རོ་མི། 16

པ་ཝལ་གི་ཇ་རོ༌བ༌ཀ་ སྐུ༌གཟུགས་བཟང༌པོ་དག༌ཉི་ གསུངས་མ༌ལ།

1ཨ་ཧ་ཨུ་ས་ཕི་བི་ཤོ་ ཀི་ཀིརི་ཡ་ག་ ཆོས་ཚོགས་ག་ དྲི་ཀོན་#16:1 ཆོས་ཚོགས་ག་ ཕྱག་ཞུ་ལེ་ག་དེན་གེ་ འགན་འཁོར་སྤྲོད་ཁཱན་ སོ་ངོ་བ་ཀ་ དྲི་ཀོན་དག་ཉི་ཆིན༌ཅ། དམ་པའི་ཐུགས་ཉིད་གི་ཕུང་ཁཱན་དང་ དད་པ་གནམ་མེད་ས་མེད་ ལེག་པུ་ཆོ་ཁཱན་སོ་ངོ་ཟུམ་ དྲི་ཀོན་ཨ་ཉི་ གོ་དང་པ་ ཀེ་བ་ག་ མཛད་པ་ ལིའུ་ 6 ག་ནང་ཀ་ ཨ་ཤི་ཐོང༌ཅ། ཉི་དྲི་ཀོན་བ་ཤོ་ ཧང་ད་བུ་ཨོ་ཕེ་ཁེ་ལེ་གི་ལ་སྨོ་ ཨོ་ཉ་ཀོར་གེ་ 1 ཏི་མོ་ཐི་ 3:8–13 ནང་ཀ་འབྲི་བ༌ཅ།གི༌ལ། ཉི་རོག་དོང་དོ་ཟོ་རང་ ན་ཧ་བ་ཆོ་ས་ག་ཤེག༌པེ། 2གཙོ་བོ་ག་མཚན་ག་ ན་ཤི་ རོ་ཀ་གནམ་མེད་ས་མེད་ གུས་ཞབས་ཨ་ཉི་ཞུའི་ན། ན་ཤི་ཧབ་ཏུར་རེ་བ་ཐུར་ རོ་ཀ་ཇ་རོ་ཨའི། ཧང་ཡ་དག་ནེ་ལ་ རོ་ཀི་བཱརའ་སོ་ངོ་ མང་པུ་ཐུར་ག་ ཇ་རོ་ཨ་ཝ༌ཅ། ཉི་ཇ་ག་བུ་ ཇ་རོ་ཨ་ཝ༌ཅ།

3ཇང་ཀབ་ཉི་ ཁིརིས་ཡི་ཤུ་ག་ཕྱག་ཞུ་ཁཱན་ པིརིས་ཀི་ལ་དང་ཨ་ཀི་ལཱས་ག་ སྐུ་གཟུགས་བཟང་པོ་དག་ཉི་ཡེག༌ཅོ། 4ཇ་ག་དེན་གེ་ རོག་ཉིག་ཙིང་ག་ཚེ་ག་བུ་ ཉེན་ཁ་ཨོ་ཕ༌ཅ། ཇང་ཐུར་གི་ཤ་མང་གི་ཝ་ ཡ་ཧུ་དི་པ་མང་གི་ཁཱན་བ་ཀ་ ཆོས་ཚོགས་ཐམས་ཅན་གི་ རོག་ཉིག་ཙིང་ག་ དགའ་ཚོར་ཆི་ལུ༌ཅ། 5རོག་ཉིག་ཙིང་ག་ཕའི་ག་ ཛོམ་ཁཱན་ཆོས་ཚོགས་ག་ཏཱན་ ཇང་གེ་ སྐུ་གཟུགས་བཟང་པོ་དག་ཉི་ཡེག༌ཅོ།

ས་ཆ་ཨེ་ཤི་ཡ་གེ་ གོ་དང་པ་ ཁིརིས་ག་ དད་པ་ཨ་ཁཱན་ ཇ་ག་ཇ་རོ་ ཨི་པེ་ནེ་ཏཱས་ག་བུ་ སྐུ་གཟུགས་བཟང་པོ་དག་ཉི་ཡེག༌ཅོ། 6ན་ཧ་དེན་གེ་ གནམ་མེད་ས་མེད་ དཀའ་ཝ་ཅཱད་ཉི་ ལའི་ཨ་ཁཱན་ མ་རི་ཡམ་ག་ སྐུ་གཟུགས་བཟང་པོ་དག་ཉི་ཡེག༌ཅོ། 7ཇང་ཀབ་ཉི་བཙོན་ག་ཆོ་ཁཱན་ ཇ་ག་ཉེ་ཝ་ཐུང་མ་ ཨེན་དྲོ་ནི་ཀཱས་དང་ ཡུ་ནི་ཡཱས་ག་ སྐུ་གཟུགས་བཟང་པོ་དག་ཉི་ཡེག༌ཅོ། རོག་ཉིག་ཙིང་ག་ སྐུ་ཚབ་བ་ཀི་བུ་ གུས་ཞབས་ཨན༌ཅ། ཉི་ཇང་གེ་གོ་མ་ རོག་ཉིག་ཙིང་ ཁིརིས་ག་ཨོ་ཕ་ཆོ༌ཝ། 8གཙོ་བོ་ག་མཚན་ག་ ཇི་གི་ཕང་ཁཱན་ ཨེམ་ལི་ཨ་ཏཱས་ག་ སྐུ་གཟུགས་བཟང་པོ་དག་ཉི་ཡེག༌ཅོ། 9ཨའི་ཀབ་ཉི་ཏབ་ཐུར་ག་ ཁིརིས་ག་ཕྱག་ཞུ་ཁཱན་ ཨུར་བ་ནཱས་དང་ ཇི་གི་ཕང་ཁཱན་ ཨིས་ཏ་ཁུས་ག་ སྐུ་གཟུགས་བཟང་པོ་དག་ཉི་ཡེག༌ཅོ།

10རྒྱུགས་ལ་ཉི་ ཁིརིས་ག་ཐུགས་ཀ་ཚུད་ཁཱན་ ཨ་པེལ་ལེས་ག་ སྐུ་གཟུགས་བཟང་པོ་དག་ཉི་ཡེག༌ཅོ། ཨ་རིས་ཏོ་བུ་ལཱས་ག་ཕའི་ག་ སོ་ངོ་བ་ཀ་བུ་ སྐུ་གཟུགས་བཟང་པོ་དག་ཉི་ཡེག༌ཅོ། 11ཇ་ག་ཉེ་ཝ་ཐུང་མ་ ཧེ་རོ་དི་ཡཱན་ག་ སྐུ་གཟུགས་བཟང་པོ་དག་ཉི་ཡེག༌ཅོ། ཉི་ནར་ཀི་སཱས་ག་ཕའི་ག་ དད་པ་ཨ་ཁཱན་བ་ཀ་བུ་ སྐུ་གཟུགས་བཟང་པོ་དག་ཉི་ཡེག༌ཅོ། 12གཙོ་བོ་ག་མཚན་ག་ གནམ་མེད་ས་མེད་ དཀའ་ཝ་ཅཱད་ཉི་ ལའི་ཨ་ཁཱན་མེ་ཝག་ཙ་ ཀྲུ་ཕེ་ན་དང་ཀྲོ་ཕོ་ས་ག་ སྐུ་གཟུགས་བཟང་པོ་དག་ཉི་ཡེག༌ཅོ། ཉི་ཨོམ་ཆང་རང་ གཙོ་བོ་ག་དེན་གེ་ གནམ་མེད་ས་མེད་ དཀའ་ཝ་ཅཱད་ཉི་ལའི་ཨ་ཁཱན་ ཇི་གི་ཕང་ཁཱན་ པར་སིས་ག་བུ་ སྐུ་གཟུགས་བཟང་པོ་དག་ཉི་ཡེག༌ཅོ། 13གཙོ་བོ་གི་སི་ཁཱན་ རུ་ཕཱས་དང་རོ་ཀ་ཨ་མ་ག་ སྐུ་གཟུགས་བཟང་པོ་དག་ཉི་ཡེག༌ཅོ། རོ་ཀ་ཨ་མ་ཤོ་ ཇ་ག་བུ་ ཨ་མ་ད་བུ་རང་གི༌ལ།

14ཨ་སིན་ཀིརི་ཏཱས་དང་ཕེལེ་གཱན་ ཧར་མེས་དང་པ་ཏྲོ་བཱས་ ཉི་ཧར་མཱས་དང་ རོག་ཏེ་བ་ཀབ་ཉི་ཆོ་ཁཱན་ ཡུང་ཟི་བ་ཀ་ སྐུ་གཟུགས་བཟང་པོ་དག་ཉི་ཡེག༌ཅོ། 15ཕི་ལོ་ལོ་གཱས་ ཡུ་ལེ་ཡ་ ནེ་རི་ཡཱས་དང་ རོ་ཀ་ཨུ་ས་ ཉི་ཨོ་ལིམ་པཱས་དང་ རོག་ཏེ་བ་ཀབ་ཉི་ཆོ་ཁཱན་ ཡི་ཤུ་པ་ ཐམས་ཅན་ག་ སྐུ་གཟུགས་བཟང་པོ་དག་ཉི་ཡེག༌ཅོ། 16ཐུར་གི་ཐུར་ག་ དམ་པའི་ཅུབ་ཨ་ཉི་ སྐུ་གཟུགས་བཟང་པོ་དག་ཉི་ཡེག༌ཅོ། ཁིརིས་ག་ཆོས་ཚོགས་ ཐམས་ཅན་གི་ ན་ཧ་ཏཱན་ སྐུ་གཟུགས་བཟང་པོ་དག་ཉི་ཡེག༌ལ༎

པ་ཝལ་གི་ཡེ་ཁཱན་ཆཱས་མཇུག་དུས།

17ཇ་ག་ཡུང་ཟི་བ་ ཇི་གི་ན་ཧ་ཡེག་ཅ་ མ་ཆ་མ་ཅོད་ཁཱན་ སོ་ངོ་བ་ཀེ་ རིག་པ་སྒྲིམ༌ཅོ། ན་ཤི་ལམ་ཁཱན་གེ་ རོག་ཏེ་བ་ཀི་ སོ་སུ་ཨན་ཡེ་ཉི་ སོ་ངོ་བ་ཀ་ དད་པ་ག་ནོད་པ་ཀེ༌ཅ། ཨུ་ཉུ་ད་བུ་སོ་ངོ་བ་ཀེ་ ཇང་ཀིན་ཨ་ཉི་ཆོའི། 18ཨུ་ཉུ་ད་བུ་སོ་ངོ་བ་ཀི་ ཨ་ཧ་གཙོ་བོ་ཁིརིས་ག་ ཕྱག་ཞུན་ཅ་མང་གི་ཝ་ རང་ཏེན་ག་ ཕོ་ལང་སིང་ཅ་གི༌ལ། རོག་ཏེ་བ་ཀི་ ཆཱས་ཞིམ་པུ་དང་ ལེག་པུ་བ་ཨ་ཝ་ཅོད་ཉི་ སོ་ངོ་ཉམ་ཆུང་བ་ཀ་ མགུ་སྐོར་ཕིན༌ཅ། 19དག་པ་ཀབ་ཉི་ ན་ཧ་བ་ཤོ་ གཙོ་བོ་ག་ ཆ་གནས་ཐ་ཁཱན་གི་ལ་དག་ཉི་ ཐམས་ཅན་གི་སེན༌ཅ། ཨོ་ཐ་ཆཱས་གི་ ཇང་གནམ་མེད་ས་མེད་ ཤོ་ནང་ཕེ་ཝ་ཅོད༌ཅ། དེན་པ་ཧང་གི་ལ་སྨོ་ ཨོ་ཉ་ཀོར་གེ་ ན་ཤི་ལེག་པུ་ཨ་ཉི་ སེ་ལེ་རེ་ཆེན། དག་པ་ཀབ་ཉི་ ངན་པ་ཀོར་གེ་ ན་ཤི་ཧང་རང་ མ་སེན་ཆེན་དག་ཉི་ ཇ་ག་སེམས༌ཅ། 20སྐྱིད་པུ་གནང་ཁཱན་ དཀོན་མཆོག་གི་ དོ་ཟོ་རང་སེ་ཏཱན་ ན་ཧ་བི་ཕརའ་ཁ་ཙུག་ཐཱན་ ཆེད་གེ༌མེ། ཨ་ཧ་གཙོ་བོ་ ཡི་ཤུ་ཁིརིས་ག་ཐུགས་རྗེ་ ན་ཧ་བ་ཀབ་ཉི་ བཞུགས་གནང་ཆེན།

21ཇང་ཀབ་ཉི་ ཏབ་ཐུར་ལའི་ཨ་ཁཱན་ ཏི་མོ་ཐི་གི་ ན་ཧ་ཏཱན་ སྐུ་གཟུགས་བཟང་པོ་དག་ཉི་ཡེག༌ལ། ཉི་ཇ་ག་ཉེ་ཝ་ཐུང་མ་ ལུ་ཀི་ཡཱས་ ཡ་སོན་དང་ སོ་སི་པ་ཏྲོས་གི་བུ་ ན་ཧ་སྐུ་གཟུགས་བཟང་པོ་དག་ཉི་ཡེག༌ལ།

22པ་ཝལ་ག་དེན་གེ་ ཨོ་ཐ་ཡི་གུ་འབྲི་ཁཱན་ ཇང་ཏར་ཏི་ཡཱས་གི་བུ་ གཙོ་བོ་ག་མཚན་ག་ ན་ཧ་སྐུ་གཟུགས་བཟང་པོ་དག་ཉི་ཡེག༌ཅ།

23-24ག་ཡཱས་གི་བུ་ ན་ཧ་སྐུ་གཟུགས་བཟང་པོ་དག་ཉི་ཡེག༌ལ། ཇང་རོ་ཀ་ཕའི་ག་ ཟ་ཉི་ཇམ་ཉི་ཆོ་ཝ༌ཅ། ཉི་ཆོས་ཚོགས་བུ་ རོ་ཀ་ཕའི་ག་རང་ཛོམ༌ཅ། ཁྲོམ་ཆེན་ག་རྩིས་འཛིན་པ་ ཨི་རཱས་ཏཱས་གི་ ན་ཧ་སྐུ་གཟུགས་བཟང་པོ་དག་ཉི་ཡེག༌ལ། ཉི་ཡི་ཤུ་པ་ཀོ་ཏ་ ཀ་ཝར་ཏྲས་གི་བུ་ ན་ཧ་སྐུ་གཟུགས་བཟང་པོ་དག་ཉི་ཡེག༌ལ།

25འཐེན་ལེག་པུ་གེ་ཤོ་ཝ་དང་ཏུ་ཉི་ དཀོན་མཆོག་གི་ ན་ཧ་བ་སྒྲིང་སྒྲིང་ཨ་ཉི་ ཐཱན་གནང༌མེ། ཨུ་ཉུ་ཤོ་ ཡི་ཤུ་ཁིརིས་ག་གསུང་དང་ ནའི་ཡ་ཧུ་དི་པ་ མང་གི་ཁཱན་བ་ཀ་དེན་གེ་ཆོ་ཁཱན་ རོ་ཀ་འཆར་གཞི་ག་ཀོར་གེ་གི༌ལ། གོ་ཙུག་པེ་གང་ཀེ་རང་ ཨོ་ཉ་འཆར་གཞི་ཁེ་པ་ གུམ་ཉི་ཐ་ཝ་ཆོ༌ཝ། 26དག་པ་ཀབ་ཉི་ ཨོམ་ཤོ་ ལུང་བསྟན་པ་བ་ཀི་ ལུང་བསྟན་མ་དང་ཏུ་ཉི་ ཉི་དུས་ཏ་བུ་རང་བཞུགས་ཁཱན་ དཀོན་མཆོག་གི་ བཀའ་གནང་མ་དང་ཏུ་ཉི་ ཡ་ཧུ་དི་པ་མང་གི་ཁཱན་ ཐམས་ཅན་གི་ ཁིརིས་ག་དད་པ་ཨ་ཉི་ རོ་ཀ་བཀའ་ག་ ཆ་གནས་ཐཱན་ཆེན་དག་པ་གི་ ཨོ་ཐ་གསུང་ཁེ་པ་ ཨོ་ག་རང་གི་ནེ་བུ་ བཤད་པ༌ཅ། 27མཁས་ཏྲ་ཆོ་ཁཱན་ དཀོན་མཆོག་ཐུར་ག་ཏཱན་ ཡི་ཤུ་ཁིརིས་ག་ཐུང་ཀེ་ཨ་ཉི་ དུས་ཏ་བུ་རང་ གཟི་བརྗིད་ཕུལ༌ཤོ། ཨ་མེན༎

Currently Selected:

རོ་མི། 16: TNTB

Highlight

Copy