Zaburi Sya Daud 33
33
Exultate, justi.
1Mundulutilaye Bambo, mwenga wakukita malinga:
Kwa wala wakugoloka malumbo gaganila.
2Muwandise mbili ya Bambo nu muhawala:
Ni lipango lya migoyi kumi munjimbilaye zabur.
3Munjimbilaye nyimbo ya hino:
Mukitaye wichu kukuwa kikuwilembata.
4Ndawa lyakugoloka lilowe lya Bambo:
Na fyoha akita fikitika pa kiyitikiso.
5Agana kukita malinga nu kulama:
Ndima gumemite nu lukolo lwa Bambo.
6Kwa lilowe lya Bambo Kunani kwakitike:
Nu kwa mfuke wa pa ndomo pake libanja lyake lyoha.
7Awungana ngati lilundu machi ga nyanja:
Afiwika fina pa kikokoli.
8 Gunjogopa Bambo nndima woha:
Pa yombe watame nu woga woha wawatama pasi mumondo.
9Ndawa yombe akile, ni yateme:
Yula ataukile, na yayimite.
10Bambo alasa mihuku malango gawe gawapangana:
Alolesa fila waluka misafi.
11Malango aga gagapangana Bambo kitamile mumu pela:
Flia aluka pa mwoyo wake kwa kihogosi ni kihogosi.
12Wakuwatuka mhuku gula Bambo Mlungu wawe:
Nsafi gula waguhagulilu kutama lipwela lya kugawila yombe.
13Kuhumila Kunani agelewana Bambo:
Awawona waana woha wa adam.
14Kuhumil panda pa kutama pasi kwake awalingulila:
Woha wa watama pasi mundima.
15Yula wakuwumba mioyo ya wombe woha:
Wona wawalila fyoha fila wakita.
16Panga mutwa wakuyokoka nu mpingo wingi:
Nngosi nakufuwulika ni mbafu syake nyingi.
17Ya waka falasi kuyokoka:
Haka nu mpingo wake woha yula nakuyokola ayii ywoha.
18Lola, liho lya Bambo pa wakunjogopa:
Pa wala wakwilindikisa pa lukolo lwake.
19Kugufuwula umi wawe pa kufwa:
Nukuwalamisa pa ulali.
20Umi witu wisingite kwa Bambo:
Yombe wakutitangatila, ni kikopa kitu yombe.
21Ndawa pa yombe yaguhekelele mwoyo witu:
Ndawa pa lihina lyake lya kuwalala tihuwalile.
22Lukolo lwako lutame pa tenga, Bambo:
Umu tilindalila kwa wenga.
Currently Selected:
Zaburi Sya Daud 33: MGSPSA
Highlight
Share
Copy
Want to have your highlights saved across all your devices? Sign up or sign in
First published in 1913, by the Universities' Mission to Central Africa Mission Press
