Mateu 10

Vapostori gumi na vaviri

(Marku 3:13-19; Ruka 6:12-16)

1Naapo wadanija kwaari vajiji vake vari gumi na vaviri, wakavapa simba panyezuru po mweya inosvina kuti vaimbirimbije, no kurapa ndhenda jese no kuhwara kwese. 2Aya ndiwo mazina o vapostori vari gumi na vaviri; uwo wokutanga ndi Simoni waizwi Pedru, na Andreu munukuna wake; na Jakobe mwana wa Zebhedhi, na Johani munukuna wake, 3na Firipi, na Bhartoromeu; Tomasi, na Mateu mushabisi; Jakobe mwana wa Arifeu, na Tadheu; 4na Simoni mukenani, na Judhasi Isikariyoti uwo wakamupira.

Jesu unotuma vapostori

(Marku 6:7-13; Ruka 9:1-6)

5Ava vari gumi na vaviri Jesu wakavatuma, akavapanga echiti: Musaenda mu njira yo vo majinja, musanghwina muguta pikija riri ro vaSamariya; 6asi motoenda ku mabvuta akarashika o nyumba yo Israeri. 7Endanyi mwechichumaira, mwechiti: Umambo hwo mu gore hwa phedo. 8Rapanyi vanohwara, musanyi vakafa, chenesanyi vanomapere, mbirimbijanyi mabzoka; mwakaashira ngo nyasha, mweshipavo ngo nyasha. 9Musatora mukore, nokuti sirivha, nokuti thusi muzvikwama zvenyu. 10Zve, nokuti muzava wo hwendo hwenyu, musina mabhachi maviri, nokuti magwada, nokuti ndonga; ngokuti mushandi unosisira kupuwa kuha kwake. 11Pikija ngomwapi mu dhoropa nokuti mu guta mwo munozonghwina, bvunjisanyi kuti ndiyani uri mukati mwaro unosisira; apo ndipo po munozogara mbhera mubvemwo. 12Mwoonghwina mu nyumba, ichingamijenyi. 13No kudari nyumba iyo yechisisira kunyarara kwenyu ngakuve panyezuru payo; asi kudari isikasisiri, kunyarara kwenyu ngakuhwirire kwomuri. 14Pikija ndiyani avo vasikazomuashiri, nokuti kupurutana mazwi enyu, pakubuda munyumbamwo, nokuti dhoropa iro, #10:14 Kupumbhuja bukuta: chayiva chirovejeso cho vaJudha kuitira madhoropa o vo majinja; awo asikaashiri Jesu, vajiji vake, nawo aizoashira kutongwa. Zvak. 13:51.pumbhujanyi bukuta kubva pa tshoka jenyu. 15“Zvirokwazvo ndinoti kwomuri, kunozopinda kureruka kuno nyika yo Sodhoma no yo Gomora#10:15 Sodhoma no Gomora: vonayi kuna: Gen. 18—19. ngo zuva ro kutongwa, kuna dhoropa iro.”

Kutambujwa no kuteverehwa kwo vapostori

(Marku 13:9-13; Ruka 21:12-17)

16“Vonanyi, ndinomutuma kudari ngo mabvuta mukati mwo mathika. Ndizvo mwechingwara kudari ngo nyoka, mwakapfava kudari ngo njiva.” 17Asi ngwaranyi vandhu, ngokuti vanozomupira kubangano, navo vanozomurova mu nyumba javo jo kudira. 18Nemwi munozoziswa pamberi po vatongi, no po majimambo, ngo ndava yangu, kuyita chapupu kwavari no ku majinja. 19Asi apo voomupira musazodembatemba kuti munozovereketenyi nokuti kureva kudini; ngokuti kunozopuwa kwomuri ngo nguva iyo, chomunozovereketa. 20Ngokuti andimwipi munozovereketa, asi mweya wa Baba wenyu unozovereketa uri mukati mwenyu. 21No mukoma unozopira munukuna kuti afe, na ngokudaro baba mwana wavo, no vana vanozomukira vabari, nokuita kuti vaurawe. 22Nemwi munozonyenywa ndivo vese ngo ndava yo zina rangu. Asi uwo unozoshingirira mbhera kupera, unozoponeswa. 23Asi apo vanozomuteverera mu guta rimwe, mwechitizira kuno rimweni; ngokuti ngozvirokwazvo ndinoti kwomuri, amuzopeji kufamba madhoropa ese a Israeri, asati aviya Mwana wo Mundhu. 24Mujiji aaripi panyezuru po mujijisi wake akadi, no muranda aaripi panyezuru pamambo wake. 25Kubvira kuno mujiji kuti adari ngo mujijisi wake, no muranda kuti kudari ndi mambo wake. Kuti kudari vakaduja mune wo nyumba kuti Bherizebhuri#10:25 Bherizebhuri: muzvare womweya yakashata, mambo wo ndhunji., vanozopinda kwakaitawani kuvaduja kudaro avo vari vo nyumba yake?

Ndiyani wo tinotya

(Ruka 12:2-7)

26“Ndizvo musavatya! Ngokuti apana chiro chakafishika chisikazopangijihwi; nokuti chakavigika chisikazoziviki. 27Icho chondinomubvunja mu chidima, chiteketesenyi mukujeka, no icho cho munozwa munjeve chichumairenyi muri panyezuru po chachungu cho nyumba. 28Musatya avo vanouraya muviri, asi vasina simba ro kuuraya mweya, asi ityanyi uwo uno simba ro kuparaja zvese mweya no muviri mu Gehena. 29Zvishiri zviviri azvitengeswi ngo kobiro here? No chimwe chazvo achizowi pasi pa mavhu chisikazivi kutendehwa ndi Baba wenyu. 30Asi no bvuji ro musoro yenyu rakaverengwa rese. 31Ndizvo musatya, muri vanopinda kudikana kuno zvishiri zvakawanda.”

Kutenda nokuti kuramba Kristu

(Ruka 12:8-9)

32“Ndizvo wese uwo unozonditenda pamberi po vandhu, nayevo ndinozomutenda pamberi pa Baba wangu vari mu gore. 33Pikija ndiyani unozondiramba pamberi po vandhu, nayevo ndinozomuramba pamberi pa Baba wangu vari mu gore.”

Kuparajana ngo ndava ya Jesu

(Ruka 12:51-53; 14:26-27)

34“Musarangarira kuti ndakaviya kuzisa kunyarara mu nyika; andizivi kuviya kuzisa kunyarara, asi shoti. 35Ngokuti ndakaviya kuparajanisa mundhu na baba wake, mwana wokaji na mayi wake, nyamwana na nyezvara wayo. 36#Vonayi kuna: Mik. 7:6.No vakorore vo mundhu vanozoyita avo vari vo mbhuri yake. 37Iye unopinda kuda baba dangani mayi kuno inini, aazivi kundisisira. Naye unopinda kuda mwana o rume dangani mwana wokaji kuno inini, aazivi kundisisira. 38No uwo usikatori muchinjiko wake, atevere sure kwangu aazivi kundisisira. 39Iye unowana kurarama kwake unozokurasha; no uwo unozorasha kurarama kwake ngo ndava yangu unozokuwana.”

Musharo ngokuyita zvakanaka

(Marku 9:41)

40“Iye unomuashira imwimwi unondiashira inini, no uwo unondiashira, unoashira uwo wakandituma. 41Iye unoashira muprofeti ngo zina ro muprofeti unozoashira musharo wo muprofeti; no uwo unoashira mundhu wakarurama ngo zina ro mundhu wakarurama unozoashira musharo wo mundhu wakarurama. 42No uwo unozopa kwo umwe wo vadoko ava tsani yo kumwa inotondhora yega, ngo zina ro mujiji zvirokwazvo ndinoti kwomuri, aatongozorashikihwi ngo musharo wake.”

Currently Selected:

Mateu 10: CINDAU NT

Highlight

Copy