Гъэсэпэтхыдэхэр 23
23
ТӀОЩӀРЭ ЕЩАНЭ ӀЫХЬЭ
– 6 –
1Тетыгъуэ зиӀэм удэшхэну ущытӀыскӀэ,
умыщӀыкӀэншэ, зыхуэсакъыж,
2уцӀыху шхэкӀейуэ щытмэ,
шыӀагъэ зыхэгъэлъ.
3Шхын хэплъыхьауэ къралъхьэми уи пащхьэ
уемыхъуапсэ –
абы къуэлъ псори пщӀэркъым уэ зищӀысыр.
– 7 –
4Мылъку угъуеиным зыдебгъэхьэхыу зумыухыж,
къэувыӀэр пщӀэн хуэдизу зыхэгъэлъ Ӏущыгъэ.
5Мылъкур уэсэпсщ, напӀэдэхьеигъуэм кӀуэдыжынущ,
зищтэнурэ бгъэ хуарзэу уэгум ихьэжынущ.
– 8 –
6Быдэм и Ӏэнэ упэрымытӀысхьэ,
шхын хэплъыхьауэ кърилъхьэми уи пащхьэ
уемыхъуапсэ.
7КъыбжиӀэу щытми: «ефэ, ешхэ» –
къыпхузэӀухакъым абы и гур,
къыптригъэкӀуэдарщ ар зэгупсысыр#23:7 Пасэрей журтыбзэкӀэ тха Ӏэрытхым къыщыкӀуэ псалъэхэм къарыкӀыр гурыӀуэгъуэ дыдэкъым, зэрызэдзэкӀами къигъэлъагъуэр иӀэнкӀэ хъуну мыхьэнэхэм языхэзырщ..
8Уи гур къигъэкӀуэнщ пшха тӀэкӀуми,
фӀыщӀэгуапэу пщӀари кӀуэдыжынщ.
– 9 –
9УмыщӀ псэлъэгъу цӀыху акъылыншэр,
къыфӀэӀуэхункъым абы уи псалъэ Ӏущхэр.
– 10 –
10Пасэрей гъунапкъэу тур зытращӀар умыгъэӀэпхъуэ,
зеиншэхэм я хьэси уемыӀэб.
11Абыхэм ЩхьэщыжакӀуэу къащхьэщытыр лъэщщ,
къыппэщӀэувэнщи Ар, я Ӏуэхур зэфӀихынщ.
– 11 –
12Уи гур хузэӀух ущием,
щӀэныгъэ зыхэлъ псалъэми щӀэдэӀу.
– 12 –
13УтемыплъэкъукӀ сабий зэраным,
зы фэлъыр ихыгъуэм къришынщ кӀуэдыпӀэ ар#23:13 Е «фэлъыр ихыгъуэм иукӀынкъым ар»..
14Ущымысхьи зы чы уэгъуэм –
щыпхъумащ ажалым ар.
– 13 –
15Си щӀалэ, Ӏущыгъэр уигу илъ зэпытмэ,
гушхуагъэ къысхэхъуэнущ сэри.
16ГуфӀэ-гупсэм зэщӀищтэнущ си псэр,
уи бзэгупэ псалъэ пэж къытекӀмэ.
– 14 –
17Гуэныхь зылэжьхэм уемыфыгъуэ,
сыт щыгъуи фӀэлӀыкӀ уэ Тхьэуэ Зиусхьэным:
18уи зы пщэдей махуэ къыпищэнщ махуищэ,
гугъапӀэу пщӀыхэми яӀэнкъым кӀуэд.
– 15 –
19КъызэдаӀуэт, щӀалэ, акъылым хэгъахъуэ,
гъуэгу захуэми теухуэ уигу.
20Уахэмыхьэ фадэм дихьэххэм,
уемыблэ лыми:
21фадафэмрэ ныбаблэмрэ хъунщ щӀэх тхьэмыщкӀэ,
ешхэ-ефэрэ жей Ӏувым хилъэфэж зэпытри
факъырэ фэнжейр иӀыгъыу хыхьэжынщ.
– 16 –
22Зипкъ укъикӀа уи адэм хуэжыӀэщӀэ,
жьы хъуа уи анэми нэмыплъ иумыт.
23Пэжыгъэр зэгъэгъуэти, зыӀэщӀумыгъэкӀ,
Ӏущыгъэм, ущием, акъылым лъыхъуэ зэпыт.
24Хэтщ гуфӀэгъуэ мыухыжым цӀыху захуащӀэм
и адэр,
зи бын Ӏущри мэгушхуэ.
25ИрегуфӀэ уи адэ-анэр,
ирегушхуэ укъэзылъхуа уи анэр!
– 17 –
26Къэгъазэт, щӀалэ, уи гур си дежкӀэ,
зоумыусыгъуэджэуи си гъащӀэм тех уэ щапхъэ.
27ЗэгъащӀэ: цӀыхубз дэхуэхар –
хуэдэщ мащэ куум,
хамэ цӀыхубзри псыкъуий щӀэншэм ещхьщ:
28хъунщӀакӀуэм хуэдэу ар къыппотӀысри
цӀыхухъу гъэпцӀакӀуэхэр егъэбагъуэ.
– 18 –
29Хэт уэуэур зи махуэр?
Хэт уэуитӀыр зыгъэшыр?
Хэт къаугъэзэхэшэр?
Хэт тхьэусыхафэ шауэр?
Хэт щхьэусыгъуэншэу къаудыныхьар?
Хэт зи нэхэр иуэжар?
30Фадэ пӀащӀэр зи нэрыгъыу,
фомыл фадэм и лъыхъуакӀуэрщ.
31ЗумыгъэгъапцӀэ санэплъу сыхъэр къызыхихым,
уеплъамэ, уи гурыӀупсыр къэзыгъажэм!
32Ар блэм хуэдэу къодзэкъэж иужькӀэ,
блэ шэрэзым ещхьуи зыкъыпхеукӀэж.
33Уи нэкъыфӀэщӀхэр къызэщигъэунщ#23:33 Е «Хамэ цӀыхубзхэм къыщӀигъэхьэнущ уи нэгу».,
уи акъылри игъэутхъуэнущ.
34Узэрихьэнущ хым кърихьэкӀ кхъухьым илъым
хуэдэу,
кхъухь пкъоущхьэм щыжейм ещхьу.
35«Къызадзыгъат сэ удын бзаджэр, –
жыпӀэжынущ, –
арщхьэкӀэ узыр зыхэсщӀакъым!
Сыкъаудыныхьыгъат, ауэ ари хъымпӀар
сщӀакъым.
Зэ сыкъэушамэ, сежьэнт щхьэщӀыж!»
Currently Selected:
Гъэсэпэтхыдэхэр 23: АдгФЛ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2009, 2018, 2021
