Zakarya 7
7
Wəɗɗa meme naɗɗumon əza na Yerusalem
1Aka əzva mapoɗon na Dariyus aka məlyã, Yawe apel sən Zakarya, də əvoŋ mapoɗon na təla mavaytakani, təla na Kislew. 2Ɗiy na Betel aslənənək Sareser daya naba məlyã gəm ɗiy nan kakkaman Yawe, 3kassohẽt məsdəlveŋge məɗɗaŋ wəza addəv Gəla na Yawe Məzuɓappak gəm məskəleŋɗe na: «Nəhəmgən aka təla masle'en də əppet zəget nawzəm va nəɗɗa əzva gbaŋkəŋ sa?»
4Yawe Məzuɓappak apel suka, amna: 5Anah sit ɗiy naka dələv pakə, gəm məsdəlveŋge dawnəh na:
«Gala kəɗɗaŋ meme, kəɓuhnən mokum
aka təla masle'en də mabuhuloni,
əzva kaklaw buhul kəɗɗaŋ meme,
suwi kəɗɗaŋ meme van gesiŋ sa?
6Ya pay kədawzəmaŋ də kədawsaŋ na,
sən kiykum
kədawzəmaŋ də kədawsaŋ ɓa sa?»
7Aski əpel an Yawe anah də met məskəleŋɗe far pay Yerusalem asan fendeŋ, walaŋgəleɗe gugriɗ nan kiyən tərwəslə, Negev də dələv na Bagərəm məknihit dit ɗiy addəvit ɓa sa?
8Əpel na Yawe ade sənək Zakarya, dawnəh na: 9An Yawe Məzuɓappak apel yaŋka, amna:
«Mətawwən aket ɗiy gesiŋ də moggoni,
ɗəf pak dula
sasãh məlməni.
10Kədawsərnən met may gagəbaya, mitiwe
molhõyõ gəm məssahã ɓa;
kədaɗɗumoŋ naɗɗa mbərayən a mokrokum
aka məlmukum ɓa.»
11Ya aɓoŋgoŋko, dəzgaŋ sləma ɓa; ndəɗaŋ kiyvet zloŋgoŋgu, sləmet dəsldəsl vi adaprəmnən ɓa. 12Akkpaŋganənək mekret va təbəz ɓəɓəla, vi adaprəmnən mahenziŋ də əpel an Yawe Məzuɓappak aslən sit də Əmpəs nan də met məskəleŋɗe en far ɓa. Makra Yawe Məzuɓappak affyõhək diyɗa. 13Vaski
«va nəye lahəŋ dəprəmnən ɓa,
wayuwəni, ya nəprəm sit na ɓa,
Yawe Məzuɓappak anahə.
14Nətəraygitik aket dəlveŋge
məs dəsinin ɗah ɓa temtemi.
Dələv arayək dərɓegeti,
əgilye tay ɓa, ətoŋ tay ɓa.
Akkpaŋganənək dələv moggon
ka muyã ɗarə.»
Currently Selected:
Zakarya 7: GB
Highlight
Share
Copy
Want to have your highlights saved across all your devices? Sign up or sign in
All right reserved
