Luk Jaa ne tuna Jaa Ndinimani ne Luk kya̰ sul
Jaa ne tuna Jaa Ndinimani ne Luk kya̰ sul
Jaa Ndinimani ne Luk kya̰ ja tɨ bayri ɓə Jesu tɨ wo tɨ Israhel nina ngoy lo lɛ, ər tɨ wo tɨ bi gun nina tɨ dunya̰ la. Maktub ne ja jaa tuna mum dɨbla ne ka paa ne Matyo la Mark la a kya̰ tɨ Jaa Ndinimani hul. Lɛ na jaa lɔ ɓiri tɨ bi ndɔ jo Luk ja na jaa jak dɨbla tɨ paa sul kuna: Ma̰ni tɨ Jesu na twila ne ər ja dɨbla na ul mu, ul mu la, ma̰ni tuna wo kɔr paa ne uy lɛ ər jaar ər tɨ lɔr hul tɨ Na̰y la, ma̰ni tuna Jase sul la, ma̰ni tuna bi tɨ ul sul tɨ Emayus la. Ər ja jaa tuna jaa lar jak tapeer sul kuna: Jaa lar ne tuna Ɓər tɨ Samari ne ka ɓari la, ɓa̰ ne haam la. Jesu ləg bi jindemni la ər ka ɓari gɨ bi tɨ mway la, bi ne ti tɨ pɛw hul la, bi ne a wur a jindemni la, bi tɨ ndemni la. Gorne wo edɨ Jaa Ndinimani ne Luk kya̰ gɨna, ər ɓə ndula laar tina, tuna wo tɨ bi nina na hina la ər sal ha̰w tɨ dwari tɨ ɓijim sul la.
Jaa ji gun ne wo maktub ne hul jo le:
Ja̰ Batis-a na Jesu na twila 1–2
Cida ne Ja̰ wo tɨ gɨ bi batɛm kar ka 3
Jesu na cida tɨ kar tɨ Galile 4–9
Jesu na o̰ tɨ Galile tɨ saal tɨ Jerusalɛm 9–19
Jesu na jaa jura na bi ton taam ər lo tɨ Jerusalɛm 19–20
Jerusalɛm na yunga la Wo Ɓa̰ na hina la 21
Jesu na pɛw la, ər ulu la, ər duga tɨm jili la, ta ər saal tɨ ndɨla sul la 22–24
Currently Selected:
Luk Jaa ne tuna Jaa Ndinimani ne Luk kya̰ sul: nie
Highlight
Share
Copy
Want to have your highlights saved across all your devices? Sign up or sign in
© 2023, ATALTRAB