ກິດຈະການ 5:3-5

ແລ້ວ​ເປໂຕ​ຈຶ່ງ​ກ່າວ​ວ່າ, “ອານາເນຍ, ດ້ວຍເຫດໃດ ໃຈ​ຂອງ​ເຈົ້າ​ຈຶ່ງ​ເຕັມ​ໄປ​ດ້ວຍ​ມານຊາຕານ ເຈົ້າ​ຈຶ່ງ​ຕົວະ​ຕໍ່​ພຣະວິນຍານບໍລິສຸດເຈົ້າ ແລະ ເກັບ​ເງິນ​ຄ່າ​ທີ່ດິນ​ຈຳນວນ​ໜຶ່ງ​ທີ່​ເຈົ້າ​ໄດ້​ຮັບ​ສຳລັບ​ທີ່ດິນ​ໄວ້​ເພື່ອ​ເຈົ້າ​ເອງ? ກ່ອນ​ທີ່​ເຈົ້າ​ບໍ່​ທັນ​ໄດ້​ຂາຍ ດິນ​ຕອນ​ນີ້​ກໍ​ເປັນ​ຂອງ​ເຈົ້າ​ບໍ່​ແມ່ນ​ບໍ? ແລະ ເມື່ອ​ຂາຍ​ດິນ​ນັ້ນ​ແລ້ວ, ເງິນ​ກໍ​ຢູ່​ໃນ​ອຳນາດ​ຂອງ​ເຈົ້າ​ບໍ່​ແມ່ນ​ບໍ? ແມ່ນຫຍັງ​ເຮັດ​ໃຫ້​ເຈົ້າ​ຄິດ​ເຮັດ​ຢ່າງ​ນີ້? ເຈົ້າ​ບໍ່​ໄດ້​ຕົວະ​ມະນຸດ​ແຕ່​ໄດ້​ຕົວະ​ພຣະເຈົ້າ”. ເມື່ອ​ອານາເນຍ​ໄດ້​ຍິນ​ດັ່ງ​ນີ້, ລາວ​ກໍ​ລົ້ມ​ລົງ​ຕາຍ. ແລະ ຄົນ​ທັງປວງ​ທີ່​ໄດ້​ຍິນ​ສິ່ງ​ທີ່​ເກີດຂຶ້ນ​ນັ້ນ​ຕ່າງ​ກໍ​ຕົກໃຈ​ຢ້ານກົວ​ຢ່າງ​ໃຫຍ່.