HESEKIEL EFALOMO
EFALOMO
Omuprofeti Hesekiel okwa li muupongekwa muBabilon okuza manga Jerusalem inaashi teka po sigo oketekepo lyasho momumvo 586, Kristus manga inaa valwa. Oku uvithile aapongekwa muBabilonia naamboka ya thigala muJerusalem. Embo lyaHesekiel oli na iitopolwa ya simana ihamano: (1) Kalunga ti ithana Hesekiel a ninge omuprofeti. (2) Kalunga ta londodha oshigwana kutya egeelo lye otali ya kombanda yasho ngele itashi itedhulula na Jerusalem otashi ka teka po nokuhalakanithwa po kaatondi. (3) Omatumwalaka gOmuwa taga popi egeelo lye kiigwana yilwe mbyoka ya hepeke noya pukitha aantu ye. (4) Ehekeleko kuIsrael sho Jerusalem sha teka po neuvaneko lyonakuyiwa tayi adhima. (5) Ehunganeko lyokukondjitha Gog. (6) Efano lyotempeli ya tungululwa noshigwana sha galuka muupongekwa.
Hesekiel okwa li e na eitaalo lya ya muule nomadhiladhilo hagi itungile uugumbo. Oshindji shomeuvoko lye oshi li molupe lwomamoniko, nogendji gomomatumwalaka ge oge li miinyandwamayele. Hesekiel ota tula omuthindo kompumbwe yeshituluko lyomeni, omutima nombepo. Omuntu kehe ota ka pangulwa molwomayono ge mwene. Hesekiel oku uvitha etegameno e li na kombinga yeshituluko monkalamwenyo yoshigwana. Okwa li omuyambi nomuprofeti, onkee okwa li e na eitulomo kombinga yotempeli nokulombwela oshigwana shi kale oshiyapuki.
Elandulathano lyoshikalimo
Eithano lyaHesekiel 1:1—3: 27
Omatumwalaka gegeelo lyaJerusalem 4:2—24:27
Kalunga ta pangula iigwana 25:1—32:32
Euvaneko lyaKalunga kaantu ye 33:1—37:28
Ehunganeko tali pangula Gog 38:1-39:29
Emoniko lyotempeli noshilongo tashi ya 40:1-48:35
Currently Selected:
HESEKIEL EFALOMO: ONDB
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
Oshindonga Bible © Bible Society of Namibia, 2008.