ಯೊಹಾನ್ 8

ವೆಬಿಚಾರ್ ಕರ್ತಾನಾ ಗಾವಲ್ಯಾಲಿ ಬಾಯಿಲ್ ಮಾನುಸ್

1ಫನ್ ಯೇಸು ಆಲಿವ್ ಮಂಥ್ಯಾಲ್ಯಾ ಗುಢ್ಯಾವ ಗೆಲಾ. 2ತ್ಯೊ ದೇವ್ಳಾಚಾ ಅಂಗ್ನಾತ್ ಮಾಗಾರಾ ಗೇಲಾ. ಲೊಕ ಸಗ್ಳಿ ಯೇಸುಚೆ ಸರ್ಬೌವಾರಿ ಜ಼ಮ್ಲಿತ. ತ್ಯೊ ತಿಥ ಬಸುನ್ ಲೊಕಾನಾ ಸಿಕ್ವಾಯಾಲಾಗ್ಲಾ.

3ತವಾ ದರ್ಮೊಪದೆಶಕ್ ಆನಿ ಫರಿಸಾಯಾಂಚಾನಿ ವೆಬಿಚಾರ್ ಕರ್ತಾನಾ ಗಾವಲ್ಯಾಲೆ ಯೆಕ ಬಾಯಿಲ್ ಮಾನ್ಸಾಲಾ ತಿಥ ಗಿವುನ್ ಆಲ. ತ್ಯಂಚಾನಿ ತೆ ಬಾಯಿಲ್ ಮಾನ್ಸಾಲಾ ಲೊಕಾಂಚೆ ಮೊರ‍್ಹ ಉಬಿ ಕರುನ್, 4ಯೇಸುಲಾ, “ಗುರು, ಹಿ ಬಾಯಿಲ್ ಮಾನುಸ್ ವ್ಯಬಿಚಾರ್ ಕರ್ತ್ಯಾಲಿ ಗಾವ್ಲಿ. 5ಆಸ್ಲಿ ಕಾಮ ಕರ್ತ್ಯಾಲ್ಯಾ ಪರತೇಕ್ ಬಾಯಿಲ್ ಮಾನ್ಸಾಲಾ ದೊಂಢ್ಯಾನಿ ಮಾರುನ್ ಟಾಕಾಯಾ ವ್ಹಯಿ ಮನ್ಹುನ್ ಮೊಶೆನಿ ಧರ್ಮಶಾಸ್ತಾರಾತ್ ಆಜ್ಞೆ ಕೆಲೆ. ಹ್ಯಲಾ ತು ಕ್ಯಾ ಸಾಂಗ್ತೊಸ್? ಮನ್ಲ.

6ಯೇಸು ಸಬ್ದಾತ್ ಗಾವಲ್ಯಾವ ತ್ಯಚಿವ ಚು಼ಕ್ ವಾವಾಯಾ ವ್ಹತೆ ಮನ್ಹುನ್ ಹೆ ಪ್ರಶ್ನೆ ಇಚಾರ್ಲ. ಫನ್ ಯೇಸು ಖಾಲ್ ವಾಕುನ್ ಆಪ್‌ಲ್ಯಾ ಬೊಟಾನಿ ಜಿಮ್ನಿವ ಲಿವಾಯಾ ಲಾಗ್ಲಾ. 7ತ್ಯಂಚಾನಿ ತಿಸ್ ಪ್ರಶ್ನೆ ಆನೀಕ್ ಇಚಾರ್ಲಿ. ತವಾ ಯೇಸು ಶಾರ್ಕಾ ಉಬಾರಾಹುನ್, “ತುಮ್ಚಾತ್ ಪಾಪ್ ಕೆಲ್ಯಾ ನಸ್‌ಲ್ಯಾಲ್ಯಾನಿ ತಿಚಿವ ಪಯ್ಲಾ ದೊಂಢಾ ಮಾರುನಿ” ಮನ್ಹುನ್ ಸಾಂಗುನ್, 8ಆನೀಕ್ ತ್ಯನಿ ವಾಕುನ್ ಜಿಮ್ನಿವ ಲಿವ್ಲ.

9ಯೇಸುಚ಼ ಹ್ಯ ಬೊಲ್ನ ಐಕ್‌ಲ್ಯಾಲಿ ತಿ ಲೊಕ ಸಗ್ಳಿ ಯಾಕ್ ಯಾಕುಸ್ ಜಾಂತಬಿ ತಿಥ್ನಿ ನಿಗುನ್ ಗಿಲಿತ. ಮಂಗ್ ತಿಥ ರಾಯ್‌ಲ್ಯಾಲಾ ಯೇಸು ತ್ಯವ್ಡಾಸ್. ಆನಿ ತಿ ಬಾಯಿಲ್ ಮಾನುಸ್ ತ್ಯಚೆ ಮೊರ‍್ಹ ಉಬಿ ರಾಯ್ಲಿ. 10ಯೇಸು ಉಬಾರಾಹುನ್, “ಬಾಯಿ, ತೆ ಸಗ್ಳ ಕುಠ ಹಾತ್ತ? ತುಜಿವ ಚು಼ಕ್ ದಿಯಾ ಕೊನುಸ್ ರಾಯ್ಲ ನಾಹಿತ ಕ್ಯಾ? ಮನ್ಲಾ.

11ತಿ ಬಾಯಿಲ್ ಮಾನುಸ್, “ಕೊನ್ ರಾಯ್ಲ ನಾಹಿತ ಪ್ರಭು” ಮನ್ಲಿ.

ಯೇಸು ತಿಲಾ, “ಮನ್ಹುನ್ ಮಿ ಬಿ ತುಜಿವ ಚು಼ಕ್ ವಾವಿತ್ ನಾಹಿ. ಆತಾ ತು ಜಾ಼, ಫನ್ ಹಿತ್ನಿ ಮೊರ‍್ಹ ಪಾಪ್ ಕರುನಕೊಸ್” ಮನ್ಹುನ್ ಖಡ್ಯಾವ್ಲಿ.

ಯೇಸುಸ್ ದುನೆಲಾ ಉಜಿಡ್ ಜಾ಼ಲ್ಯಾ

12ಮಂಗ್, ಯೇಸು ಲೊಕಾಂಚೆ ಸಂಗ ಬೊಲತ್, “ಮೀಸ್ ದುನೆಲಾ ಉಜಿಡ್ ಜಾ಼ಲ್ಯೊ. ಮಾಜೆ ಮಾಗ್ನಿ ಯನಾರಾ ಆಂದಾರಾತ್ ಕಂದಿಸ್ ಜಿವ್ನಾ ಕರೀತ್ ನಾಹಿ. ತ್ಯೊ ಜೀವ್ ದೆತ್ಯಾಲಾ ಉಜಿಡ್ ಗೆತಲ್ಯಾಲಾ ವ್ಹನಾರ್” ಮನ್ಲಾ.

13ಫರಿಸಾಯ್ ಯೇಸುಲಾ, “ತುಲಾ ತುಸ್ ಸಾಕ್ಶಿ ದೆತ್ಯೊಸ್ ತುಜಿ ಸಾಕ್ಷಿ ಕಿಮ್ತಿಚಿ ನವ್ಹ ಮನ್ಲ.

14ತವಾ ಯೇಸು, “ಮಿ ಮಾಜಿ ಸ್ವತಾಚಿ ಸಾಕ್ಷಿ ಸಾಂಗ್ಲಿ ತರಿ ತಿಲಾ ಕಿಮ್ಮತ್ ಹಾ. ಮಿ ಕುಟ್ನಿ ಆಲ್ಯೊ ಆನಿ ಕುಠ ಜಾ಼ನಾರ್ ಮನ್ಹುನ್ ಮನಾ ಠಾವ ಹಾ. ಫನ್ ಹ್ಯ ತುಮಾನಾ ಠಾವ ನಾಹಿ. 15ತುಮಿ ಮಾನ್ಸಾಚೆಗತ್ ನ್ಯಾಯಿ ತಿರ್ಮಾನ್ ಕರ್ತಾಸಾ. ಫನ್ ಮಿ ಕುನಾಚಾ಼ ನ್ಯಾಯಿ ತಿರ್ಮಾನ್ ಕರೀತ್ ನಾಹಿ. 16ಮಿ ಕರ್ತ್ಯಾಲಾ ನ್ಯಾಯಿ ತಿರ್ಮಾನ್ ಶಾರ್ಕಾ ರಾಥೊ. ಕಾ ಮಂಜೆ ಮಿ ಯಕ್ಲಾ ನಾಹಿ ಮನಾ ಲಾವುನ್ ದಿಲ್ಯಾಲಾ ಬಾ ಮಾಜೆ ಸಂಗ ರಾಥೊ.

17ದೊಗಾಂಚಿ ಸಾಕ್ಷಿಲಾ ಕಿಮ್ಮತ್ ಹಾ ಮನ್ಹುನ್ ತುಮ್ಚಾ ಧರ್ಮಶಾಸ್ತಾರಾತ್ ಲಿವ್‍ಲ್ಯಾ. 18ಮಾಜಾ ಸಾಂಗ್‌ನ್ಯಾಲಾ ಮಿ ಯೇಕ್ ಸಾಕ್ಶಿ ಜಾ಼ಲ್ಯೊ, ಮನಾ ಲಾವುನ್ ದಿಲ್ಯಾಲಾ ಬಾಬಿ ಮಾಜಿ ಆನಿ ಯೇಕ್ ಸಾಕ್ಶಿ ಜಾ಼ಲ್ಯಾ” ಮನ್ಲಾ.

19ತವಾ ತ್ಯಂಚಾನಿ, “ತುಜಾ಼ ಬಾ ಕುಠ ಹಾ? ಮನ್ಹುನ್ ಇಚಾರ್ಲ.

ತವಾ ಯೇಸು ತ್ಯನಾ, “ತುಮಾನಾ ಮಿ ವ್ಹವುನಿ, ಮಾಜಾ಼ ಬಾ ವ್ಹವುನಿ ಠಾವಾ ನಾಹಿ. ಮಿ ತುಮಾನಾ ಠಾವಾ ಆಸ್ಲೊತ, ಮಾಜಾ಼ ಬಾಬಿ ಠಾವಾ ಆಸತಾ” ಮನ್ಲಾ.

20ತ್ಯೊ ದೇವ್ಳಾತ್ ಲೊಕ ದಿನ್ಗಿ ಗ್ಯಾಲತ್ಯಾಲ್ಯಾ ಜಾ಼ಗ್ಯಾಪ ಉಬಾ ರಾಹುನ್ ಸಿಕಿವ್ತಾನಾ ಹ್ಯಾ ಬೊಲ್ಯಾ ಸಾಂಗ್‌ಲ್ಯಾ. ಫನ್ ಕುನಿ ತ್ಯಲಾ ಕ್ಯೊಂಡ್ಲಾ ನಾಹಿ, ಕಾ ಮಂಜೆ ಆಜು಼ನ್ ತ್ಯಚಾ಼ ಯೊಳ್ ಆಲಾ ನವ್ಥಾ.

ಮಿ ಕುಠ ಜಾ಼ಯಿನ್ ತಿಥ ತುಮಾನಾ ಜಾ಼ಯಾ ವ್ಹಯಿತ್ ನಾಹಿ

21ಯೇಸುನಿ ಆನಿಕ್ ಸಾಂಗ್ಲ, “ಮಿ ಜಾ಼ತ್ಯೊ. ತುಮಿ ಮನಾ ಶೊದ್ನಾರ್. ಫನ್ ತುಮಿ ತುಮ್ಚಾ ಪಾಪಾತ್ನಿಸ್ ಮರ್ನಾರ್. ಮಿ ಜಾ಼ನಾರ್ ತಿಥ ತುಮಿ ಯನಾರ್ ನಾಹಿಸಾ. ”

22ಹಿ ಬುಲಿ ಯೆಹುದ್ಯಾನಾ, “ತ್ಯೊ ಆಪ್‌ಲ್ಯಾಲಾಸ್ ಆಪ್ನು ಖುನ್ ಕರುನ್ ಗೆನಾರ್ ಕ್ಯಾ? ಮನ್ಹುನ್, ಮಿ ಜಾ಼ನಾರ್ ತಿಥ ತುಮಾನಾ ಯಯಾ ವ್ಹಯಿತ್ ನಾಹಿ ಮನ್ಹುನ್ ಸಾಂಗ್‌ತ್ಯೊ ಕ್ಯಾ? ಮನ್ಹುನ್ ಆಪ್‍ಲ್ಯಾ ಆಪ್‌ಲ್ಯಾಲಾತ್ ಇಚಾರ್ ಕೆಲಾ.

23ಫನ್ ಯೇಸುನಿ, “ತುಮಿ ಖಾಯ್ಲ ಹಾಸಾ. ಮಿ ವೈಲಾ. ತುಮಿ ಹೆ ದುನೆತ್ಲಿ ಹಾಸಾ. ಫನ್ ಮಿ ಹೆ ದುನೆತ್ಲಾ ನವ್ಹ.

24ತ್ಯಚಿ ಸಾಟಿ ಮಿ ತುಮಾನಾ ಸಾಂಗ್‌ಲ್ಯಾ ತುಮಿ ತುಮ್ಚಾ ಪಾಪಾತ್ನಿಸ್ ಮರ್ನಾರ್ ಮಿ ಕೊನ್ ಜಾ಼ಲ್ಯೊ ತ್ಯೊ ತುಮಿ ಸಮಜು಼ನ್ ಇಸ್ವಾಸ್ ಥೆವ್ಲಾ ನಾಹಿಸಾತ ತುಮಿ ತುಮ್ಚಾ ಪಾಪಾತುಸ್ ಮರ್ನಾರ್” ಮನ್ಹುನ್ ಸಾಂಗ್ಲ.

25ತವಾ ತ್ಯಂಚಾನಿ, “ತು ಕೊನ್? ಮನ್ಹುನ್ ಇಚಾರ್ಲ.

“ಮಿ ಕೊನ್ ಮನ್ಹುನ್ ತುಮಾನಾ ಆಂದಿ ದರ್ನಿ ಸಾಂಗಿತ್ ಆಲ್ಯೊ, ತ್ಯೊಸ್ ಮಿ. 26ತುಮಚಾ಼ ನ್ಯಾಯಿ ತಿರ್ಮಾನ್ ಕರಾಯಾ ಮಾಜಿಪ ಖುಬ್ ಹಾ. ಫನ್ ಮನಾ ಲಾವುನ್ ದಿಲ್ಯಾಲಾ ಖರಾ, ಆನಿ ಮಿ ತ್ಯಚಿಪ್ನಿ ಕ್ಯಾ ಐಕ್‌ಲ್ಯಾ ತ್ಯಸ್ ಲೊಕಾನಾ ಸಾಂಗ್ತೊ. ” ಮನ್ಲಾ.

27ಯೇಸು ಆಪ್ಲೆ ಬಾಚೆ ಗುಶ್ಟಿತ್ ಸಾಂಗ್‌ತ್ಯೊ ಮನ್ಹುನ್ ತ್ಯನಾ ಸಮಾಜ಼್ಲ ನಾಹಿ. 28ಮನ್ಹುನ್ ಯೇಸುನಿ ತ್ಯನಾ, “ಕವಾ ತುಮಿ ಮಾನ್ಸಾಚಾ ಲೇಕಾಲಾ ವರ್ ಚ಼ಡಿವ್ತಾಸಾ, ತವಾ ತ್ಯೊ ಮೀಸ್ ಮನ್ಹುನ್ ತುಮಾನಾ ಸಮಾಜ್ನಾ಼ರ್. ತವಾ ಮಿ ಕರ್ತ್ಯಾಲ ಮಾಜಾ ಮನಾನಿ ನವ್ಹ ಮಾಜಾ ಬಾನಿ ಸಾಂಗ್‌ಲ್ಯಾಚೆಗತ್ ಸಿಕಿವ್‌ತ್ಯೊ. 29ಮನಾ ಲಾವುನ್ ದಿಲ್ಯಾಲಾ ಮಾಜಿ ಸಂಗ ಹಾ. ತ್ಯನಿ ಮನಾ ಯಕ್‌ಲ್ಯಾಲಾಸ್ ಶೊಡ್ಲಾ ನಾಹಿ. ತ್ಯಚಿ ಸಾಟಿ ಮಿ ಕವಾಬಿ ತ್ಯಲಾ ಆವ್ಡಜೊ಼ಗ ಕರ್ತೊ. ಮನ್ಲಾ.

30ಯೇಸು ಹ್ಯಾ ಖನ್ಕತಿ ಸಾಂಗ್ತಾನಾ, ಖುಬ್ ಲೊಕಾಂಚಾನಿ ತ್ಯಚಿವ ಇಸ್ವಾಸ್ ಥೆವ್ಲಾ.

ಖರ ತುಲಾ ಸುಡಿವ್ತ

31ಮನ್ಹುನ್ ಯೇಸುನಿ ಆಪ್ಲಿವ ಇಸ್ವಾಸ್ ಥೆವ್‍ಲ್ಯಾಲ್ಯಾ ಯೆಹುದ್ಯಾನಾ, “ತುಮಿ ಮಾಜಾ ಸಿಕಿವ್‍ನ್ಯಾ ಶಾರ್ಕ ಹಾಸಾ ಮನ್ಹುನ್, ತುಮಿ ಖರ‍್ಯಾನಿಸ್ ಮಾಜೆ ಮಾಗ್ನಿ ಯತ್ಯಾಲ ಶಿಶಾ ಜಾಲ್ಯಾಸಾ.

32ತುಮಿ ಖರ ಸಮಜು಼ನ್ ಗೆನಾರ್. ತ್ಯ ಖರ ತುಮಾನಾ ಸ್ವತಂತ್ರ ದೇನಾರ್” ಮನ್ಹುನ್ ಸಾಂಗ್ಲ.

33ತವಾ ತ್ಯಂಚಾನಿ, “ಆಮಿ ಅಬ್ರಹಾಮಾಚಿ ಪಿಳ್ಗಿತ್ಲಿ. ಆಮಿ ಕಂದಿ ಕುನಾಚ಼ ಗುಲಾಮ್ ಜಾ಼ಲಾ ನವ್ಥಾವ್. ಆಸ ಆಸ್ಥಾನಾ, ಆಮಾನಾ ಸ್ವತಂತ್ರ ಗಾವ್ನಾರ್ ಮನ್ಹುನ್ ತು ಸಾಂಗಾಚ಼ ಕ್ಯಾ? ಮನ್ಲ.

34ಯೇಸುನಿ, “ಮಿ ತುಮಾನಾ ಖರ ಸಾಂಗ್ತೊ. ಪಾಪ್ ಕರ್ತ್ಯಾಲಾ ಪರತೇಕ್ ಯೊಕ್ ಪಾಪಾಚಾ಼ ಗುಲಾಮ್ ಜಾ಼ಲ್ಯಾ. 35ಗುಲಾಮ್ ಗರ‍್ಹಾತ್ ಶಾಶ್ವತ್ ರಾಹಿತ್ ನಾಹಿ. ಫನ್ ಲ್ಯೊಕ್ ಶಾಶ್ವತ್ ರಾಥೊ. 36ಮನ್ಹುನ್ ಲೆಕಾನಿ ತುಮಾನಾ ಸ್ವತಂತ್ರ ಕೆಲ್ಯಾವ, ತುಮಿ ಖರ‍್ಯಾನಿಸ್ ಸ್ವತಂತ್ರ ವ್ಹನಾರ್. 37ತುಮಿ ಅಬ್ರಹಾಮಾಚಿ ಪಿಳ್ಗಿತ್ಲಿ ಮನ್ಹುನ್ ಮನಾ ಠಾವಿ ಹಾಸಾ. ಫನ್ ತುಮಿ ಮನಾ ಮಾರುನ್ ಟಾಕಾಯಾ ವ್ಹಯಿ ಮಂಥಾಸಾ. ಕಾ ಮಂಜೆ ಮಿ ಸಾಂಗ್‌ಲ್ಯಾಲ ವ್ಹಯ್ ಮನಿತ್ ನಾಹಿಸಾ. 38ಮಾಜಾ ಬಾನಿ ಮನಾ ದ್ಯಾವ್‍ಲ್ಯಾಲ ಮಿ ತುಮಾನಾ ಸಾಂಗ್ತೊ. ತುಮಿ ತರಿ ತುಮ್ಚಾ ಬಾನಿ ಸಾಂಗ್‍ಲ್ಯಾಲಿ ಕಾಮ ಕರ್ತ್ಯಾಸಾ” ಮನ್ಹುನ್ ಸಾಂಗ್ತೊ.

39ತೆ, “ಅಬ್ರಹಾಮುಸ್ ಆಮಚಾ಼ ಬಾ” ಮನ್ಲ.

ಯೇಸುನಿ, “ತುಮಿ ಖರ್‍ಯಾನಿಸ್ ಅಬ್ರಹಾಮಾಚಿ ಪಿಳ್ಗಿ ಜಾ಼ಲ್ಯಾಸಾತ, ಅಬ್ರಹಾಮಾನಿ ಕೆಲ್ಯಾಚೆಗತ್ ಕರೀತಾಸಾ. 40ದೇವಾಪ್ನಿ ಐಕ್‌ಲ್ಯಾಲ ಖರ ತುಮಾನಾ ಸಾಂಗ್‌ತ್ಯಾಲಾ ಮಾನುಸ್ ಮಿ ಜಾ಼ಲ್ಯೊ ಫನ್ ತುಮಿ ಮಾರುನ್ ಟಾಕಾಯಾ ಬಗ್‌ತ್ಯಾಸಾ. ಅಬ್ರಹಾಮಾನಿ ತಸ್ಲ ಕಾಯೇಕ್ ಕೆಲ ನಾಹಿ. 41ಮನ್ಹುನ್ ತುಮ್ಚಾ ಸ್ವತಾಚಾ ಬಾನಿ ಕೆಲ್ಯಾಲಸ್ ತುಮಿ ಕರ್ತ್ಯಾಸಾ” ಮನ್ಲಾ.

ಫನ್ ತೇ ಯೇಸುಲಾ ಮನ್ಲ, “ಆಮಿ ವೆಬಿಚಾರಾನಿ ಜ಼ಲಾಮ್ಲಾವ್ ನಾಹಿ. ಆಮಚಾ಼ ಯೊಕುಸ್ ಬಾ ಆನಿ ತ್ಯೊಸ್ ದೇವ್ ಜಾ಼ಲ್ಯಾ ಆನಿ ಆಮಿ ತ್ಯಚಿ ಪೊರ ಜಾ಼ಲ್ಯಾವ್.

42ಯೇಸುನಿ ತ್ಯಾ ಯೆಹುದ್ಯಾನಾ, “ದೇವ್ ಖರ‍್ಯಾನಿಸ್ ತುಮಚಾ಼ ಬಾ ಆಸ್‍ಲ್ಯಾವ, ತುಮಿ ಮಾಜಿ ಮಾಯಾ ಕರೀತಾಸಾ. ಕಾ ಮಂಜೆ ಮಿ ದೇವಾಪ್ನಿ ಆಲ್ಯೊ ಆನಿ ಮಿ ಹಿತ್ತ ಹಾ. ಮಿ ಆಲ್ಯಾಲೊ ಮಾಜಾ ಸ್ವತಾಚಾ ಹುಕ್ಮಾನಿ ನವ್ಹ. ದೇವಾನಿಸ್ ಮನಾ ಲಾವುನ್ ದಿಲ್ಯಾ. 43ಮಿ ಸಾಂಗ್‌ತ್ಯಾಲ್ಯಾ ಖನ್ಕತಿ ತುಮಿ ಸಮಜು಼ನ್ ಗಿಹಿತ್ ನಾಹಿಸಾ ಕಾ? ಕಾ ಮಂಜೆ ಮಿ ಸಾಂಗ್‌ತ್ಯಾಲ ತುಮಾನಾ ಸುಸ್ವುನ್ ಗಿಹ್ಯಾ ವ್ಹಯಿತ್ ನಾಹಿ. 44ಸೈತಾನುಸ್ ತುಮಚಾ಼ ಬಾ. ತುಮಿ ತ್ಯಚಿ ಪೊರ. ಆನಿ ತುಮಿ ತುಮ್ಚಾ ಮನಾ ಶಾರ್ಕ ಕರಾಯಾ ಬಗ್ತಾಸಾ. ತ್ಯೊ ಆಂದಿ ದರ್ನಿ ಖುನ್ಸಿ ವ್ಹವುನ್ ಖರ‍್ಯಾಲಾ ಆಡ್ವಾ ಹಾ. ತ್ಯಚಿಪ ಖರ ನಾಹಿಸ್ ನಾಹಿ.ತ್ಯಚಾ಼ ಸಬಾವುಸ್ ಲಬಾಡ್ ಬೊಲಾಚಾ಼. ತ್ಯೊ ಲಬ್ಡಾ ಲಬ್‍ಡ್ಯಾಚಾ಼ ಬಾಪ್ ಜಾ಼ಲ್ಯಾ.

45ಫನ್ “ಮಿ ಖರ ಸಾಂಗ್ತೊ. ಮನ್ಹುನ್ ತುಮಿ ಮಾಜಿವ ಇಸ್ವಾಸ್ ಥಿವಿತ್ ನಾಹಿಸಾ. 46ಮಾಜಿಪ ಪಾಪ್ ದಾವುನ್ ದೆತ್ಯಾಲಾ ತುಮ್ಚಾತ್ ಕೊನ್‌ತರಿ ಹಾ ಕ್ಯಾ? ಮಿ ಖರ ಸಾಂಗ್ಲ ತರಿ ತುಮಿ ಕಾ ಖರ ದರಿತ್ ನಾಹಿಸಾ? 47ದೇವಾಪ್ನಿ ಜ಼ಲಾಮ್‌ಲ್ಯಾಲಾ ದೇವಾನಿ ಸಾಂಗ್‍ಲ್ಯಾಲ ಸಬ್ದ ಐಕ್ತೊ. ಫನ್ ದೇವಾಪ್ನಿ ಜ಼ಲಾಮ್ಲಾ ನಾಹಿ ಮನ್ಹುನ್ ತ್ಯಚ ಸಬಾತ್ ಐಕಿತ್ನಾಹಿಸಾ” ಮನ್ಲಾ.

ಯೇಸು ಆನಿ ಅಬ್ರಹಾಮ್

48ಯೆಹುದಿಂಚಾನಿ ಆಸಾ ಉತ್ತರ್ ದಿಲಾ, “ಆಮಿ ಸಾಂಗ್‌ಲ್ಯಾಲ ಖರ ನವ್ಹ ಕ್ಯಾ ತು ಸಮಾರ‍್ಯಾಚಾ಼ ಮನ್ಹುನ್! ತುಲಾ ಲಾಗಿರ್ ಲಾಗ್‌ಲ್ಯಾ?

49ಯೇಸು ಮನ್ಲಾ, “ಮನಾ ಲಾಗಿರ್ ಲಾಗ್ಲ ನಾಹಿ. ಮಿ ಮಾಜಾ ಬಾಲಾ ಮರ‍್ಯಾದ್ ದೆತೋ, ಫನ್ ತುಮಿ ಮನಾ ಮರ‍್ಯಾದ್ ದಿಯಿತ್ನಾಹಿಸಾ. 50ಮನಾ ಮರ‍್ಯಾದ್ ಗಿಹ್ಯಾ ಮಿ ಖಟಪಟ ಕರೀತ್ನಾಹಿ. ಮನಾ ಮರ‍್ಯಾದ್ ಗಾವಾಯಾ ವ್ಹಯಿ ಮನ್ಹುನ್ ಮನ್ ಕರ್ತ್ಯಾಲಾ ಯಕ್ಲಾ ಹಾ. ತ್ಯೊಸ್ ನ್ಯಾಯಿ ತಿರ್ಮಾನ್ ಕರ್ತ್ಯಾಲಾ. 51ಮಿ ತುಮಾನಾ ಖರ ಸಾಂಗ್ತೊ. ಮಿ ಸಿಕಿವ್‌ಲ್ಯಾಚೆಗತ್ ಚಾ಼ಲತ್ಯಾಲಾ ಕಂದಿಸ್ ಮರ್ನಾರ್ ನಾಹಿ. ”

52ಯೆಹುದಿ ತ್ಯಲಾ, “ತುಜಿಪ ಖರ‍್ಯಾನಿಸ್ ಲಾಗಿರ್ ಹಾ ಮನ್ಹುನ್ ಆತಾ ಆಮಾನಾ ಸಮಾಜ಼್ಲ! ಅಬ್ರಹಾಮ್ ಆನಿ ಪ್ರವಾದಿ ಸಾಹಿತ್ ಮೆಲ. ಫನ್ ‘ಮಾಜಾ ಸಿಕಿವ್‌ನ್ಯಾ ಶಾರ್ಕ ಚಾ಼ಲ್ನಾರಾ ಕಂದಿಸ್ ಮರತ್ ನಾಹಿ’ ಮನ್ಹುನ್ ತು ಸಾಂಗ್‌ತ್ಯೊಸ್ ನವ್ಹ. 53ಅಮಚಾ಼ ಬಾ ಅಬ್ರಹಾಮಾವ್ನಿ ತು ಮೊಟಾ ಮನ್ಹುನ್ ಸಮಜು಼ನ್ ಗೆತ್ಯೊಸ್ ಕ್ಯಾ? ಅಬ್ರಹಾಮ್ ಮೆಲಾ ಆನಿ ಪ್ರವಾದಿಬಿ ಮೆಲ. ಆಸ ಆಸ್ಥಾನಾ, ತು ತುಲಾ ಕೊನ್ ಮನ್ಹುನ್ ಸಮಜು಼ನ್ ಗೆತ್ಯೊಸ್? ಮನ್ಹುನ್ ಇಚಾರ್ಲ.

54ಯೇಸುನಿ ಉತ್ತರ್ ದಿಲಾ, “ಮನಾ ಮೀಸ್ ಮೈಮಾ ಕಿಲಿತ, ತೇ ಮೈಮಾಲಾ ಕಾಯ್ ಕಿಮತ್ ನಾಹಿ. ಮಾಜಾ಼ ಬಾಸ್ ಮನಾ ಮೈಮಾ ದೇನಾರ್. ಕುನಾಲಾ ತುಮಿ ತುಮಚಾ಼ ಬಾ ಮಂಥಾಸಾ.

55ತುಮಿ ತ್ಯಲಾ ಕಂದಿಸ್ ವಳಕ್ಲಾ ನಾಹಿಸಾ. ಫನ್ ಮನಾ ತ್ಯೊ ಠಾವಾ ಹಾ. ಮನಾ ತ್ಯೊ ಠಾವಾ ನಾಹಿ ಮನ್‌ಲ್ಯಾವ ತುಮ್ಚಿಗತ್ ಮಿ ಲಬಾಡ್ ವ್ಹನಾರ್. ಮನಾ ತ್ಯೊ ಠಾವಾ ಹಾ. ಮಿ ತ್ಯಚಾ ಸಬ್ದಾ ಶಾರ್ಕಾ ಚಾ಼ಲ್ನಾರ್.

56ಮಿ ಯಯಾಚಾ಼ ದಿಸ್ ಆಪ್ನು ಬಗ್ನಾರ್ ಮನ್ಹುನ್ ತುಮ್ಚಾ ಬಾ ಅಬ್ರಹಾಮಾಲಾ ಖುಬ್ ಸಂತೊಸ್ ಹುತ್ತಾ. ತ್ಯನಿ ತ್ಯೊ ದಿಸ್ ಬಗ್ಲಾ ಆನಿ ಖುಬ್ ಸಂತೊಸ್ ಜಾ಼ಲಾ” ಮನ್ಹುನ್ ಸಾಂಗ್ಲ.

57ಯೆಹುದ್ಯಾಂಚಾನಿ ತ್ಯಲಾ ಸಾಂಗ್ಲ, “ತುಲಾ ಆಜು಼ನ್ ಪನ್ನಾಸ್ ವರ್ಸಬಿ ಜಾ಼ಲಿ ನಾಹಿತ! ಆನಿ ತು ಅಬ್ರಹಾಮಾಲಾ ಬಗ್‌ಲ್ಯಾಸ್ ಕ್ಯಾ?

58ಯೇಸುನಿ ಉತ್ತರ್ ದಿಲಾ, “ಮಿ ತುಮಾನಾ ಖರ ಸಾಂಗ್ತೊ. ಅಬ್ರಹಾಮ್ ಜ಼ಲ್ಮಾಚೆ ಆಂದಿ ದರ್ನಿ ಮಿ ಹಾ!” 59ಹ್ಯ ಐಕ್‌ಲ್ಯಾ ಬರ್ಬರ್ ಲೊಕಾಂಚಾನಿ ತ್ಯಚಿವ ಮಾರಾಯಾ ದೊಂಢ ಗೆತ್ಲ. ಫನ್ ಯೇಸು ದೇವ್ಳಾತ್ನಿ ಬಾಹಿರ್ ಗೆಲಾ.

Currently Selected:

ಯೊಹಾನ್ 8: NTGMi23

Highlight

Copy