Zaburi Sya Daud 12
12
Salvum mc fac.
1Yokola, Bambo; ndawa wa lukolo wamalike:
Ndawa wakuyitakalika wayile njwee kuhuma pa waana wa adam.
2Wajowa mageya mundu ayile ywoha ni nnjini:
Ni milomo kuyalika, ni mioyo yiwili wajowa.
3Bambo yaadumule milomo yoha ya kuyaka:
Lumili lwa kujowa fikulungwa;
4Awo wakita, Nu lumili lwitu yatikite kigosi:
Milomo yitu yiyile yitu tawete, naa Bambo wa tenga?
5Kuhuma pa kwasumula wakuseleseka, pa kuwuula awa wagaju:
Yaniyime, akita Bambo; yanimsimike pa uyokosi uyu wannkekela waka.
6Ifi akita Bambo fyakugu fyakugu fya kuguyulika;
Ngati ndalama iyengetuka kigwile pa litende lya nndima, yakuwulaluka kahanu ni kawili.
7Bambo, yauwalindalile:
Yauwagohe kwa wala wa kihogosi iki kitamile mumu pela.
8Wawifu wagenda‐genda nginga syoha:
Pakututulika wala wangali kuwigoha pagati pa waana wa adam.
Currently Selected:
Zaburi Sya Daud 12: MGSPSA
Highlight
Share
Copy
Want to have your highlights saved across all your devices? Sign up or sign in
First published in 1913, by the Universities' Mission to Central Africa Mission Press
