Matiye 1

Mahəlfa gəm uwa na Yesu

(1:1—2:23)

Dəhəŋgiɗ Yesu

(LUK 3:23-38)

1Iya net dihigiɗin Yesu Kristu, wətən Davit, wətən Abraham:

2Abraham duwa Isak, Isak duwa Yakob, Yakob duwa Yuda dit milmiŋgiɗni, 3Yuda duwa Fares gəm Zara, Tamar tə meti, Fares duwa Esrom, Esrom duwa Aram, 4Aram duwa Aminadabu, Aminadabu duwa Nason, Nason duwa Salomoŋ, 5Salomoŋ duwa Bo'ez, Rahap tə mani. Bo'ez duwa Obed, Rut tə mani. Obed duwa Yesse, 6#2MI 24:14,15; 2AL 36:10; YER 27:20Yesse duwa məlĩ Davit.

Davit duwa Salmoŋ, dət guluk na Uriya, 7Salmoŋ duwa Robo'am, Robo'am duwa Abiya, Abiya duwa Asaf, 8Asaf duwa Yosafat, Yosafat duwa Yoram, Yoram duwa Oziya, 9Oziya duwa Yohatam, Yohatam duwa Akaz, Akaz duwa Hizkiya, 10Hizkiya duwa Manasse, Manasse duwa Amon, Amon duwa Yosiya, 11Yosiya duwa Yekoniya dit milmiŋgiɗni, gala məsimgit ɗiy a Babilon.

12Səza məsimgit ɗiy a Babilon, Yekoniya duwa Salatiyel, Salatiyel duwa Zorobabel, 13Zorobabel duwa Abiyu, Abiyu duwa Eliyakim, Eliyakim duwa Azor, 14Azor duwa Sadok, Sadok duwa Akim, Akim duwa Eliyu, 15Eliyu duwa Eliyazar, Eliyazar duwa Matan, Matan duwa Yakob, 16Yakob duwa Yosef zələt Miryam, məs tuwa Yesu, məs adawyaŋ na Kristu.

17Sap net dihigiɗin təŋ səza Abraham hã gap Davit na, kəlaw kiyit poɗo, təŋ səza Davit hã gap məsimgit ɗiy a Babilon dihigiɗin kəlaw kiyit poɗo, təŋ səza məsimgit ɗiy a Babilon hã gap aza Kristu, dihigiɗin kəlaw kiyit poɗo.

Uwa na Yesu Kristu

(LUK 2:1-7)

18 # LUK 1:27 Vaŋki uwa na Yesu Kristu agəɗə. Miryam, mani, Yosef məzudahta, tak təɓəl əsap dəndən ɓa, təɗiyək daway də Zeŋgile Salala. 19Yosef məzudahta, ɗəf təstəsi, dəŋgəl ərbə sət wil ɓa, aynanək nappat məhaɗama. 20Adan adaɗɗum vaska, maslay na Daya adek əsine akani, anah sənək na, Yosef wətən Davit kəgeslne dawgəmət Miryam, ɗak nok ɓa, vi an dəsəɗ addəvta də gagdak na Zeŋgile Salalayi, 21#LUK 1:31watəwə wiyna, wakəlvan na Yesu. Vi wakõhgit ɗiy nan səka mbərayən neti.

22As pak agəɗ na, vi kaknahan an Daya anah də ma məskəleŋ na:

23 # ISA 7:14 Waŋ ŋgbuɓɓo watəɗi daway watəwə wiyna,

kalvani na Emanuwel,

va wənah na: Maŋgəlva tay də mənamə.

24Gala afɗah səket sini, Yosef aɗɗak va maslay na Daya aɗiy sən wən nani, agəmtək gon ananda, 25#LUK 2:21ya dəvoŋ dəndət ɓa hã ndət bok wiyna, yaŋ alvan na Yesu.

Currently Selected:

Matiye 1: GB

Highlight

Copy