Гъэсэпэтхыдэхэр 19
19
ЕПЩЫКӀУБГЪУАНЭ ӀЫХЬЭ
1ПсалъэпцӀкӀэ цӀыхур зезышэ акъылыншэм нэхърэ
гъуэгу пхэнж пэӀэщӀэ зыхуэзыщӀ
тхьэмыщкӀэри нэхъыфӀщ.
2УзыхущӀэкъу Ӏуэхум гупсысэ хэмылъмэ,
фӀым ухуишэнукъым,
изычхэри Ӏэжьэкъур щыуэнущ щыуэкӀейуэ.
3ЦӀыхур и акъылыншагъэщ зытекӀуэдэжыр,
ауэ Тхьэуэ Зиусхьэнращ зыхуищӀыр гухьэ-гужь.
4Бейм и унэ щопэкӀур ныбжьэгъубэр,
тхьэмыщкӀэр и щауэгъуми къебгынэ.
5Щыхьэт нэпцӀым хуэфащэ хьэкъ игъуэтыжынщ,
цӀыху пцӀыӀуэпцӀышэри хьэкумым
ӀэщӀэкӀынкъым.
6Куэдым я щэнщ зыхузэфӀэкӀхэр къащӀу
ӀупэфӀэгъу,
гуапэхуэщӀэ тынхэр зыщӀ зэпытым хэти и
ныбжьэгъущ.
7Ӏыхьлыхэми тхьэмыщкӀэм зыпыӀуадз,
ныбжьэгъухэращи зыщадзеипэ!
Сыт хуэдизрэ ар абыхэм кӀэлъымыджами,
къэӀукъым зы нэрыбгэми и макъ#19:7 Пасэрей журтыбзэкӀэ тха Ӏэрытхым къыщыкӀуэ псалъэхэм къарыкӀыр гурыӀуэгъуэ дыдэкъым, зэрызэдзэкӀами къигъэлъагъуэр иӀэнкӀэ хъуну мыхьэнэхэм языхэзырщ..
8Ӏущыгъэм лъыхъуэр и псэм дощӀ,
акъылым текӀ имыӀэу тетым и Ӏуэхур
ефӀэкӀуэнщ.
9Щыхьэт нэпцӀым хуэфащэ хьэкъ
игъуэтыжынущ,
цӀыху пцӀыӀуэпцӀышэри кӀуэдынущ
кӀуэдыкӀейуэ.
10ЦӀыху акъылыншэр псэукӀафӀэмэ, игъуэджэщ,
унэӀутым и ӀэмыщӀэ пщыхэр ихуэу щытмэ,
нэхъыкӀэжкъэ?
11Акъыл зиӀэм и губжьыр ирекъух,
икӀагъэу кърахари зыгъэгъум пщӀэ хуэфащэщ.
12Пащтыхь губжьыр аслъэным и гъуахъуэ макъым
хуэдэщ,
и нэфӀри пщэдджыжь уэсэпсым ещхьщ.
13Бын акъылыншэр – адэр зыхь гукъеуэщ,
фыз жьэмыгъэпсэхури шэчыгъуейщ#19:13 Журт. «зэпымыууэ къыпыткӀу ткӀуэпсщ»..
14Адэжьхэрщ жьэгури лъапсэри уэсий щӀэину
къэзыгъанэр,
фыз губзыгъэкӀэ къетэр лӀыми –
Тхьэуэ Зиусхьэнращ.
15 ПкъыщӀэлӀэ уещӀыр щхьэхынагъым;
зыкъригъэщӀэнщ Ӏуэхуншэм щӀэх
мэжэщӀалӀагъэм.
16Ехъумэ и псэр унафэр зыгъэзащӀэм,
Ӏуэхуфэу ищӀэхэм емыгупсысри кӀуэдынщ.
17ТхьэмыщкӀэм гущӀэгъу хуэзыщӀым иритым
хуэдэщ щӀыхуэ Тхьэуэ Зиусхьэным, –
хуэфащэ фӀыщӀэтынкӀэ абы Ар
къыхуэупсэжынущ.
18ХэмытӀасэ щӀыкӀэ быным еущие:
умыхъу и жэуаптакӀуэ абы и кӀуэдыр
къызыхэкӀынум#19:18 Е «укъызыщӀэмыплъэ пӀэщӀэукӀэн хуэдизу ар»..
19Илэжьам пэкӀуэ тезырыр хуейщ телъхьэн
губжьыхым:
ущысхьу щытмэ, иджыри зэ тезырым
къытебгъэзэжынущ.
20ЩӀэдэӀу чэнджэщхэм, ущиери умыщӀ ӀэщӀыб,
урихъунщ иужькӀэ абыхэм уэ цӀыху Ӏущ.
21Гугъэу цӀыхум ищӀыр мэхъур куэд,
ауэ Тхьэуэ Зиусхьэным иухахэращ зэщӀэнур.
22Къыхуэпэжым уасэ хуещӀыр цӀыхум;
пцӀыӀуэпцӀышэм нэхърэ тхьэмыщкӀэри
нэхъыфӀщ.
23Тхьэуэ Зиусхьэным и фӀэлӀыкӀым узыхуишэр
гъащӀэщ,
ар зи щэным къыхэщт имыӀэу ирех
и жэщхэр,
бэлыхьлажьаеми пэӀэщӀэ хуохъур.
24Щхьэхынэм и Ӏэр шхыным щыхилъхьам и дежи
мэщхьэхыр Ӏэрэ жьэрэ зэхуихьыну.
25ЩӀэнэкӀалэм ех удыни – къихьэнщ акъыл
цӀыху жыӀэзыфӀэщым и щхьэ,
губзыгъэм егии – зэхищӀыкӀынщ уи псалъэ.
26ТезышащӀэр и Ӏэр и адэм,
дэзыхур и жьэгужь и анэр –
бын укӀытэншэщ, напэтехщ.
27Си щӀалэ, зыщыпыӀубдзым деж ущием
зыхубощӀ пэӀэщӀэ уэ щӀэныгъэм.
28Щыхьэт мыхъумыщӀэр захуагъэм щӀонакӀэ,
бзаджащӀэри ехуэлъэ-елынцӀщ.
29ЩӀэнэкӀалэхэм къапоплъэ я тезырыр,
удынри зрагъажьэр акъылыншэрщ.
Currently Selected:
Гъэсэпэтхыдэхэр 19: АдгФЛ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2009, 2018, 2021
