Pinongoorapan 7

Sambut ni Stipanus

1Duato yo nu Imam Maayo ri si Stipanus nu, “Bana ka ponopudan nosiro so ikau oono?” koo. 2Sumombuto yo si Stipanus nu, “Oo su kosusulodan om kotutuaan, rongowo muyu yo tongaron ku tu. Kinoringan, iri sobana ko kikuasa, minokisiou so aki rumpungan toko si Abraham nu laid po niyo molak-polak so Misuputamia, dai po nokopinda so Aran-i. 3Minutangar Kinoringan so si Abraham nu, ‘Ogoli yo wonuo mu om suku-sakat mu no, om ian-o so wonuo nituduk Ku so ikau-o,’ koo.#Pgn 12:1 4Mulaiwo yo si Abraham kiat so wonuo nu Kasdim om molako yo so Aran. Minatoi-o po amo ni Abraham, tinudukan iyo nu Kinoringan nu popindaan so wonuo kinopolakan muyu iitu.#Pgn 11:31; 12:4 5Dai ya minonaak Kinoringan so si Abraham nu tana' osongapan niyo, nga minujanji Kinoringan so iyo nu taakan-a nu tana' songapan niyo om solusuk niyo, pudi pona d'ado po anak niyo nu iya iiri.#Pgn 12:7; 13:15; 15:18; 17:8 6Soko itu yo tangar nu Kinoringan so iyo, ‘Solusuk mu no ourug nu porantau so wonuo nu lobuw. Ouripon nosiro om sonsora'on solaid opat naatus toun. 7Nga insaadan Ku ya lobuw monguripon so nosiro no, su' kolabus nosiro, om mongusaa' so Aku tuui,’ koo.#Pgn 15:13-14 #Kin 3:12 8Om nitaak sono nu Kinoringan so si Abraham ido ponondu'an nu janji oogot so nosiro, ono yo sinunatan. Soko iri po sunati yo ni Abraham si Isak so kowalu runat kiat so kinopuonakan so iyo ri. Si Isak minonunat nu anak niyo, si Yakub, om si Yakub minonunat nu inonakan niyo kokusoyan opulu om duo ri, iri yo su aki rumpungan nu lobuw Yaudi.#Pgn 17:10-14; 21:2-4; 25:26; 29:31—35:18

9Ido koyuwan kiat so opulu om duo iiri, ngaran niyo si Yusup, om pinokimuogil-ogilan iyo poroongkaan niyo ri. Niwoli sono nosiro si Yusup dii so Masir om nouripon, nga maid-waid-a Kinoringan so iyo,#Pgn 37:11,28; 39:2,21 10polaiw kiat so kiawi' koogutan niyo ri. Nokosambat si Yusup so raja Masir-i. Oingin sobana raja ri so iyo om pinangkat iyo nu raja ri nu gobonor. Iyo yo sono su mogkuasa nu tana' so Masir om waloi nu raja ri.#Pgn 41:39-41 11Indadi kilikop sono so pilolongkop nu wonuo Masir om Kanaan, om sobana ko osonsara' kolobuwan dii ri. Odu aki toko ri nga sobana ko osimpit nu mookan.#Pgn 42:1-2 12Norongou-o po ni Yakub nu kiingkookan po dii so Masir, suuo yo niyo inonakan niyo ri poian dii, nga insan nai'. 13Koinduo nosiro mian so Masir-i, minokitondu' yo sono si Yusup so kosusulodan niyo opulu om ido ri. Noilaan nai' nu raja Masir-i suku-sakat ni Yusup.#Pgn 45:1,16 14Mongodawo yo si Yusup so amo niyo si Yakub nu posuuton so Masir, maid nu suku-sakat niyo turu nopulu om limo sampuw.#Pgn 45:9-10,17-18; 46:27 15Murongkato yo sono si Yakub so Masir, om dii yo pinotoyan niyo om odu aki toko ri.#Pgn 46:1-7; 49:33 16Nga bangkai nosiro ri, inowit-a so bandar Sikim so wonuo iitu, om nilobong so tana' winoli ni Abraham so inonakan ni Imur.#Pgn 23:3-16; 33:19; 50:7-13; Yus 24:32

17Iya nu oduruk-o ourug iri janji nu Kinoringan so si Abraham, sinumuang-o sono bansa toko so Masir. 18Minogkuasa sono ido raja so Masir dai kotondu' so si Yusup.#Kin 1:7-8 19Raja iiri minongoburunsut om minongusiba' nu odu aki toko ri. Koduung kopuanak-o kowoinoyan, sosogan-o niyo nu nipolabus anak-i kiat so waloi, su' matoi.#Kin 1:10-11,22 20Iya yo iiri, kinopuonakan so si Musa om oparu' sobana iyo. Tolu nowulan laid pinoriara' iyo so waloi nu amo niyo ri,#Kin 2:2 21om nilabus sono kiat so waloi. Nga inalap-a iyo nu anak woinoi nu raja ri mongowit muli', om pinoriara' soko anak niyo kondiri.#Kin 2:3-10 22Tinudukan iyo nu kiawi' pontudukan nu bansa Masir, om sobana ko oilo mutotongaran om owarong kogoyaan.

23Iya nu opat nopulu toun umur ni Musa, tinapus sono niyo nu mongondaa so sondad bansa niyo Israil-i. 24Laid niyo manou-panou-i, nokosiou iyo ido lobuw Masir monginsaad nu bansa niyo Israil. Topano yo ni Musa bansa niyo ri om potoyo yo niyo lobuw Masir-i. 25(Ponokodan ni Musa nu oorotian nu bansa niyo ri nu iyo yo po nga pinakai nu Kinoringan polabus so nosiro, nga dai ya noorotian nosiro.) 26Susuab-i nokosiou-o iyo duo koyuwan bansa Israil minualod, om kininaman niyo popusulut duo koyuwan iiri nu, ‘Oo lakitu, kou yo po sonsulod. Dai kou otoop soko ono!’ koo, 27nga iri minonginsaad nu una' niyo ri, sobana ko okosog. Tuuri yo niyo si Musa maid nu mutangar nu, ‘Ado ya minongurug so ikau nu wowaidon mongukum so kai! 28Kalu ong mokipopomatoi ko so aku, soko lobuw Masir pinatoi mu siniab-i!’ koo. 29Norongou-o po iri ni Musa, linumaa' sono iyo om mulaiwo yo kiat so Masir om minolak so wonuo nu Midian. Nokoontun iyo dii, om kianak duo sondad kusoi.#Kin 2:11-15 #Kin 18:3-4

30Opat nopulu toun kiat nu iri, minintolang sono susuu'on nu Kinoringan so padang pantai orani so Bulud Sinai. Susuu'on iiri minintolang so kosupot-supotan nu ruwi kisinikit. 31Noiranan si Musa nu iri, rinumani sono iyo momatong. Nga nokorongou iyo nu tangar nu Tuhan nu, 32‘Aku yo su Kinoringan usaa'on nu porookian mu ri, ono yo si Abraham, si Isak om si Yakub,’ koo iri norongou niyo ri. Nokokikip sono si Musa lumaa', om dai nokooku' sumundur momatong.#Kin 3:6 33Mutongaro po Kinoringan so si Musa nu, ‘Luus-o kasut mu no so' tuui Aku, om tontong iitu noborokatan Ku.#Kin 3:5 34Nosiou Ku yo koosonsara' nu lobuw Ku so Masir. Norongou Ku yo tangi' nosiro mokiluluudon, om linumoga' Aku yo polabus so nosiro. Kayo, niapit Ku ikau koimbagu so Masir,’ koo Kinoringan.#Kin 3:1-10

35Si Musa yo su tinulak nu bansa Israil. Minutangar nosiro nu, ‘D'ado ya minongurug so ikau nu wowaidon mogkuasa om mongukum so kai!’ koo. Nga Kinoringan-a su minongurug so iyo nu wowaidon om poolabus maid nu ponobangon nu susuu'on nu Kinoringan, nosiou niyo so kosupot-supotan nu ruwi kisinikit-i.#Kin 2:14 36Iyo yo su minonundan nu bansa Israil mulaiw kiat so Masir, maid nu koiran-iran pointolang nu monabang Kinoringan so iyo so Masir, so Raat Omiang, om so padang pantai solaid opat nopulu toun.#Kin 7:3; 14:21; Pong 14:33 37Minutangar si Musa so bansa Israil nu, ‘Monuu' Kinoringan ong wagu nai so kou ido poo'abar bansa muyu kondiri, soko poonuu' Niyo so aku tu,’ koo.#Pom 8:15,18 38Si Musa yo su minonundan nu odu aki toko bansa Israil so padang pantai, om pinokoilo iyo nu susuu'on nu Kinoringan so Bulud Sinai nu, iyo yo su pinongoobaran nu gama' monginsanang nu inawo nu Kinoringan, om nituturan so toko.#Kin 19:1—20:17; Pom 5:1-33

39Nga dai poimaid odu aki toko ri so si Musa, ala' nai' tinulak iyo nosiro om mokipupululi' so Masir. 40Laid ni Musa so Bulud Sinai, minutangar odu aki toko ri so si Arun nu, ‘Pomaal-o nu tinindobuw monundan so toko. Dai yo oilaan mai ong onu nourug so si Musa, iri minonundan so toko lumabus kiat so Masir-i,’ koo nosiro.#Kin 32:1 41Momaalo yo sono nosiro nu tinindobuw koogio nu sapi. Iri yo sono su rooraa'on nosiro, pounayan murami-rami monginokan so' sobana ko osudu' nosiro nu gogoma'on nosiro ri.#Kin 32:2-6 42Ungkiat-o dii, tinolikudan nosiro nu Kinoringan, om pinosimaidan-a Niyo nosiro mongusaa' nu korombituon, soko iri nokosurat so Buuk nu Kinoringan nu,

‘Oo su lobuw Israil!

Okon-a ko Aku

su inusaa' muyu mongoraa'

solaid opat nopulu toun

so padang pantai.

43Owit-owiton muyu

bosalag nu tinindobuw

iri ingoranan nu Molok,

om tinindobuw, ingoranan nu Ripan,

pinokokinoringan muyu

so korombituon-o.

Tinindobuw oono yo

usaa'on muyu runat-runat.

Ono yo ko', nipoowit Ku kou

nu lobuw orawu' po kotoliban kiat so wonuo nu Babil,’

koo ri.#Am 5:25-27

44Odu aki toko ri kuwai Bosalag Sosombooyangan#7:44 Bosalag Sosombooyangan: Siowan Kamus Kitab. wokon so padang pantai. Bosalag oono winaal mongowaid nu tutuduk nu Kinoringan so si Musa.#Kin 25:9,40 45Bosalag iiri tinorima' nu odu aki toko kiat so odu aki lombus toko silaid-i, om nosiro yo su minongowaid so si Yusua masuw so tana' iitu no. Tana' iitu sinolod ungkiat so bansa wokon, iri sinusub nu Kinoringan mulaiw so tiningkuangon nu odu aki toko ri. Dii-dii yo sono bosalag iiri musingkologa' nu iya ni Daud.#Yus 3:14-17 46Sobana ko koinsanang si Raja Daud nu Kinoringan, om minokilila' iyo so Kinoringan usaa'on ni Yakub nu momaal nu waloi sosombooyangan so Kinoringan.#2 Som 7:1-16; 1 Kot 17:1-14 47Nga okon ko si Daud minomaal, sondiang ko anak niyo si Salumu su minomaal nu waloi sosombooyangan.#1 Raj 6:1-38; 2 Kot 3:1-17

48Nga Kinoringan Sobana ko Opangkat okon-a ko molak so waloi winaal nu lobuw. Nokosurat-o so buuk nu ongo poo'abar tinangar Niyo gulu ri nu,

49‘Langit-o yo su soko oogoman Ku,

om wonuo tu

soko lapik nu akod Ku tu.

Indadi dai kou kopomaal

nu waloi mutoop so Aku.

Om dai kou kopomaal

nu intoronan mutoop so Aku.

50Kiawi' iitu no obana,

so' aku yo su minongurug

nu kiawi',’

koo ri,” koo.#Yis 66:1-2

51Mutongaro po si Stipanus nu, “Sobana ko okosog kou om dai koorati nu tinongaran nu Kinoringan! Soko odu aki muyu ri, dai kou moomongkinongou nu Atod nu Kinoringan.#Yis 63:10 52Kiawi' pinongoorapan nu Kinoringan gulu ri ininsaadan nu odu aki muyu ri. Pinatoi nosiro poo'abar nu Kinoringan, iri nopotuturan suat nu kologa'an nu Uripon Niyo Obana, ono yo si Yisus. Kosiono ininsaadan muyu Iyo om pinatoi muyu. 53Nokotorima' kou yo nu Ukum ni Musa, iri niloga' nu ongo susuu'on nu Kinoringan, nga dai kou mongowaid nu ono!” koo si Stipanus.

Pinilai si Stipanus nu watu

54Norongou-o po nu lobuw so Poongobisora'an nu Ugama ri tinangar ni Stipanus, minungot nosiro sobana sampai gorigitan, 55nga kinuasa si Stipanus nu Atod nu Kinoringan. Tumingaa'o yo iyo so langit, om nosiou niyo binaang nu Kinoringan, om si Yisus mundii-dii so pogkuosaan umpak so wanan nu Kinoringan. 56Mutongaro yo sono iyo nu, “Rongowo muyu! Siou-siowan ku surga nosukab, om mundii-dii Anak nu Riniba so umpak wanan nu Kinoringan,” koo si Stipanus.

57Indadi songgonsok-gonsok sono nosiro, maid nu monombol nu tolingo om tuminong dii si Stipanus. 58Owito yo nosiro si Stipanus lumabus om pilayo yo nu watu. Nipolak nosiro pokakas nosiro ri so obi' nu omulok, ingoranan so si Saulus. 59Laid nosiro momilai-i, mogdu'aa yo si Stipanus nu, “Oo Yisus Tuhan ku, torimaa yo atod ku tu,” koo. 60Sumurukudo yo iyo om mutongaro yo nu osangat nu, “Oo Tuhan, kodi yo insaadi nosiro suat so kosola'an iitu no,” koo, om nowukatan-o sono iyo.

Currently Selected:

Pinongoorapan 7: TomPWPgLgPn

Highlight

Copy