Luk 7:7-9

dinzug ka m tɛn'ɛs ye mam mɛŋ pʋ nar nɛ mam na kɛɛn fʋ san'an naa. Kʋdim pian'am nɛ nɔɔr ma'aa ka m tʋmtʋm la nyɛ laafi. Ka man mɛŋ anɛ soogia, ka mɔri soogianam kpɛɛmnam banɛ sʋ'oe man, ka mam mɛ sʋ'oe sieba. Ka m ya'a yɛl ɔŋa ye o kem, o kennɛ, ka m ya'a yɛl o ye kem na, ka o kena. Ka m ya'a yɛli m tʋmtʋm ye o niŋim nɛ'ɛŋa, o niŋidnɛ.” Yesu wʋm nɛ'ɛŋa la o daa lidig nɛ ka fɛndigi yɛl nimbanɛ dɔl o la ye, “M nam pʋ nyɛ yadda daan ka o nwɛnɛ dau kaŋaa, hali baa Israel teŋinɛ.”