पेरीत 4

पँचायत को पुड़ा पतरस अना योहन

1जब पतरस अना योहन, लोक गीन लक, गोस्टी कर रही होतीन, का याजक#4:1याजक एक यहुदी लोक होत होतीन जोन उनको नियम गिनको अनुसार चघावा चघात होतीन। अना याजक यरुसलेम को मंदिर मा आराधना को लाय लोक गीन को अगवाई करत होतीन। मंदिर को मुखिया, अना सदूकी#4:1 सदुकी यहुदि धरमीक समुह होतीन जोन मुखिया याजक को काम मा देखरेख करत होतीन वय सरगदूत अना मानूस को मरनो को बाद जिन्दो होवनो पर बिस्वास नही करत होतीन। उनको एक पंथ होतो ओन सच्चो मसीहा पर भी बिस्वास नही करत होतीन। लोकगीन वोको जवर आइन। 2वय उन पर एना गोस्टी पर गुस्सा होतीन, का पतरस अना योहन उन लोकगीन ला सिकावत होतीन, का यीसु मरयो हुयो मा लक जित्तो भइसे, वोको लक असो साबीत करत होतीन का मरयो हुयो मानूस जित्तो होय सेकासे। 3आखिन काहेका वोना बेरा झुलाखाली भय गई होती। एकोलाय उनला दुसरो दिवस तकन उनला जेलमा राखिन। 4पर जिनना उ संदेस ला आयकीन होतीन उन मा लक लगत लोकगीन वोको भरोसा करीन, अना उनको गिनती लग-भग लगभग पाँच हजार, तकन पुहुची होतीन।

5आवन वालो दिवस मा यहुदिगीन को नेता, सायना अना नियम को गुरु येरुसलेम सहर मा जुमला भईन। 6मुखिया पुजारी हन्ना, काइफा, योहन, सिकन्दर अना मोठो याजक को परिवार को सबच लोकगीन वहान हाजीर होतीन। 7वय पतरस अना योहन, ला उनको बीच उभो करके असो पुस ताछ करन लगीन, “तुमी लोकगीन न कोनती, ताकत अना अधिकार यो काम करीसेव?”

8पतरस न पवीतर आतमा लक भरपुर होयके, उन लक कहीस, अगा लोकगीन को मुखिया अना मोठो सायना! 9अदि हमी लक आज उ कमजोर मानूस कसो साजरा भयो यो बारे मा यो पुस ताछ करियो जासे 10तो तुमी सबच ला अना इसरायल, की लोकगीन ला यो जान लेवनो चाहिये का यो काम नासरत को रहनवालो यीसु मसीह जेनला तुमीना कूरूस पर मरवाय डाकयत अना जेनला मोठयो परमेस्वर ना मंग लक जित्तो कर देयीसेस, ओकोच लक यो मानूस तुमरो पुढ़ा साजरा चंगो से।

11यो वाच गोटा से जोनला घर बनान वालो मिस्तरी गिनना नकारो बेकार समझ के हटायो होतिन

वोच एक गजब जरूरी गोटा बन गयो। 12अना कोनी दुसरो मानूस लक बचाव नाहती से, काहेकी पूरो संसार मा मानूसगिन, ला कोनी दुसरो नाव नही देई सेस, जेनको लक आमरो, सूटकारा होय सके।

13उनना जबा पतरस अना योहन ला निडर चोयके, अना यो जाके का, वय अनपढ अना साधारन मानूस सेत। उनला मोठो अचंभा भयो। मग वय पहचान गईन, यो ता यीसु को संग रहयो लोक सेत। 14अना काहेकि वय वोनो मानूस ला जोन साजरो भयो होतो, उनको संगा उभो चोय रहयो होतीन, एकोलाई उनको कठा काही कव्हन लाई नही रहयो। 15पर उनना पतरस अना योहन ला सभा लक बाहेर हेड़ देइन अना वय आपस मा सला बिचार करन लगीन, 16“एना लोक गीन को संग कसो बरताव करयो जाय? काहेका येरुसलेम सहेर मा रहवन वारा, सबच लोक गीन जानासेत, का इनको लक एक जाहिर अचंभा भयो सेत। जोनला नकारो नही जाय सकसे। 17बल्कि हमी इनला चेताय देसेजन की वय एना नाव की चरचा कोनी अखिन मानूस लक नही करबिन ताकि लोक गीन मा एनो गोस्टी को अखिन बढनो रोखियो जाय सकेहे।”

18वोना पतरस अना योहन, ला बुलावन धाडीस, अखीन उनला हुकूम देईन, का वय यीसु को नाव को कोनी लक काहिच चरचा नोको करे अखिन कोनी ला गोस्टी नोको सांगेत। 19ऐको पर पतरस अना योहन न उनला, जवाब देईन “अबा तुमी सागो का परमेस्वर की नजर मा हमरो लाई यो साजरो होयेत का अमी परमेस्वर को हुकूम तोड़ के तुमरो हुकूम मान बीन? 20काहेकी असो नही भई सकासेत। का जोनला हमी चोवीसेजन, अना आयकी सेजन कोनी ला वोको बारे मा नही सांगबिन।” 21मंग उनना उनला अखिन कड़ो रुप लक चेताय के सोड़ देइन। काहे का उनला सजा देवन को कोनी बहाना नाहोती। काहेका जोन घटना घटी होती। वोकोलाय सबच स्तूती करत होतिन। 22अना जोन मानूस को संग यो अचंभा#4:22 चिन्ह भयो, वोकी उमर चालीस बरसा लक जादा, होती।

बिस्वासीगीन की हिम्मत को लाई पिराथना

23जसोच पतरस, अना योहन ला सोड़यो गयो। वय मंग अपरा लोक गीन को समूह मा गइन। अना उनलक जोन काही मुखिया याजक गीन अखीन सयाना यहूदी पेरीत ना कही होतीन, उ सब गोस्टी उन ला कह आयकवाइन। 24जबा बिसवासीगीन ना यो आयकिन, ता वय मिलके उचो आवाज लक पिराथना करन लगीन, “मालिक तुनच बादर अना धरती, सागर अना, वोको मा जोन काही सेत, उन सबला बनाइसेस। 25तुनच पवीतर आतमा लक हमरो पुरखा, अपरो सेवक दाऊद को टोन्ड लक यो कहयो होतो।”

ऐना जमाना को लोकगीन ना जाने काहे आपरो घमन्ड चोवायो,

लोकगीन ना फालतुच साजिस कायलाई रच डाकिन।

26पिरभू अना वोको, मसीह को विरोध मा,

सासन करन वारा नियावी,

धरती को सासक उभो भयो, अना राजा गिन आपस मा मिल गइन।

27हेरोदेस अना पोंतियुस पीलातुस भी ऐना सहर मा गैरयहुदी गीन अना इसरायिल गीन को संगा मिलके तोरो पवितर सेवक यीसु को विरोध मा, जेनला तुना मसीह को रूप मा निवाड़ी होतो। वाकई मा एकजुट भय गयी होतीन।#लूका 23:7-11; मत्ती 27:1,2; मरकुस 15:1; लूका 23:1; योहन 18:28,29 28वय जुमला भईन ताकि तोरो सकति अना मरजी को अनुसार जोन काही पयले लक पक्को होय गयो होतो, वा पुरो होय सके। 29अबा वो पिरभू! तु उनको धमकी, पर धियान दे, अना बिना भेवको दास ला तोरो बचन आयकावन को ताकत देव। 30अना अबा तु अपरो हात बढायके, अपरो पवीतर दास यीसु को, नाव लक साजरो काम हिदान अना अचँभा काम होवन देव।

31जबा उनना पिराथना पूरो करीन ता जोन जघा मा वय होतिन, वा हिल गई अना उन सब मा पवीतर आतमा समा गयो, अना वय बेधड़क परमेस्वर, को गोस्टी आयकावन लग्यो।

बिस्वासीगीन को मिलयो हुयो जीवन

32भरोसा करन वालो गीन को समुदाय एक चित अना एक मन होती, उनमा कोनी भी आपरी जायदाद ला आपरी नही मानासेत, जोन काही उनको जवर होतो वोमा सबको हिस्सा एक मा से।#पेरीत 2:44-45 33चेलागीन मोठो ताकत लक पिरभू यीसु को, मर जानो पर जित्तो उचलनो, की गवाही देत होतिन, अना वय सब पर परमेस्वर को मोठो दया होतो। 34वोना समूह मा कोनी असो नही होतो, जोनला काही बात को घटी होय, काहेका जिनको जवर खेत, मकान होतीन, वय उनला बीक देत होतीन, अना धन रासी ला आनके। 35पेरीत ला सोप देत होतिन, अना हर एक को वोकी जरुरत को अनुसार बाट देत होतिन।

36उदाहरन को लाई यूसुफ, नाव को एक मानूस होतो, वय लेवी खानदान, को होतो। वोको जन्म साइप्रस, दीप मा भयो होतो। चेलागीन, न वोको छाप को नाव बरनबास, मन्जे हिम्मत को टूरा राखी होतिन। 37वोको जवर काही जमीन होती, वोना वोला बीक देईस, अना वोको लक मिलयो, रुपया ला आन कर पेरीत#4:37 यीसु मसीह के परमुख चेले ला सोप देइस।

Currently Selected:

पेरीत 4: NTPSP23

Highlight

Copy