Joŋ Fiɛɛ fì le a Ŋwa wu Joŋ wunɛ le
Fiɛɛ fì le a Ŋwa wu Joŋ wunɛ le
Saaka wù joŋe wunɛ wù Joŋ gɛ̀ saŋ wu duunyi lɛ Jiso le Jɛ yi Nyo yì gɛ̀ bee fɛŋkɛɛ yì mɛ gɛh lo, lɛ yi gɛ̀ bee yi tu muh wu wuŋ. Ŋwa wuyu kibɛɛ jɛme lɛ saaka wù joŋe wunɛ, ba gɛ̀ saŋ wu lɛ bamii ba tɛŋe taŋlo bo bɛɛŋ lɛ Jiso le Mbvusɛ wù Nyo gɛ̀ ka, nyu Mwa Nyo, ba leesɛ fitele yi ye ye le, bo ge bo kɛme kinche kì kage gɛ (20:31).
Fiɛɛ fì Joŋ le wu saŋ a ŋwa wunɛ le, wu ka wu biise kune nnya yì le kinche kì kage gɛ kì le nje Kletu. Nnya yinɛ le fitele fi Nyo fì joŋe fì wu dunyi kɛge mɛɛse, fi nyu fɛ bamii ba bɛɛŋ lɛ Jiso le je le, wu le kinchiɛɛŋ, wu le kinche. Je yimi yì Joŋ saŋ ŋwa wunɛ yo le yi le yeye yi duunyi no Jiso gɛ̀ jode mwɛɛ mu bamii kee yi kinche kinɛ le ki wu yɛ̂yi no mwɛɛ mu a kiyo le, mu nyu.
Bikwɛɛ bi mwɛɛ mù le a Ŋwa wunɛ le
1:1-18 Fɛŋkɛɛ kune Jɛ yì gɛ̀ tu muh
1:19-51 Kune Joŋ Nlesɛajoo mo booŋ ba ŋgoo ba Jiso ba fwe
2:1–12:50 Kune no Jiso gɛ̀ jiɛnyi wù gee lɛme che
13:1–19:42 Kune aju a Jiso a fɛkimɛsɛ Yɛlusalɛm bɛ mbebe yo le
20:1-31 Kune no Tada Jiso gɛ̀ bu yi kwe le, wu dunyɛ kikwɛɛ ke bamii be le
21:1-25 Kimɛsɛ: Jiso dunyɛ kikwɛɛ ke booŋ be ba ŋgoo le Galalee
Currently Selected:
Joŋ Fiɛɛ fì le a Ŋwa wu Joŋ wunɛ le: ncr
Highlight
Share
Copy
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.