S. Mat 15
15
Krie XV.
1Aχiérra ka Dz̆erusalemmi ven𝑒 tek’ aí Skríb𝑒ra, e Farisenj𝑒, tue θ𝑒n𝑒:
2P𝑒rts̆é dis̆ípuj𝑒t𝑒 tat𝑒 lén m𝑒 njan𝑒 dzakón𝑒t’ e plékj𝑒vet? se ng𝑒 laj𝑒n dúart’ e tire kur𝑒 χân buk𝑒.
3E aí u‐p𝑒rgjekj𝑒, e i θa: P𝑒rts̆é eδé jû l𝑒ni m𝑒 njan𝑒 urδurimin e Per𝑒ndîs p𝑒r dzakon𝑒n têj𝑒? Posa Per𝑒ndía θa:
4Ndêr𝑒 atin e êm𝑒n, e: Aí ts̆𝑒 maχkón atin ô êm𝑒n, vdeks̆it.
5E jû θoni: Aí ts̆𝑒 t𝑒 θêt𝑒 t𝑒 játit𝑒, ô s’ émes𝑒: Ts̆iladó δurutía ime, do t𝑒 bunj𝑒 mir𝑒: le t𝑒 mos ndêr𝑒nj𝑒 t𝑒 jatin, ô t’ êm𝑒n e tîγj𝑒:
6Eδé e ndzúart𝑒 urδurimin e Per𝑒ndîs p𝑒r dzakon𝑒n ts̆𝑒 juve u‐kâ δ𝑒nn𝑒 para.
7Ipókritra, mir𝑒 profetidzarti mbi jû Isaía, ts̆𝑒 θot𝑒:
8Kjô gjinde m𝑒 kjáset𝑒 me goj𝑒n e tire, e m𝑒 ndêr𝑒 me búz𝑒t𝑒: po zém𝑒ra e tire is̆t𝑒 γarγu meje.
9Mbraz𝑒t prâ m𝑒 ndêrj𝑒n, kur𝑒 mpsonj𝑒n mpsímet𝑒, urδurímet’ e njérz𝑒vet.
10E si θirri gjíndet𝑒, i θa: Mírr𝑒ni ves̆, e m𝑒soni.
11Ng𝑒 s̆kríen njeríun ts̆𝑒 do χîn te goja: se po ts̆𝑒 do del ka goja, s̆kríen njeríun.
12Aχiérra si u‐kjas𝑒n dis̆ípuj𝑒t’ e tîγj𝑒, i θan𝑒: E dî se Farisénj𝑒t𝑒, si gjegj𝑒n t𝑒 fol𝑒t, u‐sk𝑒ndaγiartin?
13E aí tue p𝑒rgjégjur’ i θa: Ngâ deg𝑒, ts̆𝑒 ng𝑒 e vû Tata im𝑒 i kjíeγi𝑒s, kat𝑒 s̆kúlet𝑒 ka rrénj𝑒t𝑒.
14Leni atá: jan𝑒 t𝑒 verb𝑒r, ts̆𝑒 kjéγ𝑒j𝑒n tjer𝑒 t𝑒 verb𝑒r. E n𝑒 i vérb𝑒ri kjeχts̆it t𝑒 vérb𝑒rin, t𝑒 dî kat𝑒 bíen𝑒 nd𝑒 grop𝑒.
15E Piétri u‐p𝑒rgjekj𝑒, e i θa: Štîγ𝑒na kt𝑒 parábuχ𝑒.
16E aí θa: Eδé jû jini pa nd𝑒lgim𝑒?
17Ng𝑒 γojás𝑒ni, se nga s̆𝑒rbes𝑒, ts̆𝑒 χîn te goja, s̆kon te barku, e ndzíret𝑒 ap𝑒rpos̆a?
18Po ató ts̆𝑒 vinj𝑒n ka goja, dalj𝑒n ka zém𝑒ra, e jan ató ts̆𝑒 s̆kríej𝑒n njeríun:
19Se ka zém𝑒ra dalj𝑒n ts̆aγapatíi t𝑒 liga, t𝑒 vrâra, aδultérie, kurv𝑒rî, kus𝑒rî, mart𝑒rî t𝑒 rrême, vγastimî.
20Ktô jan𝑒 s̆𝑒rbíset𝑒, ts̆𝑒 s̆kríej𝑒n njeríun. Se t𝑒 ngr𝑒nit me dúart𝑒 pa lâr𝑒, ng𝑒 s̆kríen njeríun.
21E dal𝑒t atéi Dz̆esúi u‐mbjoθ𝑒 te án𝑒t’ e Tírit𝑒 e Siδon𝑒s.
22E s̆i nj𝑒 grua Kananê dall𝑒 ka ató gjitonî θirri atîγj𝑒, tue θ𝑒n𝑒: Kîj𝑒‐m𝑒 lipisî, o Zot, bîr i Dáviδit𝑒: ime bîj𝑒 ê t𝑒rbúar𝑒 kekj𝑒 ka t𝑒 maχkúamit𝑒.
23E aí ng𝑒 i u‐p𝑒rgjekj𝑒 fare. E kjasur dis̆ípuj𝑒t’ e tîγj𝑒 i lútes̆in tue θ𝑒n𝑒. Lê t𝑒 vê: se θret aprapa nês̆𝑒.
24E aí u‐p𝑒rgjekj𝑒, e i θa: Ng𝑒 kleva d𝑒rgúar𝑒 p𝑒r t𝑒 tjer𝑒, se p𝑒r délet’ e sbjerra t𝑒 s̆pîs𝑒 Israélit𝑒.
25E ajó t’ arr𝑒n𝑒t, i u‐fal𝑒, tue θ𝑒n𝑒: Zot, ndíχ𝑒m𝑒.
26E aí u‐p𝑒rgjekj𝑒, e i θa: Ng’ ê mir𝑒 t𝑒 marr𝑒 buk𝑒n e djélm𝑒vet, e t’ e s̆tie gútsevet.
27E ajó i θa: Êχj, Zot: se eδé gútset𝑒 χân𝑒 drúδet𝑒, ts̆𝑒 bíen ka tríeza e t𝑒 zótravet tire.
28Aχiérna u‐p𝑒rgjekj𝑒 Dz̆esúi, e i θa: Grua, e maδe ê bessa jote: kloft𝑒 bûr𝑒 si do ti. E u‐s̆𝑒rúa e bija e sâγj𝑒 ts̆𝑒 mb’ at𝑒 χer𝑒.
29E si s̆koi mê atéi Dz̆esúi, vate ndanz𝑒 déitit𝑒 Galilês𝑒: e si u‐ngjip𝑒 te mali, ujej atjé.
30E i u‐kjas𝑒n disâ gjinde, ts̆𝑒 kis̆𝑒n bas̆k𝑒 múng𝑒ra, t𝑒 verb𝑒r, t𝑒 s̆klepur, t𝑒 s̆tr𝑒mb𝑒r, e disâ t𝑒 tjer𝑒: e i s̆tûn atá te kémb𝑒t’ e tîγj𝑒, e i s̆𝑒rói.
31Akjé se gjíndet𝑒 θavmáses̆in si s̆íχi𝑒n múng𝑒ra ts̆𝑒 flísi𝑒n, t𝑒 s̆klepur ts̆𝑒 jítsi𝑒n, t𝑒 verb𝑒r ts̆𝑒 s̆íχi𝑒n: e δoksiási𝑒n Per𝑒ndîn e Israélit𝑒.
32E Dz̆esúi, θirr𝑒 dis̆ípuj𝑒t’ e tîγj𝑒, i θa: M𝑒 dúket𝑒 kekj𝑒 p𝑒r gjinden, se kâ trî ditt𝑒 ts̆𝑒 rrîn me mua, e ng𝑒 kan𝑒 ts̆𝑒 t𝑒 χân𝑒: e ng𝑒 dua t’ i d𝑒rgonj𝑒 pa ngjépsur𝑒, sât𝑒 mos zalísen𝑒 te δromi.
33E i θon𝑒 dis̆ípuj𝑒t𝑒: Kaχa neve nd𝑒 disert𝑒 gjiθ𝑒 k𝑒tó buk𝑒, t𝑒 tsíj𝑒m𝑒 gjiθ𝑒 k𝑒tó gjinde?
34E θot atire Dz̆esúi: Sâ buk𝑒 kini? E atá i θan𝑒: Š𝑒tat𝑒, e pak𝑒 pís̆kj𝑒θ𝑒.
35E urδurói gjindes, t’ újes̆in mbi bot𝑒n.
36E si mori s̆𝑒tat𝑒 búk𝑒t𝑒, e pís̆kjit𝑒, χaristisi, i ts̆áiti, e ia δa dis̆ípuj𝑒vet tîγj𝑒, e dis̆ípuj𝑒t𝑒 gjindes.
37E χ𝑒ngr𝑒n gjiθ𝑒, e u‐tsit𝑒n. E ndzúarn𝑒 até ts̆𝑒 u‐vjet𝑒 ka tsópat𝑒, s̆𝑒tat𝑒 s̆port𝑒 t𝑒 plota.
38E atá ts̆𝑒 χáij𝑒n, is̆𝑒n katr𝑒 mij𝑒 burra vets̆𝑒 f𝑒míj𝑒t𝑒 e grât𝑒.
39E posi la t𝑒 véij𝑒n gjíndet𝑒, u‐ngjip𝑒 te karava, e vate te án𝑒t’ e Mágdal𝑒s.
Currently Selected:
S. Mat 15: AAE1868
Highlight
Share
Copy
Want to have your highlights saved across all your devices? Sign up or sign in
Përktheu nga greqishtja 1868.
