पेरीत 1

आतमा मा बप्तिस्मा को परन

1 # लूका 1:1-4 ओ चहेतो थियुफिलुस, मीना आपरो पयलो किताब उन सब काम गीनको बारे मा लिखिसेव, जो काम यीसु ना पयले लक करयो अना सिकायो। 2वोना दिवस तकन पवितर आतमा लक आपरो बेचयो गयो चेला गिनला हुकूम दियो जोन दिवस लक उ सरग नही उचल लियो गयो। 3आपरो मरनो को मघा, वोना 40 दिवस तकन उ अलग-अलग रीत लक उ लगत बार उनला आपरो जित्तो होवन को सबूत उनला देवत रहयो। अना वोना उनलक परमेस्वर को राज को बारेमा सागत रह्यो। 4#लूका 24:49 मग जबा वय यीसु को संग जमा होतिन, “ता ओना उनला हुकूम देईस।” येरुसलेम नगर नोको तजजोस, बल्की जोन पवितर आतमा भेटन को बारे मा तुमीना मोरो लक आयकिसेव, बाबूजी को ओनो वायदा को पुरो होवन को रास्ता ताको। 5#मत्ती 3:11; मरकुस 1:8; लूका 3:16; योहन 1:33 काहे का योहन ना पानी मा बपतिस्मा देई होतीस, “पर अबा तुमला जरासो दिवस को मंघा पवीतर आतमा लक बप्तिस्मा#1:5पानी मे बप्तिस्मा डुबकी लगाना दियो जाहेत।”

यीसु ला सरग मा उचलनो

6जबा पेरीतगीन डुगां भईन, तबा वय यीसु लक पुसिन, पिरभू का तू योच बेरा इसरायल राज ला लवटा देजोस?

7यीसु ना उनला कहीस “ओनो अवसर अना बेरा ला जाननो तुमरो काम नाहती। जोन ला परमेस्वर ना खुद अपरो हक मा पक्को करीसेस। 8#मत्ती 28:19; मरकुस 16:15; लूका 24:47,48 पर जबा पवीतर आतमा तुमी पर आहे तबा तुमी ताकत पावने, अना येरुसलेम, सप्पा यहुदिया अना सामरिया मा, यहान तकन का धरती को छोर तकन तुमी मोरो गवाह ठहरने।” 9एतरो कव्हनो को मंघा उ उनको देखत-देखत वरता उचल लियो गयो, अना उ उनला नही चोवयो।#मरकुस 16:19; लूका 24:50,51

10जबा उ जाय रहयो होतो, तो वय बादर#1:10आकास कन ताक रहया होतिन, ताभिच दुई मानूस पांढरा झंगा घाल्या हुया उनको कगर मा आयके उभा भईन, 11अना उनको लक कहिन, अरे! गलीली लोक गीन, तुमी कायलाई, उभा होयके बादर कन चोवासेव जोन यीसु तुमरो, जवर लक सरग मा उचलीयो गयोसे, अना वोला जसोच तुमीना, सरग ला जात चोयीसेव, वसोच रिती लक अखीन वापस लौटहेत।

यहूदा को जघा मत्तियाह को निवाड़ो जानो

12मंग पेरीत जैतून नाव को पहाड लक जोन यरुसलेम लक कोनी एक किलोमीटर दुहुर से। वहान लक येरुसलेम सहेर लवटिन।

13तबा वय येरुसलेम सहेर को वय घर को पाटन पर गईन, जहा पतरस अना योहन अखीन याकूब अना अन्दिरयास, अखीन फिलिप्पुस, अना थोमा, अना बरतुल्मै, अखीन मत्ती अना हलफई, को टूरा याकूब, अखीन समौन, जेलोतेस अना याकूब, को टूरा यहूदा, ठहेराया होतीन।#मत्ती 10:2-4; मरकुस 3:16-19; लूका 6:14-16 14इनको संग मा काही आई-माई, अखीन यीसु की माय मरियम अना वोका भाऊ गिन भी होतिन। यो सब आपरो आपला एक संग पिराथना मा लगायो राखत होतिन।

15काही दिवस मघा बिस्वासी भाऊ गिन को सभा मा जोन एक सम्बर बीस लोक गीन होतिन। पतरस उभो होयके कव्हन लगयो। 16यहूदा आमरो समूह को एक मेम्बर होतो अना यो सेवा मा उ हिस्सेदार होतो। 17जोनको को बारेमा, पवितर गिरंथ को उ लेख जोनला राजा दाऊद को टोन्ड लक पवितर आतमा ना लगत पयलेच कव्हयो होतो। ओको पूरो होवनो जरुरी होतो। का उ आमरो च सग गिनो जाहेत, अना यो सेवा मा वोको भी हिस्सा होहेत। 18यो मानूस ना अपरो अन्याय को कमाई लक एक खेत लेई सेस, उ ओको मा टोन्ड को बल पडीसे#मत्ती 27:3-8 वोको पोट फट गयो, अना वोकी सबरी अतड़ी बाहेर हिट गईसेत। 19सबच यरुसलेम का रहवन वारा गीन ला मालुम भय गयो ऐना कारन उ खेत ला हकलदमा मजे खून वालो खेत कहव्सेत।

20काहेका भजन संहिता की किताब मा असो भी लिखीसे,

“वोको घर उजड़ जाये,

अना कोनी ना रव्हे।”

अना असो भी लिखयो सेत

का वोको सेवा को जघा कोनी अवर ला भेटेत।#भजनसंहिता 69:25; 109:8

21एकोलाय यो जरुरी से, का जबा पिरभु यीसु हमरो बीच मा होतो। तबा लक जोन लोक हरामेसा आमरो संग होतिन उनमा लक कोनी एक ला बेचयो जाय, मजे वोना बेरा लक जब ले योहन ना लोकगिन ला बप्तिस्मा देवनो सुरु कियो होतो अना जब तकन आमरो बीच लक यीसु ला उचल लियो गयो होतो।#मत्ती 3:16; मरकुस 1:9; लूका 3:21; मरकुस 16:19; लूका 24:51 22उनमा लक कोनी एक ला यीसु को दुबारा जित्तो होवन को आमरो सग गवाह होवनो पायिजे।

23उन मा लक वोना दुई मानूस गीन को नाव बेच के पेस करीन। यूसुफ को जोनला बरसब्बास, कव्हत होतीन, अना जेनको छाप युस्तुस, होतो, अना मत्तियास ला। 24मंग उनना पिराथना करीन, ओ पिरभू तुमी सबच को मन ला जानासे, ये दूई मा लक तुमी कोन ला यो पद लाय बेचयो सेस। 25जोन यहूदा जघा होतो वहान वा चले गयो, अना आपरो जघा सोड़ दियो, अबा एक पेरीत को रुपमा सेवा को यो पद ला कोन अपनायेत। 26तबा उनना वोको बारे मा चिठ्ठी डाकिस, अना चिठ्ठी मत्तियास को नाव पर हिटी होती अना वय अकरा चेलागीन को संग गिनयो गयो।

Currently Selected:

पेरीत 1: NTPSP23

Highlight

Copy