Lukas 3
3
Pontudukan ni Yuanis Moongodiu'
(Mat 3:1-12; Mrk 1:1-8; Yns 1:19-28)
1Iya nu koopulu om limo toun ni Raja Tiborius mogkuasa so pilolongkop nu wonuo nu Ruum, nourug si Puntius Pilatus nu gobonor so wonuo Yudia, om si Irudis mogkuasa so wonuo nu Galilia. Sulod niyo ri, si Pilipus mogkuasa so Ituria om so Trakunitis, si Lisinias mogkuasa so Abilini. 2Iya iiri si Anas om si Kayapas-o su Imam Maayo#3:2: Si Anas-o po iwan ni Kayapas. Insan okon ko Imam Maayo si Anas, nga kikopogboya'an iyo. so Yirusalim om pinonuu'an nu Kinoringan so si Yuanis, anak ni Jakaria so padang pantai, montuduk nu lobuw. 3Miano yo sono si Yuanis lumongkop so wonuo so Bowang Yurdan, potuturan nu abar kiat so Kinoringan nu, “Rorogo kou yo momaal nu koraayan, om pokidiu' kou yo ponondu'an nu rumorogo kou. Waalo muyu soko ono su' ompunon kou nu Kinoringan,” koo. 4Gogoma'on ni Yuanis iiri musuat nu nokosurat so buuk ni Yisaya, poo'abar nu Kinoringan-i nu,
“Maau-paau ido koyuwan
so padang pantai nu,
‘Posodiaa yo inawo muyu no
nu kologa'an nu TUHAN,
soko monginduas kou nu lalan
ong lumoga' raja.
5Kiawi' gona' pumpunan nu tana'.
Kiawi' bulud rontayon.
Lalan okilong nga tulidon,
om lalan okubong, rontayon.
6Om kiawi' lobuw so wonuo tu
kosiou nu gama' nu Kinoringan
monapul so nosiro,’ ”
koo ri.#Yis 40:3-5
7Osuang lobuw linumoga' dii si Yuanis mokidiu'. Mutongaro yo iyo so nosiro nu, “Kou su ongo topirik, d'ado minonuturan so kou nu kolaiw kou kiat so koo'ungot nu Kinoringan ong wagu.#Mat 12:34; 23:33 8Bang bana-bana nu rumorogo kou yo momaal nu koraayan, pomaal kou yo nu owarong. Om kodi muyu ponontami nu kolaiw kou kiat so ponginsaadan nu Kinoringan ong mutangar kou nu, solusuk kou ni Abraham. Ondomo muyu nu kikuasa Kinoringan momaal nu solusuk ni Abraham pudi kiat-a so watu iitu!#Yns 8:33 9Kou soko puun dai mubua'. Siowi muyu ya kampak-o nosodia' yo ponogad nu ongo puun sampai so wakat-o. Kiawi' puun dai mubua' nu owarong, togadon om nisubo so apui. Soko ono yo koo'ungot nu Kinoringan so kou ong wagu,” koo.#Mat 7:19
10Mongoduato yo kolobuwan-i so si Yuanis nu, “Onu ka otoop waalon mai?” koo.
11Sumombuto yo si Yuanis nu, “Bang kisabung ko duo, taaki ido no so lobuw d'ado no. Om isai kiookanon boogi'an-o lobuw d'ado ookanon-o,” koo.
12Ongo moomumpung nu sukai nga linumoga' ya dii si Yuanis mokidiu'. Mongoduato yo nosiro so iyo nu, “Oo Guru, onu ka otoop waalon mai?” koo.#Luk 7:29
13Sumombuto yo si Yuanis nu, “Ikod kou yo pokitaak nu kaalib po ko' notantu yo laid,” koo.
14Insan ongo soujar-i mongoduat-a so iyo nu, “Onu koo ka ong kai? Onu mutoop waalon mai?” koo.
Sumombuto yo si Yuanis nu, “Ikod kou yo pongoligot nu siin nu lobuw, pokosala' nu lobuw, intawa monapud nu okon ko bana. Pogsukur kou yo nu ontob nu gaji muyu no,” koo.
15Tumimpuuno yo sono lobuw suang-i monokod nu kalu ong si Yuanis-o iri Raja Nijanji nu Kinoringan-i. 16Nga mutongaro yo si Yuanis so nosiro nu, “Mongodiu' aku so kou nu sungoi, nga lumoga' po ido koyuwan kikopogboya'an maayo ko' aku, om dai su otoop monguripon so Iyo. Iyo yo su monaak so kou nu Atod nu Kinoringan su' rumorogo kou momaal nu koraayan, soko apui kopongidu' nu oraai. 17Kikinuyut Iyo nu lilibu pongotap nu paroi. Parang nu paroi owiton Niyo om iasuw so lingkut, om apo no isubo Niyo so apui dai moda',” koo si Yuanis.
18Osuang gama' ni Yuanis montuduk nu kolobuwan-i potuturan nu Abar Owarong oono so nosiro.
19Nga minonginsala' si Yuanis so si Raja Irudis, so' inontun niyo si Irudias, sawo nu ongko niyo ri, om osuang po koraayan winaal niyo. 20Ido po winaal ni Irudis nu oraai, ono yo minonuu' nu kolobuwan niyo ri popongojiil so si Yuanis.#Mat 14:3-4; Mrk 6:17-18
Pinongodiu'an so si Yisus
(Mat 3:13-17; Mrk 1:9-11)
21Nodiu' yo po ni Yuanis lobuw wokon-i, si Yisus nga diniu' yo niyo. Laid ni Yisus mogdu'a, minitas sono su langit, 22om minuntiba Atod nu Kinoringan soko asang sinumangkad so ulu Niyo ri. Norongou-o sono bongut nu Kinoringan kiat so surga nu, “Ikau-o su Anak Ku nu kosomodan Ku. Koinsanang Ko bana nu inawo Ku,” koo.#Pgn 22:2; Lgu 2:7; Yis 42:1; Mat 3:17; Mrk 1:11; Luk 9:35
Porookian ni Yisus
(Mat 1:1-17)
23Iya ni Yisus tumimpuun montuduk, umur Niyo kiro-kiro tolu nopulu toun. Ponokod nu lobuw, anak Iyo ni Yusup.
Si Yusup anak ni Ili. 24Si Ili anak ni Matat,
anak ni Liwi, anak ni Malki,
anak ni Yanai, anak ni Yusup,
25anak ni Matatias, anak ni Amus,
anak ni Nahum, anak ni Isli,
anak ni Nagai, 26anak ni Maat,
anak ni Matatias, anak ni Simi,
anak ni Yusik, anak ni Yuda,
27anak ni Yuanan, anak ni Risa,
anak ni Jirubabil, anak ni Sialtil,
anak ni Niri, 28anak ni Malki,
anak ni Adi, anak ni Kusam,
anak ni Ilmadam, anak ni Iir,
29anak ni Yusua, anak ni Ilijar,
anak ni Yurim, anak ni Matat,
anak ni Liwi, 30anak ni Simiun,
anak ni Yahuda, anak ni Yusup,
anak ni Yunam, anak ni Iliakim,
31anak ni Milia, anak ni Mina,
anak ni Matata, anak ni Natan,
anak ni Daud, 32anak ni Yisai,
anak ni Ubid, anak ni Buas,
anak ni Salmun, anak ni Naasun,
33anak ni Aminadab, anak ni Admin,
anak ni Arni, anak ni Ijrun,
anak ni Piris, anak ni Yahuda,
34anak ni Yakub, anak ni Isak,
anak ni Abraham, anak ni Tira,
anak ni Nahur, 35anak ni Sirug,
anak ni Riu, anak ni Pilig,
anak ni Ibir, anak ni Siila,
36anak ni Kinan, anak ni Arpaksad,
anak ni Sim, anak ni Nuu,
anak ni Lamik, 37anak ni Mitusala,
anak ni Inuk, anak ni Yarid,
anak ni Mahalaliil, anak ni Kinan,
38anak ni Inus, anak ni Sit,
anak ni Adam.
Si Adam-o po pinokaanak nu Kinoringan so' iyo yo inurug togna.
Currently Selected:
Lukas 3: TomPWPgLgPn
Highlight
Share
Copy
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.
