Zakarya 3
3
Ula mapoɗoni: Yosuwa daya net məsdəlveŋge
1 #
EZR 5:2
HNH 12:10
Yaŋ arban su Yosuwa, daya net məsdəlveŋge ziwwe aba maslay na Yawe gəm Məzəmkiya ziwwe aka va dəzəŋ nan kawzəm kini. 2#YUD 1:9Maslay aɓsən Məzəmkiya na: «Yawe dəslaŋguko Məzəmkiya; kəta Yawe məs dəwel Yerusalem dəslaŋguko. Ɗəf aŋ van motoffo məgdəhən səkoffo yi ɓa sa?»
3Yosuwa tay ziwwe aba maslay dit lukutɗe mərgẽ'it azani. 4Maslay aɓsit ɗiy en ziwziw nabani, amna: «Məggbuk sin lukutɗe mərgẽ'it nazani.» Sissiŋ anah sən Yosuwa na: «Awle, nəzargənək heslepe nok səzoko, in tat əgul suk lukutɗe kukuɗɗe.» 5Yaŋ nəmna: Dətər sənən mətərkiya an salala aka kini, yaŋ atər sənən mətərkiya an salala aka kini, agul sənən lukutɗe. Maslay na Yawe tay ziwwe. 6Sissiŋ maslay na Yawe apel sən Yosuwa aɓsən na: 7An Yawe Məzuɓappak anah yaŋka:
«An is tat ədaw aka tive nawa,
an is tat ərma wəsəɓɗe nawa,
wakəsok daya aka gəla nawa,
gəm wakəga daŋglaɗe nawa,
wanəpsuk tive nawtoŋ aweleŋgit en ziwziwiŋki.»
Maŋgəlva waɗɗa məgəɗ wəza nan dədegini
8 #
YER 23:5; 33:15; ZAK 6:12 Aprəm ɗa Yosuwa, daya net məsdəlveŋge, is dit geleŋgiɗuk en dəssoŋ ɗewɗew aboko, vi ndəɗaŋgə ɗiy dədawlaŋ an nabe: Vi in yakəŋ əɗɗa ka məgəɗ wəza naw dədegini,
iya nan na, Maməŋkənzeŋve.
9Vi gərəm yaŋ nəɗi aba Yosuwa.
Gərəm məs haran buhulu,
in yakəŋ əver an nawver akani,
Yawe Məzuɓappak aɗiyman na,
wanəzan heslepe
naka dəlvəŋ addəv pay taka.
10 #
MIK 4:4
Yawe Məzuɓappak aɗiyman na,
pay dəpaska, ɗəf pak waya galan
wassoŋ də maɗɗulet ammbet megezlembirkeɗ
gəm ammbet sokoyeɗi.
Currently Selected:
Zakarya 3: GB
Highlight
Share
Copy
Want to have your highlights saved across all your devices? Sign up or sign in
All right reserved
