Yonasi 3
3
Yonasi wɔ wulu ki Nininfɛtɔnŋ kiri tɛ
1Ŋuntiŋ ki tu Yonasi tɛ ǹʼkaan fuluntɔnŋ ki i, tu : 2« Jɔrɔkɔ, ŋi i tiri Nininfɛ kili sinaŋ ki ra. Míŋ wulu wɔ̀ bi-i miŋ tɛ, ŋi i ta niŋ sunjo kí tɛ. »
3Niŋ na, Yonasi i kila ntiŋ i tiri Nininfɛ kili ki ra, ŋì i kɛɲɛ Ŋuntiŋ ki wɔ wulu bimaan ki wu. Nininfɛ wuru kili sinaŋ i, koŋ wuru sunŋ byaŋ tiri tan-a, ŋi i kila ŋi i ǹʼnukwuru. 4Yonasi i sunŋ tenŋ ma ǹʼsunjo ki ra tu, ǹʼtu sunŋ yaafuuli Nininfɛ i haliki Ŋuntiŋ Kirinŋ gbɛ.
5Nininfɛtɔnŋ kiri i Kirinŋ wɔ wulu ki pa arì sɔbɛ ra. Kí bataa i sunŋ de, kí i beŋ nasɔɔ juulinŋ ni bo arì sun, bwuumaan bo ɲɔrɔkɔ sun.
6Nininfɛ masa ki niŋ nama-i waarinŋ wɔ̀ ru, ntiŋ i jɛri san awɔ masawaalinŋ ki sun, ntiŋ i beŋ nasɔɔ juulinŋ ni bo a sun, ntiŋ i sɔɔ pwulu lu. 7Ntiŋ i pwulu, ntiŋ i ka cinŋ ka bi furu kili ki ru konaŋ ki bataa tɛ tu :
« Ka cinŋ ka po-i masa ki fa a tɔntɛ sɔɔtɔnŋ kiri gbɛ, tu konaŋ bo nafulufinŋ sinaŋ fa ǹʼmyɛɛnniŋ sun, tu ǹʼtɔri dantenŋ fa nufinŋ walima ju bo a daru kì. 8Konaŋ bo nafulufinŋ sun, koŋ fɔn fwuu juulinŋ ni bo a sun, ntiŋ i yaalinpo-ri Ŋuntiŋ Kirinŋ tɛ kusɛbɛ, ntiŋ i ntɔri bi awɔ bijɛ kiri fa awɔ telibali bi kiri ra. 9Ŋuntiŋ Kirinŋ a na a tu ŋì i a tɔnsunfili, ŋì i yi sunmakwulupa, ŋì i awɔ bijɛ gbɛbilimaan ki tu nmaŋ, nwɔma yi fa beeni kili kì woo? »
10Ŋuntiŋ Kirinŋ ǹʼja-i tu kí ntɔri bi arɔɔ bi kulinŋ mamaan ki ra waarinŋ wɔ̀ ru, ǹʼwuru-ra bijɛ wɔ̀ ma kí wu, ŋì i niŋ tɔnbo.
Currently Selected:
Yonasi 3: JOB
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
© Wycliffe Bible Translators, Inc.