YOSHUA 5
5
1 Yhensain ka Israel jens Yodan lvng dye goeu lai shoq hauh jeislvng lyis kyuk nhang cho, Yodan lvng buiswvng pheh dah Amori hwankti jens, Mediteranean thomh yvm chank nyeis dah Khanan hwankti jens xauhgyo. Nyamoq gas Israel jens gvng mas gyuk las womh ehnyet ma bos lo.
Giga mas Vthyoh Tyomh
2Hauh thang lhyi Yhensain Yoshua lyis taiq zis gas, Nyibvt luk sham kuot yoeus las mhanhdyvp mas vthyoh ma xauh tyomh shih dah Israel jens lyis vthyoh tyomh dyei aq, ge. 3Housoeh las Yoshua gas Yhensain taiq toh vgus kuot las Israel jens lyis Gibeat Haralot mas vthyoh tyomh dyei. Gvshih hauh jing lyis Vthyoh tyomh Jing, ge lui. 4-6Israel jens Egutu masyah thuq los uhlyis yukgis jens dvnganh gas vthyoh tyomh goeus. Nghuot laus eq nyeici zvn mhanhdyvp cho mha suh lai gyo lyis yukgis loshang hank eq vthyoh ma xauh tyomh. Egutu masyah thuq los uhlyis jeszan yam nghuot bang gas Yhensain dah domsyos ma gyo yvmvyah houmha shei loh goeus. Houka Yhensain ka nyamoq dah phauh thyeih moq lyis dangthoengh toh, gis las nyeis coeu bos dah mau lyis nyamoq ma xauh nyvng das ge maukhi toh gvng mas nghuot.#Gyu 14.28-35 7Haih bang dah loloeu jens gas vthyoh ma tyomh shih las, Yoshua gas nyamoq lyis vthyoh tyomh cho kuot dyei.
8Nyamoq vthyoh dye tyomh thang lhyi dvm gis shoq dvnyau gonh gas nyamoq dah thoenggus khau mha nyeis. 9Yhensain Yoshua lyis taiq zis gas, Khvnyhik ngos namoq Egutu mas jons duot dah xoqphuh cho yoeus tyamp dyei goeus, ge. Housoeh yvmvyah hauh joqyos lyis khvnyhik jweh shoq Giga, ge lui.#5.9 Giga: Hebre mas xwih tyamp
10Israel jens gas Yerikho nvm mas dah janggyon Giga mas thoeng nyeis uhlyis, hauh lhamhmuh khyvp dvci nyei vnyeih nyenhthang lhyi Lhuiq kat Pwe kuot.#Dyu 12.1-13 11Hauh nungs nyeih gas Khanan mau mas yuk dah gukshenh yahge bicheih ma kat ohlhyoq cangxeih zo dah vlhain nghuot. 12Hauh nyeih lyis mana gyoh zis eq no tyamp, Israel jens mana ma yoh lo. Hauh shishenh masyah gas Khanan mau mas yuk dah zonoms tsain zo.#Dyu 16.35
Yoshua, Moengsa chi Soeu
13Yoshua Yerikho nvm mas nyeis uhlyis, nyah xik mas moengsa chi dah dius dvyuk yap joq zis zangh nyvng. Yoshua nyah jyank mas loh las nyei zis gas, Nvng ngamoq dah jeslo lah, jeswus lah, ge.
14Nyang taiq zis gas, Ngos cha eq ma nghuot, Yhensain jesphung dah jeszau khyvlyis ngos heimha los, ge.
Yoshua gas nyeisjvng mas dupaiq las taiq, Ngos nah jyeidwis nghuot, nvng ngos lyis cha kuot nhang mes lah, ge.
15 Yhensain jesphung dah jeszau nyang lyis taiq zis gas, Nah thyvkoq khyuot tyamp aq: nvng gyingshang nyeisjvng mas nang toh, ge. Housoeh Yoshua eq taiq khyvlyis kuot.
Currently Selected:
YOSHUA 5: NCB
Highlight
Share
Copy
Want to have your highlights saved across all your devices? Sign up or sign in
Ngochang Common Language Bible © Bible Society of Myanmar, 2010.
