Pin'ilʋg 33

Jakob n sia'al Esau la yɛla

1Jakob da gɔs ka nyɛ ka Esau kenna nɛ o dap kɔbisnaasi la, ka o pʋdig biis la sieba tis Lea ka zaŋ sieba tis Rakɛl ka mɛ zaŋ sieba tis tʋmtʋm pu'aba ayi' la. 2Ka kɛ ka tʋmtʋm pu'ab la nɛ ba biis la gaad tuon ka Lea nɛ o biis dɔl ka Rakɛl nɛ o biig Josef kpɛlim nya'aŋ. 3Ka o mɛŋ gaad tuonnɛ igin teŋin nɔɔra ayɔpɔi ka nyaan paae o bier la. 4Ka Esau zɔ tɔ'ɔtɔ tʋ'ʋs o na ka kuak o ka nɔk o nu'usi vil o niŋgɔɔnr ka pʋ'ʋs o sʋ'ʋŋa; ka ba wʋsa kum. 5Ka Esau gɔs ka nyɛ pu'ab nɛ biis la, ka bu'os o ye, “Anɔ'ɔnamɛ nwana dɔlli fɔ?” Ka Jakob lɛbis ye, “Bibama ka Wina'am nɔki tisim, m bierɛ.” 6Ka tʋmtʋm pu'ab nɛ ba biis la yʋ'ʋn paae na igin teŋin. 7Ka Lea nɛ o biis mɛ kena igin teŋin, ka li nya'aŋ ka Josef nɛ Rakɛl mɛ paae na igin teŋin. 8Ka Esau bu'os ye, “Ka bʋnkɔnbid banɛ wʋsa ka m tʋ'ʋsi ba suorin la gbin an bɔ?” Ka Jakob lɛbis ye, “M zugdaana, m mɔri ba na ye m tisif ka fʋ di suguru.” 9Ka Esau yɛl ye, “Mam pʋn mɔr linɛ siakim. Kɛl ka fʋn mɔr si'el la nan kpɛn aan fʋ din.” 10Ka Jakob lɛbis ye, “Ayei, m bɛlimnɛ, fʋ sʋnf ya'a sid ma'ae nɛ mam, fʋn di'em m piini nwa'. Mam nyɛɛ fʋ nindaa la li nwɛnɛ m nyɛnɛ Wina'am nɛ, ka li anɛ fʋn di'em sʋ'ʋŋa la zug. 11M bɛlimnɛ, di'em piini linɛ ka m mɔr na la; Wina'am sʋŋim ka m paam linɛ siakim.” Ka Jakob muk hali, ka Esau ti gʋ'ʋŋi siak ka di'e la'ad la. 12Ka Esau yɛl ye, “Ti kem! M na dɔllif.” 13Amaa Jakob lɛbis ye, “Ayei, m zugdaana! Fʋ mi' ye biis la nam pɔɔd, ka li mɛ sʋm ye m gɔsid pɛ'ɛs nɛ na'abanɛ nan mu'asidi ba biis la. Ti ya'a ye ti mugusi ba keŋ baa daar yinne, bʋnkɔnbid la na kpi wʋsa. 14M bierɛ, fʋn gaadim tuon ka mam mɛ kpɛlim nya'aŋi dɔl bʋnkɔnbid la bi'el-bi'el, nɛ biis la, hali nɛ tinamɛ na paae fʋ san'an Seir teŋin na.” 15Ka Esau lɛbisi yɛl o ye, “Ya'a aan ala, fʋn kɛl ka m basim dap sieba ka ba sʋŋif ka gurif.” Ka Jakob ye, “M bierɛ, m pʋ'ʋs ya, amaa li sia'al ya.” 16Ka Esau gban'e o suori lɛb Seir teŋin. 17Ka Jakob mɛ gaadi keŋ Sukot teŋin. Anina o da mɛ' yir nɛ gariki kpɛn'ɛs o bʋnkɔnbid la, dinzug ka ba buon zin'ig kan la ye Sukof#33:17 Li gbin anɛ ‘Garikinam’. la.

18Jakob n yi Padanaram la nya'aŋ la o da paae Sekɛm tempʋʋgin dinɛ bɛ Keenan sʋ'ʋlimin la nɛ laafi. Ka yi kpikpɛŋ bi'ela n zin'in anina. 19Jakob da da' paalʋ Hamor onɛ da an Sekɛm saam la san'an anzurifa kɔbiga. O da ti' sʋga anina zin'in. 20Anina ka o mɛ' maan bimbim ka buoli li yʋ'ʋr ye El Elohe Israel.#33:20 Li gbin anɛ ‘Israel Wina'am’.

Currently Selected:

Pin'ilʋg 33: kus_gh

Highlight

Copy