Zakarya 5
5
Ula masləreni: ɗerewel na mahãnay
1In həmndak haraw le'gəni, in təm na, ɗerewel məktəmən yaŋ əveŋge. 2Maslay aɓsu na: «Miy kədawla di?» Yaŋ nəzlani: «In tat ula ɗerewel məktəmən məzuveŋge, zezek nan metər kəlaw, slosloprok nan tam metər sle'i.»
3Aɓsu na: «Aŋki mefɗeke an dədazzan aka dələv gboŋgu. Məhãla pak karɓahani, gəm ɗəf an dəsway dəkan pak karɓahani. 4Yawe Məzuɓappak aɗiyman na, nəkiyək əray aka gəla na mahala gəm aka an dəsway də iya naw aka tepelke, wasan eŋgil ananda, wazan gəla nan dit wəleŋɗe nan gəm gərmeŋge nani.»
Ula mabuhuloni: guluk məziw də iya na daraw
5Maslay məzupel də in nak viti, yaŋ aɓsu na: «Asilgin horok ɗa, awla miy məzugilyenis di?»
6Yaŋ nəmna: «Miy as van di?» Yaŋ amna: «Margay məzugilyeni.» Anah əmpa na: «Mambray neti, naka dələv gboŋgu.»
7Yaŋ ma marga na way təbəz akolu: guluk tat ɗewwe addəv marga vani. 8Yaŋ amna: «As van darawi.» Yaŋ azgan addəv marga naka, ampan də man na way təbəz naka.
9Yaŋ nəslan haraw nəwələ: gil yeŋ sula dəgilyoŋgu. Səmyã na persleket tay əfu'o, persleket tay va net emsemseɗe. Aslanən marga nak koŋgoŋ aka walaŋ dəlvafuŋ də disiŋ. 10Yaŋ nəɓsən maslay məzupel də in nak na: «Aŋga adawkanən marga van kandi?» 11Aɓsu na: «Aka dələv na Sine'ar, karkə sən gəla. Kawɗiyən adaka, dəsangən aka zəga nawɗiyni.»
Currently Selected:
Zakarya 5: GBD
Highlight
Share
Copy
Want to have your highlights saved across all your devices? Sign up or sign in
All right reserved
