LYI 32
32
1Maukhung yahge nyeisjvng eh, ngah dang xauhgyo aq.
Ngos taiq yvlyis kamp gyo aq.
2Ngos jyauh zis mauzoq teh gyoh las
nyeisjvng mas jyweh teh bweh joq.
Ngah dang gas mhanh lo zains thoq mas wus dah mau yahge
mhanh noeuh thoq mas mau nhamh wus teh gyoh das.
3Ngos Yhensain nyings lyis chungh das,
nyah dius jens gas nyah kuhxing cho lhyi taiq das.
4 Yhensain ka nvng lyis khomp dyei dah Yomzains nghuot,
nyah cho dvnganh mas dyinghjet las lyi jus.
Nah Mangso ka lomluk las jyoengh;
nyang gas jus las lyi bos zis kuot.
5Nghuot laus eq namoq gas lom ma luk,
nyah dius#32.5 Haih zis Hebre mas bvng bvng ma mus bweh das zis ma mon,
yaunos bos, mhuih dah dius nyau nghuot.
6Joeui ma bos dah koh bang eh,
Yhensain lhyi heisoeh tauh das lhyeh?
Nyang gas nah Uwus, nvng lyis gvnkhanh dah Soeu nghuot;
nvng lyis dius dvnyau kuot toh.
7Lai loh goeus gohlhain shishenh lyis nghamh yoeuh aq,
cha bweh khoq yvlyis taiq kyoh aq, oen nah nyhiphoq lyis nyei aq.
Xikpheh cha bweh khoq zis taiq kyoh aq, oen dius cauh jens lyis nyei aq.
8Nyhang thank Soeu ka dius nyau jens lyis nyamoq dah mau dyei;#Lgy 17.26
nyang dius jens khamha nyeis chah cho thyet dyei.
Dius nyau khanghmuh lyis maukyo toh dyei.
9Nghuot laus eq nyang Yakop dah vnyau vshih lyis nyah xiklyis khyen yoeus.
10Nyang nyamoq lyis kyuk joqyos,
jyamhjyuklhyuk lyeis muot dah mhanhdyvp mas whang yenh yvlyis nyvng.
Nyang nyamoq lyis nyah gungs lyis gos teh
gos las loqzamh zwi dyei.
11Zonsmuh gas nyah nghoq lo jens lyis dang jyauh das nyhenshang
nyah dung tyo zis yah xwih tsainh lho lha nyah dungs thoq mas kih las shwih teh,
Yhensain ka Israel jens lyis ma dyetgyoh nhang gomh toh.
12Lvbaus mangso pangh zis ma bos,
Yhensain dvyuk kyingh nyah dius jens lyis choshe los.
13Nyang nyamoq lyis jing nyhang mha guon nhang,
nyamoq pa mha yuk zis tsain zo.
Nyamoq luk-uk mas dyoyhei xo nyvng,
lukjvp yos mas dah tsanlun zains jens eq lho lho nghuot.
14Nyamoq dah noeu yahge shvbeq jens nauh nyoshoq dyei.
Nyamoq gis thank yvng, shvbeq yahge noeu tsain yoh.
Gis thank sunghso, yahge gis thank zvbiq yoh.
15 Yhensain dah dius jens gas dis los, nghuot laus eq gomloeus toq.
Nyamoq gas zonoms yah coeu lha thoeu goeus.
Nyamoq lyis gvnkhanh Mangso lhyi tyamp las,
nyamoq dah yomzains khyuot yoeus Soeu lhyi peq tyamp.
16Nyamoq dah phvra yah Yhensain lhyi noh nhang.
Nyamoq ma gis zis kuot las nyang lyis nhaiqyo nhang.
17Nyamoq phauh thyeih moq ma seq ku,#1Kr 10.20
Israel jens khanhamp eq domsyos ma gyo ku dah mangso vsaiq,
vgyingh ma nghuot dah mangso jens lyis nyamoq lomhxangh tsain lainh.
18Nyamoq gas nyamoq lyis kang dyei soeu,
nyamoq dah yomzains khyuot yoeus soeu, Mangso lhyi tohnyhik.
19 Yhensain haih zis nyvng lyis nyang nhaiqyo las
nyah loloeu lonyi jens lyis peq tyamp.
20Nyang taiq, Ngos nyamoq lyis ma pangh lo das,
housoeh lyis hau ehnyet than lha
lom ma luk dah dius jens cha bweh das zis ngos nyvng das.
21Mangso gyingh ma nghuot,#1Kr 10.22; Rom 10.19
nyamoq mangso ge dah phvra yah
ngos lyis nhaiqyo nhang goeus,
ngos lyis noh nhang goeus.
Housoeh las ngos dius dvnyau ma nghuot bang lyis yhung lha nyamoq lyis nhaiqyo nhang das.
Koh dah dius nyau lyis yhung lha nyamoq lyis noh nhang das.
22Ngos nhaiqyo zis gas nyilhyam soeh thuq las
nyeisjvng mas vyhang dvnganh ngeh tyamp das.
Houka mungkvn nyhen kant mha duons las
boms jens dah vnyet ngeh jom tyamp das.
23Ngos nyamoq thoq mas ma thank lo dah dyoqbis zainsmuh she kat das.
Ngah nyo dvnganh nyamoq lyis tyi lha yhung das.
24Nyamoq gas yuot shet, nos thyoh las shei das.
Nyamoq gyukphoh noslom yah shei das.
Ngos nyamoq lyis yewus lyis yah thyoq nhang das,
duk bos lhangnyis yah chweh nhang das.
25Moeng dyoq zis gas wus vkhau cho mha shei cho she los das.
Yhen khau mha gyukphoh zis zangh los das.
Wotyamh loloeu eq, lonyi eq shei das.
Nauhnoeuh eq lokhoq eq ma nyhet toh lo.
26Ngos nyamoq lyis shank shoq mhont das las
nyamoq lyis hank ma soh lo das.
27Nghuot laus eq nyamoq dah jeswus lyis,
nyamoq ngah dius jens lyis ung goeus ge ma moengs nhang das.
Hauh zis gas ngvnyang dvthungh thyi tyamp.
28Israel jens gas nghamh cho ma bos,
joeui ma bos dah dius nyau nghuot.
29Nyamoq chamus somh zis ma yoeuh;
nyamoq khasoeh mus zis ma yoh seqgyo, ge.
30Dius dvkhyoengh lyis chamus dvyuk yah ung khoq?
Dvmons lyis Aiq yuk yah kyingh khasoeh ung khoq lah?
Yhensain, nyamoq dah Mangso nyamoq lyis tyamp goeus.
Nyamoq dah yomzains Mangso nyamoq lyis toh tyamp goeus.
31Nyamoq dah jeswus jens gas nyamoq dah mangso jens gas
Israel dah yomzains Mangso teh yom ma bos,
yomnhuk zis nyamoq seq, ge.
32Nyamoq dah jeswus gas Sodom yahge Gomora teh dyoqbis das.
Nyamoq dah jeswus gas khoh dah vshih shih las
duk bos zvbiq shih shih dah zvbiq nwis teh nghuot.
33Hauh zvbiq gas lhangnyis duk masyah kuot dah zvbiq teh nghuot.
34 Yhensain ka nyamoq dah jeswus khasoeh kuot toh zis soh.
Nyang gas nyamoq lyis joeng das shishenh lyis langh nyeis.
35 Yhensain nyamoq lyis lvto phuk las joeng das.#Rom 12.19; Heb 10.30
Nyamoq gyoh das shishenh jweh das.
Nyamoq jom das buisnyeis ni goeus.
36 Yhensain ka nyah dius jens yom thank goeus yvlyis nyvng lyis#Chd 135.14
nyamoq lyis khyuot yoeus das.
Nyang lyis phuqsoe bang mvshoh jyen bweh nyeis yvlyis nyvng lyis
nyamoq lyis nhaiqnyen das.
37Housoeh Yhensain nyah dius jens lyis nyei das zis gas,
Namoq loms toh dah yomzains mangso jens gas khapheh loh goeus?
38Nvng nyamoq lyis phudyei coeu yah nyhuk toh,
shuk das xiklyis zvbiq dyei.
Gvshih nyamoq lyis los las pangh nhang aq,
nyamoq lyis los wuih khyuot yoeus nhang aq.
39Ngos kyingh Mangso nghuot,
gohtoeu mangso ka ma gyingh.
Ngos gas sat, kang dwis nhang, Dvmtap, yhoh, soeu nghuot.
Ngos kuot yvlyis loqyom hank ma yoh tyonh.
40Ngos gas vcaiq vto dwis nyeis Mangso nghuot.
Ngos ngah loq toeu lha nyhen,
41Ngos ngah moengsa ying ying swih das,
ngah lyi bos cho kuot goeus yvlyis nyvng das.
Ngos ngah jeswus lyis lvto phuk das,
ngos lyis hoeng bang lyis joeng das.
42Ngah nyo lyis nyamoq suih yah nghop das.
Ngah moengsa ka ngos lyis loqyom tyonh bang dvnganh lyis sat das.
Ngos lyis zan bang hank lyis eq ma toh das,
dvmdap bang yahge jons loh bang yangh shei das.
43Dius nyau jens eh, namoq gas Yhensain dah dius jens lyis chungh chah #Rom 15.10; Nyoq 19.2
nyang gas nyamoq lyis sat bang dvnganh lyis joeng.
Nyah jeswus lyis lvto phuk las
nyah dius jens dah yaunos lyis khyuot dyei.
44Moshe yahge Nun lo Yoshua gas Israel dius jens xauhgyo das nyhenshang haih chunghthwe taiq kyoh.
Moshe thang thank Taiq shet
45Moshe dius jens lyis Mangso dah jyauh dang dye dyei lyis, 46nyang taiq, Khvnyhik ngos namoq lyis dyei, hai tying dang dvnganh chank kuot das zis zaih nyeis geh. Namoq dah lo jens eq Mangso dah jyauh cho dvnganh lyis lomluk luk chank kuot bas jungh, hauh zis puk las puk las taiq geh. 47Haih jyauh cho ka vjyuk ma bos dang ma nghuot, houka namoq kang nghuot. Namoq hauh zis chank kuot nyeis lyis namoq Yodan lvng thyitvp pheh loh nyeis bah ge mau mas nyangh nyangh xauh nyeis das, ge.
Nebo Boms mas Moshe Shei
48Hauh nyeih lyis, Yhensain Moshe lhyi taiq,#Gyu 27.12-14; Lyi 3.23-27 49Yerikho wus twi twi Moab mau, Abarim boms mas loh aq. Nebo boms mas doq las, ngos Israel jens lyis dyei bah oen dah Khanan mau lyis yoeuh kat aq. 50Nah vmang Aron gas Hor boms mas shei zis yah dvyhangteh, nvng hauh boms mas shei das. 51Khasoeh ge lyis nah aiq yuk gonh Israel jens xikkhonh mas ngos lyis lom ma luk. Zin mhanhdyvp, Kadesh wus nvm, Meriba jeislvng mas uhlyis nvng ngos lyis dius jens xikkhonh mas ma phauh ma nyang kuot. 52Ngos Israel jens lyis dyei nyeis dah mau mas nvng ma xauh wvng das laus eq nvng we masyah hauh yvlyis yoeuh toh aq, ge.
Currently Selected:
LYI 32: NCB
Highlight
Share
Copy
Want to have your highlights saved across all your devices? Sign up or sign in
Ngochang Common Language Bible © Bible Society of Myanmar, 2010.
