Yuanis 15

Si Yisus-o su soko puun nu anggur obana

1Mutongaro po si Yisus nu, “Aku yo su soko puun nu anggur obana, om si Amo Ku yo su soko moongipat nu ono. 2Tutu'on Niyo raan dai mubua' no, om intolotadan Niyo raan mubua' no su' osampuw po bua'. 3Soko ono kou ya, ono nougasan-o nu tinongaran nu Kinoringan, nituturan Ku so kou no. 4Mido kou yo so Aku om Aku nga mido so kou. Raan nu anggur-o, bang dai ya kotandon so puun-o, dai kopubua'. Soko ono ya pudi kou. Bang dai kou koido so Aku, dai kou ya kopomaal nu onu ya kikosudaan.

5Aku yo soko puun nu anggur, om kou yo su soko raan. Isai tumotog mido so Aku, lobuw oono osuang kogoyaan nu otoop, soko raan osampuw bua', so' bang d'ado Aku, dai kou kopomaal nu onu-onu ya kikosudaan. 6Om isai dai mido so Aku, insaadan iyo, soko raan tutu'on-i om lumonot. Impugon sono raan oono om susulan. 7Nga bang mido kou so Aku, om imaidon muyu ongo pontudukan Ku, onu-onu ya indomoon muyu no tumbaidon-a nu Kinoringan. 8Bang mugogoma'on kou nu owarong, soko raan mubua' nu osampuw, bontugon sono si Amo Ku, om bana-bana nu mompomaid Ku kou. 9Monamod Aku so kou soko Amo Ku su monamod-a so Aku. Totog kou yo miau soko lobuw sinomodan Ku. 10Bang mongimaid kou nu ponuu'an Ku no, otatap Aku ya monamod so kou. Soko Aku su mongimaid-a nu ponuu'an ni Amo Ku om otatap-a Iyo monamod so Aku.

11Pokoilo Aku nu kiawi' iitu so kou, tayon Ku ong kowaid kou so Aku sumudu'an om orunsum koosudu' muyu. 12Itu yo su ponuu'an Ku so kou, ono yo ponamod kou yo nu inong lobuw, soko Aku nga monamod so kou.#Yns 13:34; 15:17; 1 Yns 3:23; 2 Yns 5 13Lobuw-o po sobana ko osamod nu kouna'an niyo, olila' matoi suat so nosiro. D'ado kaalib nu samod soko poonamod oono. 14Kou yo su una'-una' Ku ong waalon muyu kiawi' nisuu' Ku no. 15Dai Ku yo kou paawon nu uripon, so' uripon-o dai koilo nu onu-onu waalon nu tuan niyo no. Paawon Ku yo sono kou nu una'-una' Ku, so' onu yo po norongou Ku so si Amo Ku, nituturan Ku yo so kou. 16Okon-a ko kou su minomili' so Aku, nga Aku yo su minomili' so kou, om monuu' so kou mugogoma'on nu owarong, om gogoma'on muyu oono musisinundur. Om soko ono po, taakan kou ni Amo Ku nu onu-onu ya indomoon muyu, iri inindamo muyu so' poimaid kou so Aku. 17Itu yo ponuu'an Ku so kou, ono yo pusosamod kou yo,” koo si Yisus.

Bisigon kou nu ongo lobuw dai poimaid

18Mutongaro po si Yisus nu, “Bang bisigon kou nu ongo lobuw dai poimaid, ondomo muyu yo nu Aku gulu yo binisig nosiro. 19Bang mokimuuna'-una' kou so nosiro, somodan kou ya nosiro. Nga pagka dai kou mokimuuna'-una' so nosiro, bisigon kou sono nosiro so' pinili' Ku yo kou kiat nai so nosiro. 20Ondomo muyu yo tinangar Ku so kou ri nu, d'ado ya uripon kaalib nu tuan niyo no. Bang raai-raayon Aku yo nosiro, kou nga raai-raayon-a. Bang maid nosiro nu niongotuduk Ku no, niongotuduk muyu no nga waidon-a nosiro.#Mat 10:24; Luk 6:40; Yns 13:16 21Pagka mompomaid Ku kou, waalon nosiro kiawi' oono so kou, so' dai nosiro otondu'an Iyo, ono minonuu' so Aku no. 22D'ado ya koraayan nosiro ong dai Aku nai' nokologa' potuturan nu Abar Owarong so nosiro. Nga pagka nokologa' Aku yo potuturan so nosiro, d'ado yo sono pounayan nosiro dumaawa nu nosiro yo po d'ado ya koraayan. 23Isai mongobisig so Aku, mongobisig-a so si Amo Ku. 24Bang dai nai' nokosiou nosiro nu koiran-iran pinuwaal Ku ri, nu dai po insan owaal nu lobuw, d'ado ya koraayan nosiro. Nga kosiono nokosiou-o nosiro nu koiran-iran oono, om obisig-a nosiro so Aku om si Amo Ku. 25Nga subai ourug ono, tayon ong otuman iri nokosurat so buuk nu Ukum nosiro ri nu, ‘Bisigon Aku nosiro d'ado pounayan mongobisig,’ koo ri.#Lgu 35:19; 69:4

26Suu'on Ku pologa' Moonabang kiat so Kinoringan. Iyo yo Atod pointolang nu obana ya Kinoringan. Bang kologa' yo Iyo, pointolang sono Iyo ong isai Aku. 27Om kou nga subai pointolang-a ong isai Aku so' kou yo su mido-ido so Aku kiat nu timpuun,” koo si Yisus.

Currently Selected:

Yuanis 15: TomPWPgLgPn

Highlight

Copy