1TIMOTEUS EFALOMO
EFALOMO
Omugundjuka omukriste, Timoteus gwomuAsia eshona, okwa valwa kuyina Omujuda nahe Omugreka. Okwa li omuthindikili nomukwathi gwaPaulus moshilongatumo she. Ontumwafo ndjika oyi na iinenenima itatu.
Tango otayi londodha okuyanda omalongo giifundja megongalo. Omalongo ngaka ogo oshipilili shomadhiladhilo gOshijuda naangoka gaa shi gAajuda. Otaga longo kutya uuyuni owo uuwinayi nomuntu ota hupithwa owala kondunge yowina yomeholamo nosho wo kokwiidhilika iikulya nokukala inaa hokana.
Ontumwafo ndjika oyi na omalombwelo kombinga yelelo lyegongalo nelongelokalunga. Otayi popi wo aawiliki naayakuli megongalo nkene ye na okukala. Hugunina Timoteus okwa kumagidhwa a kale omuyakuli omwaanawa gwaJesus Kristus, nokombinga yoshinakugwanithwa she mokati kooitaali ooyakwawo.
Elandulathano lyoshikalimo
Efalomo 1:1-2
Omalombwelo ge na sha negongalo naayakuli 1:3—3:16
Omalombwelo kuTimoteus kombinga yiilonga ye 4:1—6:21
Currently Selected:
1TIMOTEUS EFALOMO: ONDB
Highlight
Share
Copy
Want to have your highlights saved across all your devices? Sign up or sign in
Oshindonga Bible © Bible Society of Namibia, 2008.