Matí Injíl 15

XV. PÁṈZDUMÍ BÁB.

1Guḍá Yesu nemg̱ẖá azẖ Yerusalamá Farísíá de shara likhoḵẖá de áḵẖto gwashta, 2ki Thai shágird buzurg mardom rawáyat pachi gár khanag̱ẖant? ki waṯẖí dastá na shoḏẖant nag̱ẖan warag̱ẖá pheshá. 3Áṉhiá jawáv dáṯẖo gwashta ki Shá pachi rawáyat sababá Huḏẖai hukm gár khane? 4ki Huḏẖá hukm dáṯẖa ki waṯẖí máṯẖ de waṯẖí phiṯẖ de áb khane; marde ki hai wathí phiṯẖ sará hai waṯẖí máṯẖ sará gandag̱ẖe gálwar khat, hawán mard mirí. 5Shá gushe ki har khas ki hai waṯẖí phiṯẖar hai waṯẖí máṯẖar gushí ki har chi, ki azẖ mai phalwá thai dastá khai, Huḏẖá sángá naḏẖar bíṯẖa, 6hawán mard waṯẖí phiṯẖ áb na khat. Shá de waṯẖí rawáyat sababá Huḏẖá gálwar whár khuṯẖa. 7Yá riyáí‐khanoḵẖ mard, Yasaiyáh nabíá jawánig̱ẖá gwashta ki.

8Hawi álam go dafá mai áb khanant;

Ánhání dil azẖ má dírê.

9Hechi síṯẖ nesti ki mai bandagí khanant,

Ki mardom hukm shomdárant.

10Guḍá Yesuá ummatar gwánjṯẖo gwashta ki Bashkhane, surphaḏẖ bie, 11har chi ki mard daf andará ro, áṉhiar nápák na khat; hawáṉ áṉhiar nápák khat ki azẖ dafá darkhafí. 12Guḍá shágirdá áḵẖto gwashta ki thau sahíhai ki hawi gálwar sababá Farísíá zahr gipta? 13Jawáv dáṯẖo gwashtai ki Har drashk pár khashant ki mai Phiṯẖá, ki bihishtá asti na ruḏẖentha. 14Bile deish, án khore sohavant. Khore mard khore mardar sohav bí, guḍá har do hoḍe neáṉwáṉ khafant. 15Patrúsá jawáv dáṯẖo gwashtai ki hawi kissav matlav márá shomde. 16Gwashtai ki Shá de besurpho aste? 17Shá na sahíhe ki har chi ki daf andará ro, láfá ro, guḍá phirenanti. 18Par har chi ki azẖ dafá darkhafí azẖ dilá khai: hawán mardear nápák khat. 19Gandag̱ẖe dihán, hoṉ, zinag̱ẖ, harámkárí, duzí, dirog̱ẖ‐sháhidí, fukr, hawi azẖ dilá darkhafant: 20mardear nápák khanoḵẖ haweshant: marde waṯẖí dast na shoḏẖí, guḍá nag̱ẖan wárṯẖ, hawi sababá nápák na bí.

21Shawoḏẖa Yesu rawán bíṯẖo Súr wa Saidá dehá shuḏẖa. 22Guḍá ya Kanání záleá darkhapto taukh jaṯẖa ki mai chaka rahm khan, yá Huḏẖáwand Dáúd‐Bachh, mai jannikh bad‐rúh sababá halák bíṯẖa. 23Jawáv hachi na dáṯẖai. Guḍá áṉhí shágirdá áḵẖto minnat khuṯẖa ki eshiar mokal de, ki mai phaḏẖá taukh janag̱ẖe. 24Jawáv dáṯẖo gwashtai ki Bani Israel neáṉwáṉ gáre mesh sángá Huḏẖá maná shashtáṯẖa, thíh sángá na. 25Zálá áḵẖto sijda khuṯẖo gwashtai ki Huḏẖáwand mai madad khan. 26Jawáv dáṯẖo gwashtai ki bachhání nag̱ẖan barag̱ẖ bíngánrá deag̱ẖ jawáne kár nesti. 27Gwashtai ki thai gálwar rástê, Huḏẖáwand, guḍá bíng waṯẖí wázẖá nag̱ẖan borjor warant. 28Guḍá Yesuá jawáv dáṯẖo gwashtai ki yá zál, thai ímán mazannê; cho ki thai marzi asti, írge thará bí. Hawán waktá áṉhí jannikh duráh bíṯẖa.

29Shawoḏẖá Yesu shuḏẖo Jalíl dirrá nazík áḵẖta, kohá de chaṛhṯẖo hawoḏẖa nishta. 30Guḍá áṉhí nemg̱ẖá ummatá mard árthag̱ẖant ki lang, khor, gúng náduráhaṯẖant, thih mard de árthag̱ẖant; áṉhí phaḏẖá írkhuṯẖag̱ẖantish Yesuá duráh khuṯẖaish. 31Írge ki ummat hairán bíṯẖag̱ẖant, ki gúnge mard go dafá gwashta, náduráhe mard duráh bíṯẖag̱ẖant, lange mard juziṯẖag̱ẖant, khore mard díṯẖag̱ẖant. Guḍá Baní Israel Huḏẖár galaiṯẖag̱ẖant.

32Yesuá waṯẖí shágird gwánjṯẖo gwashta ki ma ummat chaka rahm khanag̱ẖán pachi ki ní chahárume roshê ki go má phajiá sangat khanag̱ẖant, hachi na warag̱ẖant, mai marzi nesti ki áṉháṉrá shuḏẖí mokal deáṉ hacho na ví ki dagá thusant. 33Shágirdá gwashta ki phate dehá azẖ kho ikkar nag̱ẖan girún ki hawi ummat ser bí. 34Yesuá pholkhuṯẖa ki shai dastá chikkar nag̱ẖan astant; gwashtaish hapt nag̱ẖan de kisáeṉ máhig̱ẖ de kamenant. 35Guḍá hukm dáṯẖai ki dig̱ẖárá ninde: 36hapt nag̱ẖan de máhig̱ẖ de gipto shukr khuṯẖai, guḍá bhorentho wathí shágirdánrá dáṯẖag̱ẖanti. 37Shágirdá ummatar dáṯẖag̱ẖant. Thewag̱ẖe mardom wártho ser bíṯẖag̱ẖant: azẖ borjorá ki saráḵẖtag̱ẖant hapt kárí phur bíṯẖag̱ẖant. 38Mard ki warṯẖag̱ẖant chahár hazáraṯẖant, zál de chukh de thíg̱ẖaṯẖant. 39Guḍá ummatar mokal dáṯẖo beṛíá chaṛhṯẖo Magadan dehá áḵẖta.

Currently Selected:

Matí Injíl 15: BGPRMAT

Highlight

Copy