मरकुस 8
8
येसुडे़ॽ रिक्पोङ हजार याॽमिजि हिङ्बॽआ
(मत्ति १५:३२-३९)
1फेरि इक्याक बेॽलो याॽमिजि सुम्बॽआ ले़टामे। खोजिनुङ चामामि लागि इमाङ्सो माॽआडा। मोडोगे़ॽ येसुडे़ॽ खोमि चोङ्साजि के़ःॽनुङ इडोॽ लुसुजि, 2“इघा याॽमिजि खाङ्नुङ सारो नम्नम मिॽटुङ्जिङ। इघाजि कानुङ पेम्बॽआ आयु सुम याक याक्खे़टे़, चामामि लागि इघाजिनुङ इमाङ्सो माॽआ। 3खाक्सानुमे, इघाजिबेॽ कोहि कोहि बेॽलोनोॽ ओःबाङ इगोबेॽ लेङ्इटामे। हागो इघाजि साक्मेन्जा पाङ्माजिहोङ्गो रामबेॽनोॽ सागे़ॽ टेन्डिॽखे़म्मि होला।” 4खोमि चोङ्साजिडे़ॽ इडोॽ लुसुजि, “खोइ, इगो सङ्गासुमा ठाउँबेॽ इमाङ चामासो चुप्निहा, इढे़ःॽलोहा याॽमिजि इन्डोक्टे चरेपा हिङ्महाजि ?” 5येसुडे़ॽ चोङ्साजि सिप्सुजि, “हे़निङ्नुङ इन्डोक गोटा चरेपा टुहा ?” चोङ्साजिडे़ॽ लुसुजि, “इगोबेॽको एच्चि गोटा चरेपा टुहा।”
6मोबा येसुडे़ॽ याॽमिजि चउरबेॽ पेम्मेॽटुजि। मोबा ए़क्साङ खोसे़ॽ एच्चि चरेपा हुकपेॽ याङ्मानुङ निवाहाङ ओहाक पिसु। मोबा चरेपा एॽनुङ चोङ्साजि हामेॽटुजि मोबा चोङ्साजिडे़ॽ याॽमिजि हाबेॽटुजि। 7खोजिनुङ ए़द्रिहा ङासो टुसा येसुडे़ॽ माहामि लागिसो निवाहाङ ओहाक पिसु, मोबा चोङ्साजि हामेॽटुजि। 8चोप याॽमिजिडे़ॽ उक्खारो चोसेॽनुङ एम्बॽआ टुक्रा सुम्माबेॽ एच्चि ओक्खेङ इॽठुप लिसा। 9मोबेॽ चाघुबा याॽमिजि रिउम हजारडोक टुसामे। मोबा येसुडे़ॽ माहाजि बिदा पिसुजि। 10मोबा सोरोॽनोॽ येसु चाहिँ चोङ्साजिनुङ नाउबेॽ साङ्नुङ दलमनुथा सहरलाम खडा।
फरिसिजिडे़ॽ चिङ्गा ङाःक्पॽआ
(मत्ति १६:१-४)
11कोहि फरिसिजि मोबेॽ लेन्नुङ येसुनुङ काबुगामि। माहाजिडे़ॽ येसु जाँच ले़ःॽसाङ थाङ्सिरिबाङ्ए इक्को चिङ्गा कानिङ खाङ्मेॽमा लुसुजि। 12इगो खा खेम्नुङ येसुडे़ॽ सोःक्मा सासाङ लुसु, “आयुहा याॽमिजिडे़ॽ इन्ढोङ चिङ्गा खाङ्मा योॽइन्डुजे ? चइबानोॽ के़ॽ हे़निङ लुनिम्ने़, इडोक्हा याॽमिजिडे़ॽ इमाङ्सो चिङ्गा खाङ्डोक्टुजिनिबा।” 13इडोॽ लुआनुङ माहाजि मोबेॽनोॽ याःॽयानुङ खो नाउबेॽ साङ्नुङ फेरि मे़ॽएरेङ खडा।
फरिसिनुङ हेरोदमि रेम्सिङ खाबाङ होसियार लिमे सिक्छे
(मत्ति १६:५-१२)
14चोङ्साजिडे़ॽ चरेपा खिमा मिन्डेटुजि। खोजिनुङ नाउबेॽ इक्को चरेपारेॽनोॽ टुसा। 15मोबा येसुडे़ॽ चोङ्साजि लुसुजि, “फरिसिनुङ हाङ्बा हेरोदमि खा खमिरडोॽ मङे़हा ले़हा, मोबाङ हे़निङ होसियार ले़टानिङे।” 16“कानिङ्नुङ चरेपा माॽआबासे़ॽ येसुडे़ॽ कानिङ इडोॽ लुबॽआडे,” लुनुङ चोङ्साजि खोजिदाङ्बा काबोगामि। 17चोङ्साजिडे़ॽ इःबॽआ खा येसुडे़ॽ लेडोक्नुङ खोजि इडोॽ लुसुजि, “हे़निङ्नुङ चरेपा माॽआहा लुनुङ इन्ढोङ आक्टोॽ कान्डानिङे ? इमा हे़निङे़ॽ हागोसो मे़ङ्खाक्सानुमे ? मे़लेसानुमे ? इमा हे़निङ्मि निवा हागोसो छॽइये ? 18हे़निङ्मि मिक टुसो खाङ्डोक्टानुम्ने। ने़ए़क टुसो खेप्सानुम्ने। इमा हे़निङे़ॽ लेसानुम्ने ? 19के़ॽ ङाउम चरेपाडे़ॽ माहा ङाउम हजार याॽमिजि हिङ्माबेॽ इन्डोक ओक्खेङ एम्बॽआ ले़टाहा ? मिन्डेडानुमे” चोङ्साजिडे़ॽ लुसुजि, “बारो ओक्खेङ!” 20येसुडे़ॽ फेरि माहाजि सिप्सुजि, “मोबा एच्चि चरेपाडे़ॽ रिउम हजार याॽमिजि हिङ्माबेॽ इन्डोक ओक्खेङ चरेपामि टुक्रा एम्बॽआ ले़टाहा ?” चोङ्साजिडे़ॽ लुसुजि, “एच्चि ओक्खेङ इःगुङ्मा!” 21मोबा येसुडे़ॽ माहा चोङ्साजि लुसुजि, “इमा हे़निङे़ॽ हागोसो मे़लेसानुमे ?”
येसुडे़ॽ मिक मे़ए़ॽखुबा याॽमि नुबोक्पॽआ
22येसु चोङ्साजिनुङ सोरि बेथसेदा लुमे खिम्डेमबेॽ लेस्सा। मोबेॽ याॽमिजिडे़ॽ मिक मे़ए़खुबा इक्को याॽमि खोबेॽ चिक्चे़ॽनुङ लुसुजि “इगो के़क्नुङ नुबोक्पेॽमा” लुसाङ बिन्ति ले़टुजि। 23येसुडे़ॽ मो मिक मे़ए़खुबा याॽमि हुकपेॽ राःप्नुङ खिम्डेमबाङ पाखे़ॽयु चिॽखे़ॽटु। मोमि मिकपेॽ चेःॽनुङ खोमि हुक युङ्नुङ सिप्सु, “इमा हे़ने़ॽ इमाङ खाक्सुए ?” 24मोसे़ॽ मिॽटु खाङ्साङ लुसु, “के़ॽ याॽमिजि सिङ्बु राम्डिडोॽ खाङ्मे़ॽनिङ्सिनुङे।” 25मोबा येसुडे़ॽ फेरि मोमि मिकपेॽ हुक युक्सु, मोबा मो याॽमिडे़ॽ नुरोॽ खाक्सु, इडोॽ खाङ्माबेॽ खोसे़ॽ चोप छे़ङ्गै खाङ्हेसु। 26मोबा ए़क्साङ येसुडे़ॽ खो खिम पाङ्साङ लुसु, “हे़न खिम्डेममि हाइखा खिमबेॽ मे़ङ्खे़ॽरेॽ ओङ्लाम टाङ्बामि खिम खडो लुसु।”
येसु असाडे ?
(मत्ति १६:१३-२०; लुका ९:१८-२१)
27मोबा येसु खोमि चोङ्साजिनुङ कैसरिया फिलिप्पि सहरराजि खडामि। खोजि रामबेॽ खे़ॽमे़ॽनिङ्सिमाबेॽ येसुडे़ॽ चोङ्साजि सिप्सुजि, “याॽमिजिडे़ॽ का असाडे लुम्मे ?” 28चोङ्साजिडे़ॽ खो लुसुजि, “कोहिजिडे़ॽ हे़न बप्तिस्मा पिघुबा युहन्ना लुम्मे, हाइखाजिडे़ॽ एलिया लुम्मे, मोबा इन्डोक जनाडे़ॽ चाहिँ याक्लोहा अगमबक्ताजिबाङ इक्को लेङ्इटे़ लुम्मे।” 29येसुडे़ॽ माहाजि फेरि सिप्सुजि, “हे़निङे़ॽ चाहिँ का असाडे मिॽइन्डानिङे ?” पत्रुसडे़ॽ लुसु, “हे़न मुक्ति पिघुबा हाङ्बा खिरिस्ट ले़ये।” 30मोबा येसुडे़ॽ खोमि चोङ्साजि इगो खा हाइखाजि असासो अडिॽ ए़ॽलुमाहाजि यो लुनुङ लुसुजि।
येसुडे़ॽ आङ्मे खेःनुङ सिमामि टुम्बेॽ इःबॽआ
(मत्ति १६:२१-२३; लुका ९:२२)
31मोबा ए़क्साङ येसुडे़ॽ खोमि टुम्बेॽ चोङ्साजि इःबेॽटुजि, “का याॽमिमि पसाडे़ॽ बेॽलो खेः आङ्मा खे़ये, मोबा यहुदि सासकजि, एप्पा याडाङ्बाजिनुङ यहुदि धारमिक खा इःॽखुबाजिडे़ॽ खो बिस्वास ले़टुजिनिबा, सिनुङ सुम याकपेॽ हिङ्बोक्मा खे़ये लुनुङ इःडुजि।” 32इडोॽ येसुडे़ॽ खोमि टुम्बेॽहा खा खोम चोङ्साजि नुरोॽ इःबेॽटुजि। मोबा पत्रुसडे़ॽ येसु मेॽयोङ चिक्खे़ॽनुङ योबु। 33तर सोरोॽनोॽ येसु चोङ्साजिलाम हिङ्घे़ॽनुङ पत्रुस इडोॽ लुसाङ योबु, “हे़न सैतान, काबाङ ओः खे़ॽपेसे, इगो निवा निवाहाङ्बाङ्ए ने़ॽनि, तर याॽमिमि निवाबाङ काये।”
चोङ्साजिडे़ॽ ले़ःॽमानोॽ खे़ये योम्बोक
(मत्ति १६:२४-२८; लुका ९:२३-२७)
34मोबा येसुडे़ॽ खोमि चोङ्साजिनुङ मोबेॽहा हाइखा याॽमिजि के़ःॽनुङ लुसुजि, “खेप्सानुमे, असा के़ए़ चोङ्सा लिमा मिङ्इन्डानिङ्होङ खोसे़ॽ खोमटाङ्बा मिन्डेॽमा खे़येनुङ सिमा सिॽहोङसो सिमा खे़ये। मोबा टाङ्बामि काप्सिङ खिमानुङ कानुङ राम्मा खे़ये। 35इन्ढोङ्होङ असे़ॽ खोमि सोःक्मा जोगबा ले़न्डुए, मोसे़ॽ मो मे़चोबेन्डुए, तर काङ्मि लागिनुङ सुसमाचारमि लागि खोमि सोःक्मा पिघुबाडे़ॽ मो चुप्मिन्डुए। 36इन्ढोङ्होङ याॽमिडे़ॽ इगो मक्खाम्डेममि चोप थोक चुप्नुङ्सो खोमि सोःक्मा चाहिँ मे़चोबेसुहोङ खो इमाङ फाइदा लिये ? 37याॽमिडे़ॽ मे़ःपेबॽआ सोःक्मा फेरि हाम्बाङ चुप्मिन्डुए ? 38मोबा इघा बिस्वास मे़ॽनिङ्हा पापिनुङ बेभिचार ले़ःॽखुबा पुस्ताबेॽहा असा असे़ॽ कानुङ, मोबा के़ए़ बचनबेॽ बिस्वास ले़ःॽमा ङेसिम्मे, ए़क्साङ का याॽमिमि पसासो निवाहाङ पाबामि महिमा लानुङ थाङ्सिरि दुतजिनुङ लेम्माबेॽ माहा याॽमिजिनुङ ङेसिङे।”
Currently Selected:
मरकुस 8: YAMP
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society
