Malakyas 4
4
Ti Sirang Pagparusa Panginuun
1Magkun ti Panginuun Makamaskihan, “Pihu gid rumas-ug ti sirang kaparusahan. Bumaliw inda ga maglabdaban pugun. Parusahan niku ti tanan mayabang hanggan magbuwat daut parihu sa magtutud dayami. Bumaliw sida ga tinutdan kayu unman gid may nasawad una di sanga hanggan gamut. 2Dapat kamu pag manga maggalang sa kangku, malakawan niyu ti karibrihan ginan sa kangku. Parihu inda sa magsinggit init kay rayaw magpakaun kaayadan. Ag mangutbaw-utbaw kamu sa kabayaan parihu sa manga dumaraga baka ipinalwas ginan sa tudiran. 3Sa udas tupadun niku inda tanan pag manga bagay, rurisun niyu ti manga daut ga galbuk lang tatatataan niyu. Aku, ti Panginuun Makamaskihan, ti magsabi inda.
4“Tupada niyu#4:4 Tupada niyu: sa litiral, Alalahana niyu. ti ipinakaun pag Kasuguan niku suruguun ni Muysis. Inda pag manga sugu ag manga turupadun ipinakaun niku sa kanya ati sa Bantud Sinai#4:4 Bantud Sinai: sa Hibriyu, Hurib. hampay ipatupad sa tanan nasakupan Israil.
5“Pagpatingi kamu! Bag-u rumas-ug ti madala gid pag sirang niku pagparusa, ipadara niku sa kanyu si Purupita Ilyas. 6Ibalik niya ti mayad pag pagkarausa manga gurang ag manga anak, hampay sa pagras-ug niku balaw niku saadan kanyu daga.”
Currently Selected:
Malakyas 4: HNN
Highlight
Share
Copy
Want to have your highlights saved across all your devices? Sign up or sign in
Copyright © 2023 by OMF International, Philippines
