Popular Bible Verses from Ruum 12

Share

Adang-o minsuw nu kogoyaan nu ongo lobuw dai poimaid so wonuo tu, nga posimaidi muyu yo Kinoringan mominda nu pomikiran muyu, su' oilaan muyu onu koinginan Niyo waalon muyu, ono yo kogoyaan obana om koinsanang nu inawo Niyo om dai oinsala' Niyo.

Oo su kosusulodan ku, pagka sobana ko oluluudan Kinoringan so toko, mindamo aku so kou nu miau kou yo nu otoroido inawo suat so Iyo. Bang soko ono waalon muyu, sobana ko osanang inawo Niyo so kou. Om soko ono yo su musuat poongusaa' so Iyo.

Sumudu'an kou yo dadan, so' umarap nu taakan kou nu Kinoringan nu koworongan ong wagu. Tumaan kou yo nu kosonsora'an om mogdu'a yo dadan.

Ikod kou yo pusimaid olimuukan nu oraai, nga waalo muyu yo owarong-o. Soko ono yo olimuukan muyu sono yo oraai oono.

Pointolango muyu yo so kosusulodan muyu nu sobana ko osamod kou so nosiro, om pogulu kou yo mongorumat nu lobuw.

Bang monamod toko nu lobuw, somodan-o nosiro maid nu otulid inawo om okon ko ontob-a nu totongaron intawa gogoma'on toko. Bisigo toko yo kogoyaan oraai om tumotog toko yo so kogoyaan owarong.

Pogkari'-kari' kou yo mokimusulut so kiawi' lobuw, su' osanang kowiawan muyu om d'ado lobuw mongungot so kou.

Oo su kosusulodan ku, ikod kou yo kisuli' mongoraai nu lobuw mongoraai so kou no. Ombo ya Kinoringan sumuli', so' nokosurat-o tinangar nu Kinoringan nu, “Aku yo su opatut monuli'. Aku yo su opatut monginsaad,” koo ri.

Mogkari'-kari' kou yo mugogoma'on om adang-o dumoput. Om potoroidoo muyu yo dadan inawo muyu no mongowaid nu kiawi' ponuu'an nu Kinoringan.

Pagka kinuasa aku nu Kinoringan polongkop nu tinongaran Niyo, mutangar aku so kou kiawi' nu kodi muyu yo polobi-lobio pomikiran muyu kiat so oilaan muyu. Ono yo, adang musingkaayo-ayo om adang osokakan musimbaba', so' Kinoringan-o su nopaarap so kou nu koilaan muyu mugogoma'on suat so Iyo.

Bang raai-raayon kou nu lobuw, adang-o sumuli' mongoraai, nga sundur kou yo mugogoma'on nu onu yo po owarong so ponokodan nu lobuw.

Puido kou yo nu koinowaan. Adang-o musingkaayo-ayo, adang-o tulakon gogoma'on tokodon nu dai oogot. Om adang kou yo monokod nu kou yo su moilo.

Owarong ong maid toko nu pontudukan nu Kinoringan nokosurat so Buuk Niyo nu, “Bang witilon alod-alod mu no, pookano yo om bang lugangon iyo, poinumo yo. Bang waalon mu soko ono, oiyu'an sono iyo om borokatan ko nu TUHAN,” koo ri.

Bang sonsora'on toko nu lobuw, mogdu'a yo su' borokatan iyo nu Kinoringan. Adang-o mogdu'a nu nipoinsaad iyo nu Kinoringan. Bang kuwai osudu'an, waid kou yo sumudu'an. Om bang kuwai olunggui, tumopanan kou yo so iyo lumunggui.

Tobango muyu yo inong toko poimaid kikosimpitan-o, om poindokodo muyu yo isai yo po lumoga' nai so kou no.

Oilaan muyu nu osuang boogian nu koyuwan muyu om ido soido nu boogian oono musosondiang kosudaan. Soko ono ya pudi toko lobuw poimaid so si Kristus, soko koyuwan Niyo, om toko yo su soko boogian nu koyuwan Niyo. Ido soido so toko mutotabang soko boogian nu koyuwan.