Matiye 23

Əsla zə ɗəf səzet mərbaŋ-mahenziŋ dit Farisaɗe

(MAR 12:38-39; LUK 11:43,46; 20:45-46)

1Yaŋ Yesu apel sən gboŋ net ɗiy gəm gewleɗ nani, 2amna: Mərbaŋ-mahenziŋ dit Farisaɗe assoŋguk a təkinarbawən na Moyis sit ɗiyi. 3Məɗɗa gəm məzban an adawpeleŋ sukumən pakə, ya kədazbanən wəza net ɓa, vi wapeleŋgi ya aɗɗanən na ɓa. 4Vi tay iynaŋ zəga gagdaka, əɗinən a ma wəlet ɗiyi, ya net na, awŋgəmaŋ ərəŋgən də pərəm vet dayday ɓa. 5#MAT 6:1 ƏMS 6:8 ƏŊƊ 15:38Əɗɗanən wəza net pak vi ɗiy duleningəni. Ndəɗaŋ əslosloproketin filakterɗe#23:5 Filakterɗe: Əpel na Maŋgəlva yi mərmahən nawlawa. neti, ndəɗaŋ əɗɗaŋ moksoy zezek aza gabba lukut net. 6Aŋglaŋgək əssoŋ a təki na sləma a təki na əzəma gəm əssa aket mezeŋgeɗ nabe addəv gəla nakkal net mə Yudeɗi. 7Aŋglaŋ ɗiy dəsɗetingin a lumiɗi gəm əprəm ɗiy əyet na Mərbəzəga. 8Ya nokum, kədangəmaŋ əyəkum na mərbəzəga ɓa, vi mərbəzəga nokum taka yi kaka'ə, munokum pak məlma kənanaŋgə. 9Kədawyaŋ ɗəf taka aka dələv na əbba ɓa. Vi munokum tat də Afukum taka a disiŋ. 10Kədawkayaŋ ɗiy dəyukuməngən na məsənaŋzəga ɓa, vi məsənzəga nokum takay kaka'ə, ndəni Kristu. 11#MAT 20:26,27; MAR 9:35; 10:43,44; LUK 22:26Ɗəf an metiŋ na walaŋkum, wasan məgəɗ wəza nokum. 12#LUK 14:11; 18:14Ɗəf an dəɓaygən kizən pak kawɓe'gəni. Ɗəf an dəɓe'gən kizən pak kawɓaygəni.

Muluvuluvu net mərbaŋ-mahenziŋ də an net Farisaɗe

(MAR 12:40; LUK 11:39-42,44,52; 20:47)

13Əray akokum, munokum mərbaŋ-mahenziŋ dit Farisaɗe, məs muluvuluvuɗe, munokum tat əmpan maddamba na məlĩ na disiŋ səbet ɗiyi. Munokum zək nokum vani, kawtoŋgoŋ ɓa, ya kəppetin ɗiy en dəŋglaŋ ətoŋ dətoŋgoŋgən ɓa.

[ 14Əray akokum, munokum mərbaŋ-mahenziŋ dit Farisaɗe, məs muluvuluvuɗe, munokum tat əzəmən arya net gil net gəbayɗe, kawbay heret ɗiy na munokum tat ənziyaŋ diyɗa aka əkkam. Vini kawtawni wən akokum na daraw.]

15Əray akokum, munokum mərbaŋ-mahenziŋ dit Farisaɗe məs muluvuluvuɗe. Munokum tat əbbalan pehe mãy dələv pak vi kawrəh ɗəf an nawtaf əzba nokum tətaka daydayə. An kərahaŋka, munokum əkkpaŋgan wətən offo məs amta ɓa day kikum təl sula.

16Əray akokum, deŋgerɗe məkdəhaŋ deŋgerɗe. Munokum mənahaŋ na: Ɗəf dəsway də Gəla na Maŋgəlva pak nan ɗari, ya an aswayək də meleŋge naddəv Gəla na Maŋgəlva, asna dəknahan əsway nani. 17Dərweŋge, deŋgerɗe, mi an dəday di? Meleŋge sa, Gəla na Maŋgəlva məzəkkpaŋgan meleŋge salalaŋ sa? 18Munokum tat ənahaŋ əmpa na: Ɗəf an dəsway də matuya pak, tay də əŋɗa ɓa, ya an aswayək də əvəl an naka matuya, asna dəknahan əsway nani. 19Deŋgerɗe, mi də an dəday di? Əvəl sa, matuya məs dədakkpaŋgan əvəl nakan salalaŋka? 20Ɗəf an dəsway də matuya, nan də matuya gəm də zəga nakan pak aswayə. 21Ɗəf an dəsway də Gəla na Maŋgəlva, də Gəla na Maŋgəlva gəm də Maŋgəlva məs dəsan addəvən aswayə. 22#ISA 66:1; MAT 5:34Ɗəf dəsway də disiŋ, aswayək də mazaŋga na məlĩ na Maŋgəlva gəm də an dəsan akani.

23 # MƏS 27:30 Əray akokum, munokum mərbaŋ-mahenziŋ dit Farisaɗe, məs muluvuluvuɗe. Munokum tat əpsənən kəlaw na zəga nokum sən Maŋgəlva səzet teɓ net zeŋgeli, teɓ na anisa, teɓ na algaru, ya munokum tat əzgətaŋ kiy wən an metiŋgin naddəv mahenziŋ əɗɗa an dəslə, də ulasahã, də ətafa. Eskiŋ zəgeɗ nazba pay pakə. Ya kədawgəsetin meɓɓet ɓa. 24Deŋgerɗe, məkdəhaŋ deŋgerɗe, munokum tat əgəmən birte səra zəga nawsa nokum, ya munokum tat əsanən də zlogomo pakə.

25Əray akokum, munokum mərbaŋ-mahenziŋ dit Farisaɗe, məs muluvuluvuɗe. Munokum tat əɗetin gəɓet hĩlĩŋgiɗ nawsa zəga nokum də gəɓet kasliɗe nokum, ya gədivit aknahək də wəhala gəm də əssa məza helze ɓa. 26Munokum Farisaɗe deŋgerɗe, məɗet gədivit hĩlĩŋgiɗ nawsa zəga nokum daabəŋ tagay, asna gəɓet wasan salala.

27 # WNM 23:3 Əray akokum, munokum mərbaŋ-mahenziŋ dit Farisaɗe, məs muluvuluvuɗe. Munokum tat va magamasɗe məɗɗa sit ɗama ulaŋ dəppaka moggeti, ya gədivit aknahək dit slesleŋɗe net ɗiy mimtiti gəm əŋgəna zev awandi pakə. 28Nokum pak vas kənanaŋgə, appaka ɗiy təstəs kənanaŋ ama haret ɗiyi, ya kəladdəvkum kəknahaŋgək də muluvuluvu gəm də mbərayən pakə.

29Əray akokum, munokum mərbaŋ-mahenziŋ dit Farisaɗe məs muluvuluvuɗe. Vi munokum tat ərkanən net məskəleŋɗe, munokum əbayaŋ sitin gawla sit magamasɗe net ɗiy en təstəssə. 30Yaŋ kədawnahaŋ na: Va mənam tat pay net efiŋgiɗəm na, məsler na dənɗaŋ kawbay məskəleŋɗe ɓa. 31Munokum tat əpel aka zukum tusso vi kirtit ɗiy dəbeyin məskəleŋɗe kənanaŋgə. 32Nokum kəknahanənək an efiŋgiɗkum atəŋgaŋgə! 33#MAT 3:7; 12:34; LUK 3:7Dohõɗe, zeŋvit barwayɗe. Mbarmbar kədawkõhoŋ səma ətawwən nawmbat addəv offo məs amta ɓaŋ di? 34Vi wən nani nədawslən məskəleŋɗe, məs maɗɗuleti gəm mərbaŋ-mahenziŋ yaŋ azokum. Sə weleŋti, wakəbeyin ɗiy meɓɓeti, wakilewin ɗiy meɓɓet aka məzliwrihe, wakəvirin ɗiy meɓɓet addivit gəlaɗe nakkal nokum, wakərɓehetin sə walaŋgəla-metiŋ aŋka aŋka. 35#VAA 4:8 2AL 24:20,21Ka mbel net ɗiy en təstəs dəziyaŋ aka dəlvəŋ pak, təŋ səza mbel na Abel məs təstəssə, hã gap mbel na Zakari wətən Baraki an məs kəbayaŋ a walaŋ Gəla na Maŋgəlva də matuya dəkkpaŋgaŋgən akokum pakə. 36Gesiŋ nədawnah sukum: As pak wakkpaŋ aka sayit ɗiyəŋki.

Yesu tay əɓuh man aka Yerusalem

(LUK 13:34-35)

37Yerusalem, Yerusalem, is məbay məskəleŋɗe, məskə en məslən azok dit gərmeŋge. Təl gbəgbar nəŋgəl əkkelet ɗiy nok va gəmnda adakkelet kirtin ammba persleken di, ya kəŋgereŋ ɓa. 38#YER 22:5Ya məppani gəla nokum va kapta-muyã. 39#GLƊ 118:26In tat ənah sukum: Sessel, kuləwən na ɗah ɓa təŋ kakaŋka, hã gap mənokum ənahaŋ na: Əzaɓ aka ɗəf an dədazzan də iya na Daya.

Currently Selected:

Matiye 23: GBD

Highlight

Copy