Zaburi Sya Daud 26
26
Judica me Domine.
1Unipagule, Bambo, ndawa nenga nigendagendite pa kumalakisa kwangu:
Na pa Bambo nihuwalile nakupepetuka pepetuka.
2Uniyengatule nu mwoto, Bambo, nu unigese:
Ugese nu mwoto figo syangu nu mwoyo wangu.
3Ndawa lukolo lwako luyii pa longolo pa miho gangu:
Nigenda gendite pa fya chakaka fyako.
4Natemi lepe pasi pamonga na wayitu wala wa mageya:
Haka pamonga na wakuyuwalila nukuyingila.
5Nifyomite ni lipuga lya wawifu:
Na pamonga na wakuwipa wakutama pasi:
6Yaniguyule ngonji pangakuhoka:
Na yanisyungutile ma zabahu gako, Bambo.
7Nikite njwawila ya ku wandisa mbili gayufwanike:
Nifikokose fyoha wafikite.
8Bambo, nigana kuhwela pa nyumba yako:
Na pandu pakutulila baha kukwisika kwako.
9Usiwungana umi wangu pamonga na wakukita Zambi:
Haka fya kulama fyangu pamonga na wandu wa kyasi.
10Wala pa mawoko gawe maholo ga waka:
Na mawoko gawe ga kigosi gamemite na mahakoga kufiha.
11Munumunu nenga, pa kumalakisa kwangu yanigende‐gende:
Unikombole, ukaniganile.
12Lwayo lwangu luyima pakulingana:
Na pa mapuga yanindumbe Bambo ngati kihomo kyene.
Currently Selected:
Zaburi Sya Daud 26: MGSPSA
Highlight
Share
Copy
Want to have your highlights saved across all your devices? Sign up or sign in
First published in 1913, by the Universities' Mission to Central Africa Mission Press
