ሉቃስ 6

ዬሱስ ጎፍታ ሰንበታት

6፥1‑11 ኩወፈ – ማቴ 12፥1‑14፤ ማር 2፥23–3፥6

1ጉያ ሰንበታ ቶኮ ዬሱስ ለፈ ቆቲሳ ምዻኒ ኬሰ ደርባ ቱሬ፤ በረቶትንሳስ አሼቲ ምዻኒ ጭረተኒ ሀርከሳኒቲን ሱኩመተኒ ኛቹ ጀልቀበን። 2ፈሪሶተ ኬሳስ ቶኮ ቶኮ፣ “እስን ማሊፍ ዋን ሰንበታን ሆጄቹን ህንኤየመምኔ ሆጄቱ?” ጄዸኒ ጋፈተን።

3ዬሱስስ አከነ ጄዼ ዴብሴፍ፤ “እስን ዋን ዳዊት ዬሮ እኒፊ ሚልቶትንሳ ቤለአንት ጎዼ ሰነ ተኩማ ህንዱብፍኔ? 4እን መነ ዋቃ ሴኔ ቡዴነ ቁልቁሌፈሜ#6፥4 ቡዴነ ቁልቁሌፈሜ – ቡዴነ ኩዸ ለማን ጉያ ሰንበታ መነ ዋቃ ኬሰ ጠረጴሳ ወርቄ ድበሜረ ካአሙዸ። ቡዴን ኩን አችት ጎፍታፍ ዽኤፈመ። ሰንበተ እት ኣኑትሞ ሉቦታፍ ኬነመ። ሉቦትንስ እዶ ቁልቁሉ ቶኮት ኛቹ ቀቡ። ከን ሉቦተ ቆፋፍ ኤየመሜ ፉዸቴ ኛቴ። ወረ እሰ ወጅን ጅረኒፍስ ኬኔ።” 5ዬሱስስ፣ “እልም ነማ ጎፍታ ሰንበታት” እሳኒን ጄዼ።

6ሰንበተ ብራስ እን መነ ሰገዳ ሴኔ በርሲሳ ቱሬ፤ ነምች ሀርክሳ ምርጋ እረት ጎጌ ቶኮስ አች ቱሬ። 7ፈሪሶትኒፊ በርሲስቶትን ሴራ ዬሱስን ህመቹፍ ጄዸኒ ሰበበ በርባዳ ቱረን፤ ከናፉ አከ እን ሰንበታን ነመ ፈይሱ እላሉፍ እሰ ጋደን። 8ዬሱስ ገሩ ዋን እሳን ያደን ቤኬ ነምቸ ሀርክ እረት ጎጌ ሰናን፣ “ከኢ ፉለ ነመ ሁንዳ ዱረ ዻበዹ” ጄዼ። እንስ ከኤ አች ዻበቴ።

9ዬሱስስ፣ “አንስ እስነን ጋፈዸ፤ ሰንበታን እሰ ከምቱ ኤየመማዸ? ዋን ጋሪ ሆጄቹሞ ዋን ሀማ ሆጄቹ? ሉቡ ኦልቹሞ በሌሱ?” እሳኒን ጄዼ።

10ገረ ገሌስ ሁንደሳኒ እላሌ ነምቻን፣ “ሀርከኬ ድሪርፈዹ” ጄዼ። እንስ አከሱመ ጎዼ፤ ሀርክሳስ ጉቱማን ጉቱት ፈዬ። 11ፈሪሶትኒፊ በርሲስቶትን ሴራ ገሩ አከ መሌ ኣረኒ ዬሱስን ማል ጎቹ አከ ደንደአን ወሊን መርአቹ ጀልቀበን።

ኤርገሞተ ኩዸ ለማን

6፥13‑16 ኩወፈ – ማቴ 10፥2‑4፤ ማር 3፥16‑19፤ ሆጂ 1፥13

12ዬሱስስ ጉዮተ ሰነ ኬሳ ጋፍ ቶኮ ከዸትናዻፍ ቱሉት ኦል በኤ፤ ሀልከን ጉቱስ ዋቀ ከዸቻ ቡሌ። 13እንስ ዮሙ ለፍት በርኤት በረቶተሳ ኦፍት ዋሜ ነመ ኩዸ ለመ እሳን ኬሳ ፍለቴ፤ ኤርገሞተ ጄዼስ እሳን ሞጋሴ።

14እሳንስ ስሞን እሰ እን ጴጥሮስ ጄዼ ሞጋሴ፣ ኦቦሌሰሳ እንድሪያስ፣

ያቆብ፣

ዮሀንስ፣

ፊልጶስ፣

በርተሎሜዎስ፣

15ማቴዎስ፣

ቶማስ፣

ያቆብ እልመ እልፍዮስ፣

ስሞን እሰ ህናፍትቸ ጄዸሜ ዋመሜ፣

16ይሁዳ እልመ ያቆብ፣

ይሁዳ አስቆሮትቸ እሰ ዬሱስን ደበርሴ ኬኔ።

ኤባፊ ወዮወን

6፥20‑23 ኩወፈ – ማቴ 5፥3‑12

17እንስ እሳን ወጅን ገድ ቡኤ እዶ ድሪራ ቶኮረ ዻበቴ። ቱትን በረቶተሳ ጉዳንስ አች ቱሬ፤ ነሞትን ይሁዳ ሁንደ ኬሳ፣ ዬሩሳሌም ኬሳ፣ ብየ ቀርቀረ ገላና ከን ናኖ ጢሮሲፊ ሲዶናቲ ዹፈን ባይኤን፣ 18ወር እሰ ዸገኡፊ ዹኩበሳኒራ ፈዩፍ ዹፈንስ አች ቱረን። ወር ሀፉሮተ ጡራኦን ዽጰቻ ቱረንስ ንፈየን፤ 19ሰበቢ ሁምን እሰ ኬሳ በኤ ሁንዱመሳኒ ፈይሳ ቱሬፍ፣ ነሞትን ሁንድኑ እሰ ቱቁፍ ጨራቃ ቱረን።

20እንስ በረቶተሳ እላሌ አከነ ጄዼ፦

“እስን ወር ህዬዪን ኤብፈሞዸ፤

ሞቱማን ዋቃ ከንኬሰኒቲ።

21 እስን ወር አመ ቤሎፍተን ኤብፈሞዸ፤

ንቁፍቱቲ።

እስን ወር አመ ቦሰን ኤብፈሞዸ፤

ንኮልፍቱቲ።

22 ዮሙ ነሞትን ሰበቢ እልመ ነማቲፍ ጄዸኒ እስን ጅበን፣

ዮሙ እሳን ኦፍ ኬሳ እስን ባሰኒፊ እስን አረብሰን፣

ዮሙ እሳን መቃኬሰን አከ ዋን ሀማ ቶኮት ቱፈተን፣

እስን ኤብፈሞዸ።

23 “ሰበቢ ገቲንኬሰን ሰሚ ኬሰት ጉዳ ተኤፍ ጋፈ ሰነ እልልቻቲ ገመቹዻን ቡቡራቃ። አቦቲንሳኒዩ አከሱመ ራጆተ ጎዸኒቲ።

24 “ገሩ ወር ሶሬዪን እስኒፍ ወዮ፤

እስን ጀጀብነኬሰን አርገተኒርቱቲ።

25 ወር አመ ቁፍተን እስኒፍ ወዮ፣

ቤለኡፍ ጅርቱቲ፣

ወር አመ ኮልፍተን እስኒፍ ወዮ፤

ወዋቹፊ ቦኡፍ ጅርቱቲ።

26 ዮሙ ነምን ሁንድኑ እስን ሳዱ እስኒፍ ወዮ፤

አቦቲንሳኒዩ አከኑመ ራጆተ ሶባ ሳዳ ቱረኒቲ።

ዲነ ኦፊ ጃለቹ

6፥29፣30 ኩወፈ – ማቴ 5፥39‑42

27 “አን ገሩ እስን ወረ ነ ዸጌሰንት ነንህመ፤ ዲኖተኬሰን ጃለዻ፤ ወረ እስን ጅበኒፍ ዋን ጋሪ ሆጄዻ፤ 28ወረ እስን አባረን ኤብሳ፤ ወረ እስን ሚዸኒፍስ ከዸዻ። 29ዮ ነምን ቶኮ መዲ ቶኮ ስ ከበሌ፣ መዲ ካንስ እት ቀብ። ዮ ነምን ቶኮ ኮቲኬ ስራ ባፈቴሞ፣ ክታኬሌ ህንዾወትን። 30ነመ ስ ከዸቱ ሁንዱማፍ ኬን፤ ዮ ነምን ከምዩ ዋን ከንኬ ተኤ ፉዸቴ፣ አከ ወን ሱን ሲፍ ዴብፈሙ ህንጋፈትን። 31እስንስ አኩመ ነሞትን ካን አከ እስኒፍ ጎዸን በርባደን ሰነ እሳኒፍ ጎዻ።

32 “እስን ወረ እስን ጃለተን ቆፈ ዮ ጃለተን፣ ኩን ገለተ ማሊ እስኒፍ ቀበ? ጩበሞትንዩ ወረ እሳን ጃለተን ንጃለቱቲ። 33እስን ዮ ወረ ዋን ጋሪ እስኒ ጎዸኒፍ ዋን ጋሪ ጎተን፣ ኩን ገለተ ማሊ እስኒፍ ቀበ? ከነሞ ጩበሞትንዩ ንጎዹቲ። 34ወሩመ አከ እስኒፍ ዴብሰን አብደተኒፍ ዮ ልቄስተን ገለተ ማሊ አርገቱ? ‘ጩበሞትንዩ’ ሀሙመ ልቄሰን ሰነ ዴብሰኒ አርገቹፍ ጄዸኒ ጩበሞታፍ ንልቄሱቲ። 35እስን ገሩ ዲኖተኬሰን ጃለዻ፤ ዋን ጋሪስ እሳኒፍ ሆጄዻ፤ ኡቱ ዋን እስኒ ዴብኡ ቶኮሌ ህንአብደትን እሳኒፍ ልቄሳ። ዮስ ገቲንኬሰን ጉዳ ንተአ፤ እስንስ እጆሌ ዋቀ ዋን ሁንዳ ኦሊ ንታቱ፤ እን ወረ ህንገለቴፈትኔፊ ሀሞታፍሌ አርጃዻቲ። 36አኩመ አባንኬሰን አራረ ቀቤሰ ተኤ ሰነ፣ እስንስ አራረ ቀቤዪ ተኣ።

ነመት ሙሩ

6፥37‑42 ኩወፈ – ማቴ 7፥1‑5

37 “ነመት ህንሙርና፤ እስንትስ ህንሙረሙቲ። ነመ ህንየክና፤ እስንስ ህንየከምተኒ። ዺፈመስ ጎዻ፤ ዺፈምን እስኒ ጎዸማቲ። 38ኬና፤ እስኒፍስ ንኬነማ። ሰፈርቱን ጋሪን እት ሁዱመሜ፣ ከን ሶቾፈሜፊ ጉተሜ እረ ዸንገለኤ ቦባኬሰንት እስኒ ነቀመ። ሰፈርቱ እቲን ሰፈርተኒንስ እስኒፍ ሰፈረማቲ።”

39እንስ አከነ ጄዼ ፈኬኘ ከነ እሳንት ህሜ፤ “ጃማን ቶኮ ጃማ ቀጄልቹ ንደንደኣ? እሳን ለቹ ቦለ ኬሰ ህንቡአኒ? 40በረታን በርሲሳሳቲ ኦል ምት፤ ነምን ጉቱማን ጉቱት ሌንጅፈሜ ሁንድኑ ገሩ አከ በርሲሳሳ ንተአ።

41 “አት ማሊፍ ጅርመ እጀኬ ኬሰ ጅሩ አርጉ ዺፍቴ ሁበ እጀ ኦቦሌሰኬቲ ኬሰ ጅሩ እላልተ? 42አት ኡቱ ኦፊኬቲ ጅርመ እጀኬ ኬሰ ጅሩ አርጉ ህንደንደእን፣ አከምት ኦቦሌሰኬቲን፣ ‘ኦቦሌሳ፣ ኮቱ ሜ አን ሁበ እጀኬ ኬሰ ጅሩ ሲፍ ነንባሰ’ ጄቹ ደንዴሰ? ፈኬስቱነነ፣ ዱራን ዱርሲቲ ጅርመ እጀኬ ኬሰ ጅሩ ባፈዹ፤ ኤርገሲስ ሁበ እጀ ኦቦሌሰኬቲ ኬሰ ጅሩ ባሱዻፍ ስሪት አርግተ።

ሙካፊ እጀሳ

6፥43፣44 ኩወፈ – ማቴ 7፥16፣18፣20

43 “ሙክን ጋሪን እጀ ገዼ ነቀቱ ቶኮዩ ህንጅሩ፤ ሙክን ገዼንስ እጀ ጋሪ ህንነቀቱ። 44ቶኮን ቶኮን ሙካ እጀሳቲን ቤከመ። ነሞትን ሙከ ቆራቲራ ሀርቡ፣ ዮካን ሶኮሩራ ወይኒ ህንጭረን። 45ነምን ጋሪን ዋን ጋሪ ገራሳ ኬሰት ኩፈቴ ኬሳ ዋን ጋሪ ባሰ፤ ነምን ሀማንሞ ዋን ሀማ ገራሳ ኬሰት ኩፈቴ ኬሳ ዋን ሀማ ባሰ። ዋን ገራ ጉቴ አፋን ዱበታቲ።

እጃርቶተ መና ለማን

6፥47‑49 ኩወፈ – ማቴ 7፥24‑27

46 “እስን ዋን አን ጄዹ ህንሆጄተን፤ ዮስ ማሊፍ፣ ‘ያ ጎፍታ፣ ያ ጎፍታ’ ናን ጄቱ? 47ነምን ገረኮ ዹፉ፣ ከን ዱቢኮ ዸገኤ ሆጂዻን አርግሲሱ ሁንድ ማል አከ ፈካቱ አን እስንት ነንአገርሲሰ። 48እሳን ነመ መነ እጃሩ፣ ከን ቦለ ገድ ፈጌሴ ቆቴ ሁንዴ መነ ሰና ከታረ ዻቤ ቶኮ ፈካቱ። ሰበቢ መንች ስሪት እጃረሜፍ፣ ሎላን ዬሮ ሎለኤ ሁምናን እት ቡኤት መነ ሰነ ሶቾሱ ህንደንዴኜ። 49ነምን ዱቢኮ ዸገኤ ሆጂዻን ህንአርግሲፍኔ ገሩ ነመ ለፈረት መነ ሁንዴ ህንቀብኔ እጃረቱ ቶኮ ፈካተ። ዬሮ ሎላን ሁምናን እት ቡኤት መን ሱን ንጅጌ፤ ጉቱማን ጉቱትስ ዲገሜ።”

Currently Selected:

ሉቃስ 6: NOCV

Highlight

Copy