Matí Injíl 9

IX. NUHMÍ BÁB.

1Berí chaka chaṛṯẖo sháṉbará tharṯẖo shuḏẖo waṯẖí shahrá áḵẖtag̱ẖe. 2Guḍá marde ki náduráh bíṯẖa, khatra chaka áṉhí gurá ártha, Yesuá áṉhání ímán surphaḏẖ bíṯẖo náduráhe mardar gwashta, bachh maní, ḵẖátirá jamá khan; thai gunáh bashkṯẖo dáṯẖa. 3Guḍá kharde shara likhoḵẖá waṯẖí dilá gwashta ki, hawi mard phukar khanag̱ẖe. 4Yesuá áṉhání matlav surphaḏẖ bíṯẖo gwashta ki, Shá pachi waṯẖí dilá bad buriṯẖa? 5Chih saukháê ki gushán thai gunáh bashkṯẖo dáṯẖa, ki kharo bí, juz. 6Phawakán ki shá sahíh biye ki jiháná gunáh bashkag̱ẖ Ádam Bachh dastá astí, náduráhe mardar gwashtai kharo bí, waṯẖí khatrá zír, log̱ẖá juz. 7Kharo bíṯẖo waṯẖí log̱ẖá shuḏẖa. 8Guḍá álam ki hawi hál díṯẖa hairán bíṯẖo, Huḏẖár galág̱ẖá khaptag̱ẖant ki írge kár mard dastá dáṯẖa.

9Yesuá shawoḏẖa shuḏẖo maẖsúl‐handá marde díṯẖa ki áṉhí nám Matí bíṯẖa. Gwashtai mai phaḏẖá beyá. Guḍá kharo bíṯẖo áṉhí phaḏẖá shuḏẖa.

10Hacho bíṯẖa ki pha warag̱ẖá nishta guḍá báz maẖsúl giroḵẖ de gunáhgár de áḵẖto, go Yesuá wa áṉhí shágirdá nishtag̱ẖant. 11Farísíá hawi hál díṯẖo áṉhí shágirdar gwashta ki, shai wázẖá go maẖsúl giroḵẖá wa gunahgárá pachi wárt. 12Yesuá hawi gálwar ashkhuṯẖo gwashta ki duráhe mardar tavív pakar ne, áṉhánrá ki náduráhant pakarê. 13Shá baroe, hawí gálwar matlav phole ki rahm ma loṭag̱ẖán, kurbání na. Gunáhgár pha gwánjanag̱ẖá áḵẖtag̱ẖán, rástbáz mard na.

14Guḍá Yuhanná shágirdá áṉhí gurá áḵẖto gwashta ki má de Farísí de pachí báze roshag̱ẖ dárún, thai shágird roshag̱ẖ na dárant. 15Yesuá gwashta ki jhanj greṯẖa khat, waktá ki sír‐wázẖá go áṉhání phajiá bí? Roshe hacho bí ki sír‐wázẖá barí jí, guḍá roshag̱ẖ dárant. 16Khase noḵẖe guḏẖ kaune jar chaka na lainí doshí. 17Hacho bí, sakhiá sindí. Na kaune khalí, azẖ noḵẖe sharává pur khanant: hacho bí, khalí phrushant, sharáv gáṛ bí, khalí de whár bi. Noḵẖe khalí azẖ noḵẖe sharáv pur khanant, guḍá har do jawán bant.

18Waktá ki hawi gálwar khanag̱ẖaṯẖ ya sardare áḵẖto sijda khuṯẖa: gwashtai mai jannikh ní murṯẖo shuḏẖa; lekin beyá, áṉhí chaka waṯẖí dastá lain ki zindag̱ẖ bí. 19Yesu de shágird de kharo bíṯẖo, áṉhí phaḏẖá shuḏẖag̱ẖant. 20Guḍá ya záleá ki áṉhí hoṉ doázdáh sálá azẖ láfá darkhafáná shuḏẖa, áṉhí phaḏẖá áḵẖto jar chaka murdánag̱ẖ laiṯẖa, 21ki waṯẖí dilá gwashtai áṉhí jará dast lainán, duráh bán. 22Yesuá dem̱vá khuṯẖo díṯẖo gwashta, Yá jannikh, ḳhátir jama khan; thai ímáná thará duráh khuṯẖa. Hawáṉ waktá zál duráh bíṯẖa. 23Guḍá Yesuá sardar log̱ẖá áḵẖto nárí janoḵẖ de báze mard de díṯẖo ki shor khanag̱ẖant, gwashta baroe, 24jannikh murṯẖo na shuḏẖa, wafsag̱ẖe. 25Guḍá áṉhí chaka shag̱ẖán jaṯẖaish. Thewag̱ẖe mard dará khuṯẖo, waṯẖ andará shuḏẖa. Guḍá áṉhí dast giptai, jannikh de kharo bíṯẖa. 26Thewag̱ẖe dehá de áṉhí nám mazan bíṯẖa.

27Yesu shawoḏẖa gwasta, guḍá do mard, ki chhamá khoraṯẖant, áṉhí phaḏẖá shuḏẖag̱ẖant. Gwánkh jaṯẖo gwashtaish ki Yá Dáúd Bachh, mai chaka rahm khan. 28Log̱ẖ andará áḵẖtag̱ẖe, khore mard de áṉhí gurá áḵẖtag̱ẖant. Yesuá gwashta ki Shá dilá khanag̱ẖe ki hawi kár mai dastá astí. 29Áṉhání gwashta hau, Huḏẖáwand. Guḍá chhamá dast laiṯẖo gwashtai ki cho ki shai ímánê, írge shai saláh phílav bí. 30Yabará áṉhání chham duráh bíṯẖag̱ẖant. 31Hawáṉ mardá shuḏẖo, thewag̱ẖe dehá áṉhí nám mazan khuṯẖa.

32Waktá ki rawag̱ẖaṯẖant, gúnge mard, ki azẖ bad‐ruhá pur‐bíṯẖa, Yesu gurá ártha. 33Bad‐rúh khashtai, guḍá gúnge mardá go zawáná gwashta. Álam hairán bíṯẖo gwashta ki írge kár Israel dehá mundo sahrá na bíṯẖa. 34Farísíá gwashta ki bad‐rúh sardar madadá, bad‐rúh khashí.

35Yesú thewag̱ẖe shahr wa halk neáṉwáṉ pheḏẖa phoḏẖa shuḏẖa, nawásh‐log̱ẖá wáz khanána, bihisht sará whashhál deána, thewag̱ẖe ná‐duráhe mard duráh khanána. 36Yesuá álam díṯẖa guḍá áṉhí dilá thars áḵẖta ki dukhí bíṯẖo, khurdeṯẖant, mesh wájá ki áṉhání pahnwál nestí. 37Guḍá waṯẖí shagirdár gwashtai, báz mulk bíṯẖa lekin ronoḵẖ kamenant. 38Hawi sángá azẖ khishár‐wázẖahá loṭe ki pha ronag̱ẖá phoriátí dem̱vda.

Currently Selected:

Matí Injíl 9: BGPRMAT

Highlight

Copy