Zaburi Sya Daud 31
31
In te, Domine, speravi.
1Pa mwenga, Bambo, nikimbilila; nisikoseka lihamu kitamile mumu pela:
Pa kukita malinga kwako uniyokole.
2Uhenemese likutu kwa nenga; unifuwule kiyumbatakile:
Utame kwa nenga liganga lya pene mbafu, nyumba ya luwigo kuniyokola.
3Ndawa wenga liganga lya kulemala lyangu nu luwigo lwangu:
Mumu unilongose unigohe ndawa ya lihina lyako.
4Unisogole pa lipilili ili unifihile:
Ndawa wenga pene mbafu pangu.
5Mu kiwoko kyako niwika lihoka lyangu liloleleke:
Wanikombwile, Bambo, wenga Mlungu wa fya chakaka.
6Niwawipila wala wakulindilila mifuke ya mageya:
Koma pa Bambo nihuwalila.
7Yanihine nu kuheka pa lukolo lwako:
Pakukitu mweni kuselela kwangu ugumanye umi wangu pa fyakufinyikisa.
8Nu waniswalakise lepe pa kiwoko kya wakuwipila:
Ugayinise magulu gangu pene kitandu.
9Uniganikile, Bambo, ndawa pa nifinyikisa:
Liho lyangu likite kupi‐kupi pa kufyoma, ena umi wangu ni lileme lyangu.
10Ndawa kulama kwangu kumalike pa kuganagana, miaka yangu pa kujuma:
Makakala gangu galembuka ndawa ya upulupulu wangu, na mafupa gangu gafukula.
11Ndawa woha wamitumba wangu niyii wakudogeka, ena, kwa wala wakujengenela nu nenga munu munu, ni kya kudigidisa kwa wala wawanimanya:
Wala waniweni kunja wanitalusa kutali.
12Niyiwalike ngati mundu wakufwa kuhuma pa mwoyo:
Ngati kiwiga kyakukayuka.
13Ndawa niyufwine kubomola kwa wingi; woga guyile kisyungutile:
Baho watamike pasi pamonga kunikanila, waywawanila kuniyupa umi.
14Koma nenga, nihuwalila pa wenga, Bambo:
Nakite, Wenga Mlungu wangu.
15Lukumbi lwangu luyii pa kiwoko kyako:
Unifuwile pa kiwoko kya wakuniwipila, na kwa wala wakunikisa.
16Umulikise kyene kyako kwa wakuhengela wako:
Uniyokole pa lukolo lwako.
17Nisikoseka lihamu, Bambo; ndawa nikukemalile:
Wawifu wakoseke lihamu, watame teke pandu pa mahoka.
18Milomo ya mageya yidindike pandomo:
Iyi yiwajawa wala wawakita malinga fya kugana, nu kwikwisa nu kuhepa.
19Uwe wingi unofu wako, gula uwawikila kumweya wala wa wakuyogopa:
Gula wagukite kwa wala wakukukimbalila, palongolo pa wana wa adam!
20Yauwafihe pakufiha pa kyeni kyako pa kupakana kwa wandu:
Yauwawike kuhyetu pa kikonjo kyako kuyokoka pa mapindikano ga milo.
21Alumbike Bambo ngati kihomo kyene:
Ndawa anipambanasile lukolo lwake pa likaya lyene luwigo.
22Muni muni nenga, pa nakuta nyata, Nidumulike ngani palongolo miho gako:
Koma wayufwine njawila ya kwipembesela wenga kwangu baho nakulililaga.
23Munnganaye Bambo, mwenga mwa woha walukolo lwakwe:
Bambo kiwagohile wa kiyitikiso, awalipilila ngani kulutakisa yula wakukita kwikwisa.
24Mukangamale, nu mwoyo winu wikangamase:
Mwenga mwa woha wakwilindikisa kwa Bambo.
Currently Selected:
Zaburi Sya Daud 31: MGSPSA
Highlight
Share
Copy
Want to have your highlights saved across all your devices? Sign up or sign in
First published in 1913, by the Universities' Mission to Central Africa Mission Press
