Matiye 16

Farisaɗe dit Sadukiɗe tay əssohoŋ sekene

(MAR 8:11-13; LUK 12:54-56)

1 # MAT 12:38; LUK 11:16 Farisaɗe dit Sadukiɗe azoŋguk aza Yesu kawslani. Assohõnən dərban sitgən sekene dəde sə disiŋ. 2Yaŋ Yesu azlani, aɓsit na: An moskoy agəɗka, təki wasan lewi vi disiŋ pəreŋgi. 3Də mompumo dəpaŋka buwən wagəɗə, vi disiŋ kirɓiɓkirɓiɓi. Kəsənənək uɗakan disiŋ na, kəɓapənna uɗeket sekeneɗ na pay ɓa! 4#MAT 12:39; LUK 11:29Sayit ɗiy mbəreyti, məs məluvuluvuɗe. Tay əŋglaŋ Sekene ya arahaŋ na sekene maɓɓan abbər sekene na məskəleŋ Yonas ɓa. Yaŋ appeti, ambatə.

Wuɗo net Farisaɗe dit Sadukiɗe

(MAR 8:14-21)

5Dəggar gewleɗ azgətaŋgək dawgim meptekeɗ aveti. 6#LUK 12:1Yesu anah sit na: Məgəɗ maɗɗula məsla zukum səza wuɗo net Farisaɗe dit Sadukiɗe. 7Yaŋ gewleɗ adawpeleŋ dəddiviti, aɓɗaŋ na: Vi məgim meptekeɗ ɓaŋki. 8Yesu asənəka, amna: Vimi mənokum məs ətaf nokum məgəsnəŋ kədawpeleŋ dəddəvkum na, meptekeɗ tahəŋ avokum ɓa di? 9#MAT 14:17-21Kaprəmən gabban ɓa'a sa? Kaɗɗumonən wən net meptekeɗ sle sit ɗiy gabal sle, an dəmbər gadagarɗe mbarwa kəndaŋ di? 10#MAT 15:34-38Awaniɓa meptekeɗ buhul sit ɗiy gabal poɗo, an dəmbər gadagarɗe mbarwa kəndaŋ di? 11Vimi kaprəmnən gabban na, wən net meptekeɗ nədawpel sukum ɓa ɓa di? Məsla zukum səza wuɗo net Farisaɗe dit Sadukiɗe.

12Yaŋ gewleɗ nan aprəmnən gabban na dəpel nawsla zə ɗəf səza wuɗo net meptekeɗ ɓa, səza ərba zəga net Farisaɗe dit Sadukiɗe.

Piyer tay ərban na Yesu yi Kristu

(MAR 8:27-30; LUK 9:18-21)

13Adan Yesu agap aka va na Kaysariya na Filipi. Assohẽtik gewleɗ nani, amna: Ɗiy ka nawa adawɗinən Wətən ɗəf di? 14#MAT 14:1,2; MAR 6:14,15; LUK 9:7,8Aɓɗaŋ na: Meɓɓet ka Yohanna məgəɗ baptem, ɗiy meɓɓeti, ka Eliya, ɗiy meɓɓet əmpa ka Yeremiya, awaniɓa taka neret məskəleŋɗe en farə. 15Yaŋ Yesu aneh siti: Ya nokum nawa nan kədawnahaŋ di? 16#YOH 6:68,69Simoŋ Piyer azlani amna: Kristu Wətən Maŋgəlva madaran kənani 17Yesu apeli aɓsən na: Əzaɓ akoko, Simoŋ wətən Yonas; vi gəɓa zə ɗəf dit mbel dərban sukun ɓa, afu na disiŋgi yi. 18Naw in tat ənah suko: Piyer (Milɓe) kənani, ya aka milɓes nədarka Gəla nakkam nawa, maddembeɗe na təki nanziya net mimtit aska na wəlan ɓa. 19#MAT 18:18; YOH 20:23Wanipsuk lekile nawkol metiveɗ na məlĩ na disiŋ. An kiynə səgge aŋka, waynə a disiŋ, an kədawpəl səka dələv aŋka, kawpəlni sə disiŋ.

20Yaŋ Yesu abay met gewleɗ nan adawnahaŋ sənən ɗəf taka dayday na ndəni Kristu ɓa.

Yesu apelik wən na əmta nan də wəsilya nan səka əmta

(MAR 8:31—9:1; LUK 9:22-27)

21Təŋ siske ləŋ, Yesu atəŋ ərban sit gewleɗ nan na: Aslək dəlgən a Yerusalem, kawzəm sahã diyɗa səvet ɗiy məsɓet dit deyeɗe net məsdəlveŋge mərbaŋ zəga na mahenziŋ, wabaynəni, də əvoŋ mahokoni, wasil səka əmta. 22Piyer abitginək tuɓollo, apel sən na wəlan na ŋgboro dawnəh na: Maŋgəlva dəguko Daya. Zəgas adaɗɗa akok kpak ɓa. 23Yaŋ Yesu akkpaŋgan harani, aɓsən Piyer na: Azar səzawa Satan! Zəga nazbərgu kənani, vi əɗɗum nok tay va na Maŋgəlva ɓa əɗɗum nok va net ɗiyi. 24#MAT 10:38; LUK 14:27Yaŋ Yesu anah sit gewleɗ nan na: An ɗəf aŋgələk wəzbawa, dəppan əɗɗum aka zəni, dəgəmgən wəlaŋga məzliwrihe dəzbawgəni. 25#MAT 10:39; LUK 17:33; YOH 12:25Vi ɗəf an dəŋgəl əkõhgən zeŋgileni, wazani. Ya məs dəzan zeŋgilen aka wən nawa, nan warəha. 26Mi adawtər sən ɗəf an arəhək mammba dələv gboŋ ka nan an azanək zeŋgilen di? Awaniɓa, mi ɗəf adawɗi agəla zeŋgilen di? 27#MAT 25:31 GLƊ 62:13; ROM 2:6Vi Wətən Ɗəf wade addəv gagdak na Afən dit maslayɗe nani, wafaɗsən ɗəf pak aza wəza nani. 28Gesiŋ nədawnah sukum ɗiy meɓɓet tahəŋ awalaŋgit ɗiy en dəssoŋ aŋkiŋki, sessel amtaŋ na tak dulanən Wətən ɗəf əzzan addəv məlĩ nan ɓa ɓa.

Currently Selected:

Matiye 16: GB

Highlight

Copy