Ruum 12

Miau mugogoma'on suat-a so Kinoringan

1Oo su kosusulodan ku, pagka sobana ko oluluudan Kinoringan so toko, mindamo aku so kou nu miau kou yo nu otoroido inawo suat so Iyo. Bang soko ono waalon muyu, sobana ko osanang inawo Niyo so kou. Om soko ono yo su musuat poongusaa' so Iyo. 2Adang-o minsuw nu kogoyaan nu ongo lobuw dai poimaid so wonuo tu, nga posimaidi muyu yo Kinoringan mominda nu pomikiran muyu, su' oilaan muyu onu koinginan Niyo waalon muyu, ono yo kogoyaan obana om koinsanang nu inawo Niyo om dai oinsala' Niyo.

3Pagka kinuasa aku nu Kinoringan polongkop nu tinongaran Niyo, mutangar aku so kou kiawi' nu kodi muyu yo polobi-lobio pomikiran muyu kiat so oilaan muyu. Ono yo, adang musingkaayo-ayo om adang osokakan musimbaba', so' Kinoringan-o su nopaarap so kou nu koilaan muyu mugogoma'on suat so Iyo. 4Oilaan muyu nu osuang boogian nu koyuwan muyu om ido soido nu boogian oono musosondiang kosudaan. 5Soko ono ya pudi toko lobuw poimaid so si Kristus, soko koyuwan Niyo, om toko yo su soko boogian nu koyuwan Niyo. Ido soido so toko mutotabang soko boogian nu koyuwan.#1 Kur 12:12 6Musosondiang ponaak nu Kinoringan so toko. Ono yo ko' otoop ong pokayon toko ponaak oono mugogoma'on suat so Iyo. Isai tinaakan nu Kinoringan nu ponaak polombus nu pontudukan Niyo, mogkari'-kari' yo iyo momaal nu ono, so' oilaan niyo nu kinuasa iyo nu Atod nu Kinoringan. 7Isai tinaakan nu Kinoringan nu inawo moingin monabang, subai monabang iyo. Isai tinaakan nu Kinoringan nu koo'ilo montuduk, subai montuduk iyo nu lobuw. 8Isai tinaakan nu Kinoringan nu koo'ilo mongobiat popiot nu koimaidan nu inong niyo, subai mongobiat iyo nu lobuw. Om isai yo po so kou tinaakan nu Kinoringan nu inawo obintaak so lobuw kikosimpitan, subai monaak iyo maid nu otoroido inawo. Om isai yo po so kou inurug nu Kinoringan nu wowaidon nu lobuw poimaid, mogkari'-kari' yo iyo monundan so nosiro maid so pontudukan nu Kinoringan. Om isai tinaakan nu Kinoringan nu inawo mokipoponabang nu lobuw kikoogutan, subai osanang inawo niyo monabang so nosiro.#1 Kur 12:4-11

9Bang monamod toko nu lobuw, somodan-o nosiro maid nu otulid inawo om okon ko ontob-a nu totongaron intawa gogoma'on toko. Bisigo toko yo kogoyaan oraai om tumotog toko yo so kogoyaan owarong. 10Pointolango muyu yo so kosusulodan muyu nu sobana ko osamod kou so nosiro, om pogulu kou yo mongorumat nu lobuw. 11Mogkari'-kari' kou yo mugogoma'on om adang-o dumoput. Om potoroidoo muyu yo dadan inawo muyu no mongowaid nu kiawi' ponuu'an nu Kinoringan. 12Sumudu'an kou yo dadan, so' umarap nu taakan kou nu Kinoringan nu koworongan ong wagu. Tumaan kou yo nu kosonsora'an om mogdu'a yo dadan. 13Tobango muyu yo inong toko poimaid kikosimpitan-o, om poindokodo muyu yo isai yo po lumoga' nai so kou no.

14Bang sonsora'on toko nu lobuw, mogdu'a yo su' borokatan iyo nu Kinoringan. Adang-o mogdu'a nu nipoinsaad iyo nu Kinoringan.#Mat 5:44; Luk 6:28 15Bang kuwai osudu'an, waid kou yo sumudu'an. Om bang kuwai olunggui, tumopanan kou yo so iyo lumunggui. 16Puido kou yo nu koinowaan. Adang-o musingkaayo-ayo, adang-o tulakon gogoma'on tokodon nu dai oogot.#12:16: adang-o tulakon gogoma'on tokodon nu dai oogot; intawa: mokimuuna'-una' yo nu lobuw pokoboba'on. Om adang kou yo monokod nu kou yo su moilo.#Pon 3:7

17Bang raai-raayon kou nu lobuw, adang-o sumuli' mongoraai, nga sundur kou yo mugogoma'on nu onu yo po owarong so ponokodan nu lobuw. 18Pogkari'-kari' kou yo mokimusulut so kiawi' lobuw, su' osanang kowiawan muyu om d'ado lobuw mongungot so kou. 19Oo su kosusulodan ku, ikod kou yo kisuli' mongoraai nu lobuw mongoraai so kou no. Ombo ya Kinoringan sumuli', so' nokosurat-o tinangar nu Kinoringan nu, “Aku yo su opatut monuli'. Aku yo su opatut monginsaad,” koo ri.#Pom 32:35 20Owarong ong maid toko nu pontudukan nu Kinoringan nokosurat so Buuk Niyo nu,

“Bang witilon alod-alod mu no,

pookano yo

om bang lugangon iyo,

poinumo yo.

Bang waalon mu soko ono,

oiyu'an sono iyo

om borokatan ko nu TUHAN,”

koo ri.#Pon 25:21-22 21Ikod kou yo pusimaid olimuukan#12:21: olimuukan; intawa: olimuudan nu oraai, nga waalo muyu yo owarong-o. Soko ono yo olimuukan muyu sono yo oraai oono.

Currently Selected:

Ruum 12: TomPWPgLgPn

Highlight

Copy