Zaburi Sya Daud 41
41
Beatus qui intellegit.
1Wakuwatuka yula awaholalela wakuhumbuka:
Bambo yamfuwule pa ligono lya kuwipa.
2Bambo yandindilili, nukundamisa, na yawatukike pa ndima:
Nu usimpeleka umu walondela wakumbipila.
3Bambo yankangamise pa kitala kya kulwala:
Utendekesa wichu pakugonela pake poha pakutenguka kwake.
4Nu nenga nakite, Bambo uniganikile:
Unilamise umi wangu; ndawa nukukitile zambi.
5Wakuniwipila wakita kiwifu kwa nenga kukita:
Yaafwe lii ni lihina lyake litagike?
6Ngati wayicha kuniwona wajowa mageya:
Mwoyo wake gukumbana fya waka mgati mwake; na baha apita kunja afijowa.
7Pamonga kunikanila nenga wamanya kupwepwenela woha wakuniwipila:
Kunikanila nenga waniwalangila fiwifu.
8Hila nakunogela, wakita kiniyumalakile pa yombe:
Na pakukita wagona nakuwuka kawili.
9Ena, nkosi wangu wakumweya, yula namuhuwa lile, yula alyeye nkate wangu:
Anyanyamwile kiganja kyake kunigowa.
10Koma wenga, Bambo, uniganikile, ukaniwuse:
Nakawalipili wombe.
11Wiwi nimanya kukita uganikika nu nenga:
Ndawa wamitumba wangu wasinilulutila.
12Nu nenga unikamulisa pakumalakisa kwangu:
Nu uniyimisa pa kyeni pako kitamile mumu pela.
13Alumbike ngati kihomo kyene Bambo Mlungu wa Israel:
Kitumbulile kitamile mpaka kitamile. Amen, na Amen.
Currently Selected:
Zaburi Sya Daud 41: MGSPSA
Highlight
Share
Copy
Want to have your highlights saved across all your devices? Sign up or sign in
First published in 1913, by the Universities' Mission to Central Africa Mission Press
