཆོད་པ་ཕུལ།

བརྒྱ་དཔོན་གྱི་གཡོག་པོ་བཅོས་པ།

(ལུ་ཀ། ༧:༡-༡༠)

5དེ་ནས་ཡེ་ཤུ་ཀཱ་ཕར་ན་ཧུམ་དུ་ཕེབས་ཏེ། བརྒྱ་དཔོན་གཅིག་ཁོང་པ་ཡི་དྲུང་དུ་བཅར་ཏེ་ཞུས་བ་ལགས། 6གཙོ་བོ་ལགས། ངའི་གཡོག་པོ་ལ་གཟའ་ནད་ཕོག་སྟེ་དམི་ཅིག་གི་མྱངས་བ་མྱངས་རེ་ནང་དུ་ཉལ་རེ་བསྡད་འོད།

7དེ་ནས་ཁོང་པ་ཡིས་ཁོ་ལ་གསུངས་བ་ལགས། ང་འོངས་རེ་ཁོ་ལ་བཅོས་ག་བྱེད་དོ།

8ཡིན་ནའང་བརྒྱ་དཔོན་གྱིས་ཞུས་བ་ལགས། གཙོ་བོ་ལགས། ང་ཁྱེད་རང་ལ་ངའི་ཁྱིམ་ནང་དུ་ཕེབས་བསུ་ཞུ་རིན་ཁ་ཡས་མེད། ཡིན་ནའང་ཁྱེད་རང་གིས་བཀའ་གཅིག་ཀ་གསུངས་ན། ངའི་གཡོག་པོ་དྲག་གི་ལགས། 9གི་བྱས་རེ་སྨྲ་ན་ང་གཞན་མ་ཡི་དབང་འོག་ཏུ་འོད། དེ་ནས་ངའི་འོག་ཏུའང་དམག་མི་ཀྱ་འོད་ད་ལགས། ངས་དམག་མི་གཅིག་ལ་སོང་སྨྲ་ན། ཁོ་འགྲོ་བ་ལགས། དེ་ནས་གཞན་མ་གཅིག་ལ་ཚུར་ལ་ཤོག་སྨྲ་ན་འོང་ང་ལགས། དེ་ནས་ངས་གཡོག་པོ་ལ་དེ་བྱེད་སྨྲ་ན། ཁོས་འོ་དེ་བྱེད་ད་ལགས།

10ཡེ་ཤུ་ཡིས་དེ་གསན་ཏེ་ཁོང་པ་ཡམ་སངས་བ་ལགས། དེ་ནས་ཁོང་པ་ཡི་གཤམ་པ་ལ་འབྲང་མཁན་ཀྱ་ལ་གསུངས་བ་ལགས། ང་ཁྱེད་ཀྱ་ལ་བདེན་པ་རང་སྨྲ་ཡིན། ཡིས་ར་ཨེལ་གྱི་ནང་དུ་ངས་འདི་ཅོག་རེ་དད་པ་མཐོང་མ་མྱོང་། 11ང་ཁྱེད་ཀྱ་ལ་སྨྲ་ཡིན། ཤར་དང་ནུབ་ཕྱོགས་ནས་མི་མང་ང་འོངས་རེ་ཨབ་ར་ཧམ་དང་། ཨི་སཱག་དང་། ཡ་ཀོབ་མུ་ལ་ནམ་མཁའི་རྒྱལ་སྲིད་དུ་བཞུགས་གྲལ་ལ་བསྡད་ཀྱི་ལགས། 12ཡིན་ནའང་རྒྱལ་སྲིད་ཀྱི་བུ་ཡ་ཧུ་དཱ་པ་ཀྱ་ཕི་དའི་མུན་ནག་ལ་གཡུག་གི་ལགས། ས་ཆ་དུ་རུ་མི་ཀྱ་ངུ་བརྡ་བརྒྱབ་ཡས་དང་། སོ་ཁྲིག་གི་ལགས།

13དེ་ནས་བརྒྱ་དཔོན་གོ་ལ་ཡེ་ཤུ་ཡིས་གསུངས་བ་ལགས། སོང་། ཁྱོས་དད་པ་བྱེད་ཀྱིན་ཅོག་རེ་འགྲུབ་པར་ཤོག།དེ་ནས་འོ་དེ་དུས་ལ་རང་གཡོག་པོའི་ན་ཚ་གོ་དྲག་པ་ལགས།

ནད་པ་ཀྱ་དྲག་པ།

(མར་ཀུ། ༡:༢༩-༣༤; ལུ་ཀ། ༤:༣༨-༤༡)

14དེ་ནས་ཡེ་ཤུ་པེ་ཏྲོའི་ནང་ལ་ཕེབས་ཏེ། ཁོའི་སྐྱེས་དམན་གྱི་ཨ་མ་གོ་ཚ་བ་འབར་ཏེ་ནད་རེ་ཉལ་རེ་བསྡད་ད་གོ་གཟིགས་པ་ལགས། 15ཁོང་པ་ཡིས་མོའི་ལག་པ་འཇུས་བ་ལགས། དེ་ནས་ཚ་བ་གོ་སེལ་རེ་མོ་ལངས་བ་ལགས། དེ་ནས་ཁོང་པ་ལ་ཞབས་ཕྱི་ཞུས་བ་ལགས།

16འོ་དེ་དགོང་མོ་གོ་མི་ཀྱ་ཡིས་འདྲེ་འཛུལ་ཛ་མི་དམི་ཅིག་གི་མང་ང་ཁོང་པ་ཡི་དྲུང་དུ་འཁྱེར་ཏེ་འོངས་བ་ལགས། དེ་ནས་ཁོང་པ་ཡིས་བཀའ་ཡི་ཐོག་ནས་འོ་དེ་གནོད་པ་ཀྱ་བཏོན་ད་མཛད་པ་ལགས། དེ་ནས་ནད་པ་གི་རི་ལ་དྲག་གསོ་གནང་བ་ལགས། 17མངོན་ཤེས་མཁན་ཡེ་ཤ་ཡཱ་ཡིས་གསུངས་ཀྱིན་གོ་འགྲུབ་ཡས་ཀྱི་ཕྱིར་ལ་དེ་བྱུང་བ་ལགས།

ཁོང་པ་ཡིས་འོ་རི་ནད་སྐྱོན་ཀྱ་བསྣུམས་མ་མཛད་པ་ལགས། དེ་ནས།

འོ་རི་ན་ཚ་ཀྱ་བཅོས་ག་མཛད་པ་ལགས།#ཡེ་ཤ་ཡཱ། ༥༣:༤

ཡེ་ཤུའི་གཤམ་པ་ལ་འབྲང་ཡས་ཀྱི་སྐོར།

(ལུ་ཀ། ༩:༥༧-༦༢)

18ད་ཡེ་ཤུ་ཡིས་རང་གི་གཡས་གཡོན་ལ་མི་ཚོགས་ཀྱ་གཟིགས་པ་ལགས། དེ་ནས་ཁོང་པ་ཡིས་ཉེ་གནས་ཀྱ་ལ་མཚོ་ཧ་ཀན་ལ་འགྲོ་ཡས་ཀྱི་བཀའ་གནང་བ་ལགས། 19ཆོས་ཁྲིམས་ཀྱི་སློབ་དཔོན་གཅིག་ཁོང་པ་ཡི་དྲུང་དུ་འོངས་རེ་ཞུས་བ་ལགས། རྒན་ལགས། ཁྱེད་རང་ག་རུ་ཕེབས་ན། ང་ཁྱེད་རང་གི་གཤམ་ལ་འབྲང་ཡས་ཡིན།

20དེ་ནས་ཡེ་ཤུ་ཡིས་གསུངས་བ་ལགས། ཤལ་ལ་ཀྱ་ལ་བསྡད་ས་ཕུག་འོད་ད་ལགས། དེ་ནས་གནམ་གྱི་བྱ་ཀྱ་ལ་བྱ་ཚང་འོང་ང་ལགས། ཡིན་ནའང་མིའི་བུ་ལ་མགོ་བ་བཞག་ས་ས་མེད་ད་ལགས།

21དེ་ནས་ཉེ་གནས་གཞན་མ་གཅིག་གིས་ཁོང་པ་ལ་སྨྲས་བ་ལགས། གཙོ་བོ། ངའི་ཨ་རྒས་ཀྱི་ཕུང་པོ་སྐུང་ཡས་ཀྱི་ཕྱིར་ལ་ཨེན་ལ་ང་ལ་འགྲོ་རུ་བཅུག་རོགས་བྱེད།

22ཡིན་ནའང་ཡེ་ཤུ་ཡིས་ཁོ་ལ་གསུངས་བ་ལགས། ངའི་གཤམ་པ་ལ་ཤོག།དེ་ནས་གཤིན་པོ་ཀྱ་ཡིས་རང་ཁོ་རང་ཀྱ་ཡི་ཕུང་པོ་སྐུང་དུ་ཆུག།

ཡེ་ཤུ་ཡིས་རླུང་འཚུབ་ལྷོད་བའི་མཛད་པ།

(མར་ཀུ། ༤:༣༥-༤༡; ལུ་ཀ། ༨:༢༢-༢༥)

23དེ་ནས་ཡེ་ཤུ་གྲུ་ནང་དུ་ཕེབས་ཏེ་ཁོང་པ་ཡི་ཉེ་གནས་ཀྱ་ཁོང་པ་ཡི་གཤམ་པ་ལ་འབྲངས་བ་ལགས། 24དེ་ནས་ཧ་ཏག་པ་ལ་མཚོ་ཁར་ལ་རླུང་འཚུབ་ཆེ་གཅིག་ལངས་རེ། རྦ་རླབས་བརྒྱབ་སྟེ་གྲུ་གོ་ཆུ་ཡིས་ཁང་ཡས་བྱས་བ་ལགས། ཡིན་ནའང་ཡེ་ཤུ་གཟིམས་ཏེ་བཞུགས་འོད་ད་ལགས། 25དེ་ནས་ཁོང་ཀྱ་ཡེ་ཤུ་རྩ་རུ་སོང་རེ་ཁོང་པ་ལ་གཉིད་སད་དེ་ཞུས་བ་ལགས། གཙོ་བོ། འོ་རང་ཀྱ་ལ་སྐྱོབ་རོགས་མཛད། འོ་རང་ཀྱ་བིབ་གུ་བྱེད་འདིག།

26དེ་ནས་ཁོང་པ་ཡིས་ཁོང་ཀྱ་ལ་གསུངས་བ་ལགས། ཁྱེད་དད་པ་ཆུང་ང་ཀྱ། གི་བྱས་རེ་འཇིགས་བ་ལེ། དེ་ནས་ཁོང་པ་བཞེངས་ཏེ་རླུང་འཚུབ་དང་རྦ་རླབས་ལ་བཀའ་བཀྱོན་མཛད་པ་ལགས། དེ་ནས་འོ་དུ་རུ་ཏིང་ལྷོད་བའི་བྱུང་བ་ལགས། 27ཁོང་ཀྱ་གི་རི་དམི་ཅིག་གི་ཧང་སངས་རེ་སྨྲས་བ་ལགས། འདི་མི་དེ་ག་རེ་གཅིག་ཡིན་ན། རླུང་དང་རྦ་རླབས་ཀྱིས་འང་ཁོང་གི་ཁ་ལ་མཉན་འདིག།

འདྲེ་འཛུལ་ཛ་མི་གཉིས།

(མར་ཀུ། ༥:༡-༢༠; ལུ་ཀ། ༨:༢༦-༣༩)

28མཚོའི་ཧ་ཀན་ལ་གད་དེ་རེ་ནོ་ཡུལ་ལ་ཕེབས་ཏེ། ཡེ་ཤུ་ལ་འདྲེ་འཛུལ་ཛ་མི་འཇིགས་སྐྲག་ཆེ་གཉིས་དུར་ཁྲོད་ནས་ཐོན་ཏེ་འོང་གིན་གོ་ཐུག་པ་ལགས། མི་སུའང་འོ་དེ་ལམ་ཁ་ནས་འགྲོ་མི་ཐུབ་བ་ལགས། 29དེ་ནས་འོ་དེ་གཉིས་བོ་ཡིས་སྐད་བརྒྱབ་སྟེ་སྨྲས་བ་ལགས། དཀོན་མཆོག་གི་སྲས། འི་ཀི་མུ་ལ་ཁྱེད་རང་གི་གི་འབྲེལ་བ་འོད་ད་ལེ། དུས་ཚོད་མ་སླེབ་ཨེན་ལ་རང་ཁྱེད་རང་འེ་ལ་སྡུག་པོ་བཏང་དུ་ཕེབས་བ་ཡིན་ནེ།

30ད་ཁོང་ཀྱ་ནས་རྒྱང་ཚོད་ལ་ཕག་ཁྱུ་ཆེ་གཅིག་འཚོས་རེ་བསྡད་འོད་ད་ལགས། 31དེ་ནས་འདྲེ་ཀྱ་ཡིས་ཁོང་པ་ལ་ཞུས་བ་ལགས། ཁྱེད་རང་འེ་ཀྱ་ལ་བཏོན་ཡས་ཡིན་ན། འེ་ཀྱ་ལ་ཕག་ཁྱུ་ནང་ལ་བཏང་རོགས་མཛད།

32དེ་ནས་ཡེ་ཤུ་ཡིས་ཁོང་ཀྱ་ལ། སོང་། སྨྲས་རེ་གསུངས་བ་ལགས། འོ་བྱས་རེ་ཁོང་ཀྱ་འོ་དེ་ནས་ཐོན་ཏེ་ཕག་ཀྱ་ནང་དུ་འཛུལ་བ་ལགས། དེ་ནས་ཕག་ཁྱུ་གི་རི་མཚོའི་འགྲམ་གཟར་པོ་མ་ལ་ཚང་ཀ་བརྒྱབ་སྟེ་ཆུ་ནང་དུ་ལྷིམ་ཏེ་བིབ་པ་ལགས།

33ད་ཕག་རྫི་ཀྱ་བྲེལ་ལ་བྱས་རེ་རྒྱལ་ས་ཀྱ་ལ་སོང་རེ་ལབ་གི་རི་བཤད་པ་ལགས། དེ་ནས་འོ་དེ་འདྲེ་འཛུལ་ཛ་མི་གཉིས་བོ་ལ་བྱུང་གིན་གི་རི་བཤད་པ་ལགས། 34ད་རྒྱལ་སའི་མི་གི་རི་ཡེ་ཤུ་ལ་མཇལ་རུ་འོངས་བ་ལགས། དེ་ནས་ཁོང་པ་ལ་མཇལ་ལི་གང་ལ། ཁོང་པ་ལ་ཁོང་ཀྱ་ཡི་ཡུལ་ཕྱོགས་ནས་ཕེབས་རོགས་བྱེད་སྨྲས་རེ་ཞུས་བ་ལགས།།

Currently Selected:

མད་ཐཱ། 8: LOY

Highlight

Copy