Ruuka 22

Yuuda Esikariyooti keekirisha okurya Yeesu injeejemo

(Mataayo 26:1-5, 26:14-16; Maariko 14:1-2, 14:10-11; Yowana 11:45-53)

1Insikukuru ya emikaate ginu gitatunduuye#22:1a Insikukuru ya emikaate ginu gitatunduuye. Ringira riingʼana Ipaasaka mu-Mangʼana Amakomeeye. ꞉yaariga irebhereeye okuyika. Insikukuru iyo ꞉yaariga niitogwa Ipaasaka.#22:1b Ipaasaka. Ringira riingʼana rinu mu-Mangʼana Amakomeeye. 2Abhashengesi abhakuru na abheeyigisha bha ebhiraagiro bhya Musa, ꞉bhaariga mbaagara injira ya okwita Yeesu. Nawe, ꞉bhoobhayaga abhaanu.

3Mmbe, Yuuda unu ꞉aatogwaga Esikariyooti, owumwi wa abheeyigira ekumi na bhabhiri abha Yeesu, ˆneengirwa Sitaani mu-mwoyo gwaye. 4Kimwi ˆnaagenda ku-bhashengesi abhakuru na ku-bhakuru bha abhariisi bha iinyumba ya Nyamuwanga. ˆNaaika nabho kutyo araagure Yeesu kwebhwe. 5Amangʼana gayo, ngabhajomisha muno, mbeekirishaanya nawe okumuyaana giiyera. 6Yuuda ˆneekirisha, ˆnaamba okwagara omwanya omujomu gwa okubheeresha Yeesu, abhaanu bhaasiga okumenya.

Riigari rya Raatabhugenyi

(Mataayo 26:17-25; Maariko 14:12-21; Yowana 13:21-30)

7Mmbe, insikukuru ya emikaate ginu gitatunduuye niiyika. Ruyo nirwo orusuku runu iingʼondi ya Ipaasaka#22:7 Iingʼondi ya Ipaasaka. Ringira Iingʼondi mu-Mangʼana Amakomeeye. ꞉yeetwaga. 8Niwe, Yeesu ˆnaatuma Peetero na Yowana, ˆnaabhabhwira ati, “Mugende, kinyoore mwakikoreeye ebhyokurya bhya Ipaasaka, insonga kiije kirye amwi.” 9Mbamubhuusha ati, “Oweenda kikorere aaki?”

10ˆNaabhabhwira ati, Mwitegeereshe! Mukagenda mu-musi agati, omuuja okunyookana na murume wumwi, eetwikire ekituumo kya amanji. Mumuseete okuyikira mu-nyumba inu areengire, mwone mwingire. 11Mubhwire omwene nyumba ati, Omwiyigisha kaabhuusha ati, “Ekyumba kya abhagenyi kiri aaki? Eneenda okuriira-mo ebhyokurya bhya Ipaasaka amwi na abheeyigira bhaani.” 12Omwene kaaja okubheeresha ekyumba ekinene kinu kiroosirisiibhwe mu-nyumba ingerekeene. Mukiroosishe muyo ebhyokurya bhya Ipaasaka.

13Abheeyigira bhayo mbagenda, mbanyoora goone kutyo gari rwa kutyo Yeesu aabhabhwira. Mbaamba okuroosha ebhyokurya bhya Ipaasaka.

Riigari rya Raatabhugenyi

(Mataayo 26:26-30; Maariko 14:22-26; 1 Abhakorinto 11:23-25)

14Bhunu akabhaga ka okurya ꞉kaayikire, Yeesu ˆneekara amwi na abheeyigira bhaaye okurya ebhyokurya. 15ˆNaabhabhwira ati, “Woori eniranga muno okurya ebhyokurya bhya Ipaasaka inu amwi na emwe nikyari kwingira mu-bhinyansho! 16Kwa okubha enibhabhwira ati nitarirya kweki ebhyokurya bhya Ipaasaka okuyikira anu insonga yeende-ko irikuumira ku-bhukama bhwa Nyamuwanga.”

17Kimwi Yeesu ˆnaagega ekikombe kya iidivaayi, ˆnaakumya Nyamuwanga, ˆnaaika ati, “Mugege mubhabhushaanye! 18Kwa okubha enibhabhwira ati nitarinywa kweki iidivaayi, okuyikira anu obhukama bhwa Nyamuwanga bhuriija.”

19Yeesu ˆnaagega omukaate, ˆnaakumya Nyamuwanga, ˆnaagubhuturabhutura, ˆnaayaana abheeyigira bhaaye, ˆnaabhabhwira ati, [“Gunu ni mubhiri gwani, ni emwe omukora ngusoosibhwa. Muraakorega kutya, okuuyiita!”

20Bhunu ꞉bhaamarire okurya, Yeesu ˆnaagega kweki ekikombe kiyo, ˆnaaika ati, “Iidivaayi ya mu-kikombe kinu, ni kibharikisho kya amaanyinga ga iimuuma iinyaaya. Amaanyinga ganu ageetika insonga emwe mwerusibhwe.] 21Nawe mwitegeereshe! Unu kaaja okungura, ekikosha amwi nawe kw-igari kunu. 22Kwa okubha Omwana wa Adaamu, kaagenda okwitwa, rwa kutyo ꞉yeenderwe. Nawe ariko ekiwi unu araamugure!” 23Kimwi mbaamba okubhuushaanya ati, “Niga agati weeswe unu araakore riingʼana riyo?”

Ameeyigisho iiguru ya obhukuru

24Ngibha-wo giimamba agati wa abheeyigira bha Yeesu, ati ni wuuya kaaikwa ati kaatura okubha omukuru weebhwe. 25Yeesu ˆnaabhabhwira ati, “Abhakama bha ebhyaro, abhatunga abhaanu bheebhwe managa, nawe abheenda bhabhirikirwe ati ni bhasakisi bha bhaanu.

26“Nawe emwe, musige kukora kutyo. Unu ari mukuru kw-imwe, niwe abhe rwa mutooto ku-bhoone kutyo, na unu kaatangasha abhe rwa omujuuma. 27Kwa okubha ni wuuya unu akuriiye abhandi? Ni unu eekaaye okurya kw-igari! Ni unu kaareeta ebhyokurya kw-igari? Atari unu eekaaye kw-igari okurya ebhyokurya? Nawe, noone niri agati weemwe rwa omujuuma.

28“Emwe, ni emwe musigaaye amwi na anye ku-kabhaga koone kutyo aka iinyanko yaani. 29Mmbe woori, kutyo Raata aanaaye obhukama, nikwo kutyo noone enibhayaana emwe obhukama. 30Na ku-bhukama bhwani, kiriryaga na okunywa kiri amwi kw-igari ryani. Na muriikaraga ku-bhitebhe bhya ekikama, muramuraga amayito ekumi na gabhiri aga Abhaijirayeeri.”

Yeesu kaaika ati Simooni Peetero kaaja okumwigaana

(Mataayo 26:31-35; Maariko 14:27-31; Yowana 13:36-38)

31Yeesu ˆnaaika ati, “Awe, awe Simooni Peetero! Iitegeeresha, Sitaani eekirisiibhwe abhawungure rwa omuunu unu kaawungura obhuro. 32Nawe, naakusabhiiye ku-Nyamuwanga, obhwikirisha bhwawo bhutaaja okusuuwa. Na bhunu urinsubhira, usimbiishe abheejaanyu.” 33Simooni ˆnaamusubhya ati, “Raatabhugenyi waani! Nikabha amwi na awe neetuuye-wo okugenda okubhoywa na awe mu-jeera. Bhaakeenda okunyita, bhaanyite!”

34Yeesu ˆnaamusubhya ati, “Awe Peetero! Enikubhwira ati insarigooko itakukookoroma reero, ukyari kunyiigaana kasatu ati utakuumenya.”

35Kimwi Yeesu ˆnaabhuusha abheeyigira bhaaye ati, “Bhunu ꞉naabhatumire mutari na bhikapo, mutari na masumi ga giiyera, mutari na ebhikwirya, angu ꞉mwarebherweki?”#22:35 Ringira Ruuka 9:3, 10:4. Mbamusubhya ati, “Wuri.” 36Yeesu ˆnaabhabhwira ati, “Nawe woori, unu ari na ekikapo naagege, unu ari na riisumi ryaye woone naagege. Na unu atari na ekiraawa, agushe riikooti ryaye agure ekiraawa, 37kwa okubha ikaamirwe ati, ‘꞉Aabhariiywe amwi na abhakayi.’#22:37 Ringira Isaaya 53:12. Amangʼana gayo ꞉naakaamiiywe anye. Enibhabhwira ekimari ati geesire gaanyoore. Na amangʼana goone kutyo ganu ꞉naakaamiiywe anye geesire gaayikire.” 38Bheeki mbamubhwira ati, “Raatabhugenyi weeswe! Ringira! Anu bhiriwo bhiraawa bhibhiri.” Woone ˆnaabhabhwira ati, “Musige.”

Yeesu kaasaasaama Nyamuwanga mu-kiima

(Mataayo 26:36-46; Maariko 14:32-42)

39Yeesu ˆnaasooka mu-nyumba muyo, ˆnaagenda mu-kiima kya Emijeyituuni, rwa kutyo ꞉aariga anarire. Na abheeyigira bhaaye mbamuseeta. 40Na bhunu ꞉aayikire mu-kiima muyo, ˆnaabhabhwira ati, “Musaasaame Nyamuwanga, mwasiga okwingira mu-masakyo ga Sitaani.”

41Niwe, ˆnaabhasiga ayo, ˆnaabhaawuka-mo ˆnaaja imbere kutooto, obhureera bhwa omuunu okusuukura riigina. ˆNeefukama, ˆnaasaasaama Nyamuwanga ˆnaaika ati, 42“Ee Raata! Ukeenda, unsoosishe-ko ebhinyansho bhinu.#22:42 Ebhinyansho bhinu. Mu-Kiyunaani ikaamirwe ati, ekikombe kinu. Nawe itari kutyo anye eneenda, tari ukore kutyo awe oweenda!” [43Ayoayo maraayika okusooka mu-rwire ˆnaamuuja-ko, ˆnaamukomeesha. 44Yeesu akyari na obhururu bhwafu mu-mwoyo, ˆnaagenderera muno okusaasaama ku-Nyamuwanga. Kimwi ˆnaatoyika amooyiro ngatoonya ansi muna maanyinga.]

45Na bhunu ꞉aamarire okusaasaama ku-Nyamuwanga, ˆnaasubha ku-bheeyigira bhaaye, ˆnaabhanyoora bhawongeeye kisurumbaaye. 46ˆNaabhabhuusha ati, “Ndora muwongeeye! Muramuke! Musaasaame Nyamuwanga, mwasiga okwingira mu-masakyo ga Sitaani.”

Yeesu kaagwatwa

(Mataayo 26:47-56; Maariko 14:43-50; Yowana 18:3-11)

47Bhunu Yeesu ꞉aariga akyaika gayo, esangi rya abhaanu bhaafu ndimuuja-ko. Abhaanu bhayo ꞉bhaariga bhatangasiibhwe na Yuuda, owumwi wa abheeyigira bhaaye ekumi na bhabhiri. Yuuda ˆnaafugerera Yeesu okumukeesha ˆnaamufumbeera ˆnaamubhuusu.#22:47 ˆNaamubhuusu. Okuriingʼaana na gintungwa gyebhwe egya okukeeshaanya. 48Yeesu ˆnaamubhwira ati, “Awe Yuuda! Angu owugura Omwana wa Adaamu kwa okumubhuusu?” 49Abheeyigira bha Yeesu bhanu ꞉bhaariga bhari ayeeyi nawe ꞉bheejire bhaamenya kutyo agaaja okubha, mbaaika ati, “Raatabhugenyi! Angu kibhasane na ebhiraawa?” 50Owumwi weebhwe ˆnaabhuma omugaya wa omushengesi omukuru, ˆnaamusaawura-ko okutwi okwa ebhuryo. 51Yeesu ˆnaabhasubhya ˆnaaika ati, “Musige okukora kutyo!” ˆNaamukuunʼya ku-kutwi, omujuuma uyo ˆnaawora.

52Yeesu ˆnaabhwira abhashengesi abhakuru na abhakuru bha abhariisi bha mw-iyekaru na abhakaruka bha Abhayawudi bhanu ꞉bheejire okumugwata ati, “Ndora mwaaja okungwata muri na ebhiraawa na gindungu muna niri mwifi? 53Nsiku gyone kutyo ꞉naariga niri amwi na emwe mw-ibhanja rya riiyekaru rya Nyamuwanga okungwata uri, nawe woori kanu niko akabhaga keemwe na aka obhutungi bhwa Sitaani.”

Peetero keegaana Yeesu

(Mataayo 26:57-58, 26:69-75; Maariko 14:53-54, 14:66-72; Yowana 18:12-18, 18:25-27)

54Kimwi, abhaanu bhayo mbasangira Yeesu, mbamugwata, mbamusira ewa omushengesi omukuru.#22:54 Omushengesi omukuru. Ringira riingʼana Abhashengesi mu-Mangʼana Amakomeeye. Peetero ˆnaamuseeta ariwo areera. 55Bhunu abhaanu ꞉bhaayikire mw-ibhanja rya mu-musi muyo, mbakooma omuriro, mbeekara amwi. Peetero woone ˆneekara amwi nabho. 56Omukosi wa emirimu wumwi owa ekigasi ꞉eejire aarora Peetero eekaaye ayeeyi na omuriro, ˆnaamwikomya ˆnaaika ati, “Omuunu unu aanaabheeye amwi na Yeesu.” 57Nawe Peetero ˆneegaana, ˆnaaika ati, “Ee, omugasi unu! Anye nitakumumenya!”

58Akyari, omuunu owundi ˆnaaja, ꞉aarorere Peetero era, ˆnaaika ati, “Awe woone uri weejaabho.” Nawe Peetero ˆnaamusubhya ati, “Mura! Atari anye!” 59Akabhaga nkatura-wo muna nsa yimwi kutya, omuunu owundi ˆnaakomeeresha ˆnaaika ati, “Ku-kimari, unu woone aanaari amwi nawe! Kwa okubha omwene woone ni Mugariraaya!” 60Nawe Peetero ˆnaasubhya ati, “Mura! Gayo owaaika, nitakugamenya!” Bhunu ꞉aariga akyaika gayo, insarigooko niikookoroma. 61Yeesu ˆnaafutata, ˆnaamuringira. Kimwi, Peetero ˆnaayiita riingʼana rya Raatabhugenyi kutyo aamubhwira ati, “Insarigooko ikyari kukookoroma, owubha wanyiigaanire kasatu.”

62Peetero ˆnaawuruka anja, ˆnaamba okurira muno.

Abhariisi abhasangʼaya Yeesu

(Mataayo 26:67-68; Maariko 14:65)

63Abhaanu bhanu ꞉bhaariga bhagwatire Yeesu, ꞉bhaariga mbamusangʼaya, mbamubhuma muno. 64Mbamusibha ameeso, mbamubhwiraga ati, “Bharikisha! Niga unu aakubhuma?” 65Mbagenderera okumusoosisha amangʼana maafu aga okumufuma.

Yeesu kaasitaakibhwa ku-bhakuru

(Mataayo 26:59-66; Maariko 14:55-64; Yowana 18:19-24)

66Anu riisuubha ryawurukire, abhakaruka bha Abhayawudi mbeekara bhari amwi na abhashengesi abhakuru, na abheeyigisha bha ebhiraagiro bhya Musa. Bhunu Yeesu ꞉aareeterwe imbere weebhwe, mbamubhwira ati, 67“Nuukibhwire raabhe ni awe Kiriisitu.” Yeesu ˆnaabhabhwira ati, “Raabhé niraabhabhwire mutakutura okwikirisha. 68Na nikabhabhuusha mutakutura okunsubhya. 69Nawe okwambira woori, Omwana wa Adaamu kaabha eekaaye orubhaara rwa ebhuryo orwa Nyamuwanga owa Obhutungi bhwone kutyo.”

70Bhoone kutyo mbamubhwira ati, “Nikwo okwaika ati, ni kimari awe uri Mwana wa Nyamuwanga!” Yeesu ˆnaabhasubhya ati, “Ndora emwe abheene mwaikire ati, ni anye!”

71Kimwi, abhakuru bhayo mbaaika ati, “Mmbe! Kiri na bhukeneki obhwa okwagara abharori abhandi? Kwa okubha eswe abheene kyoonguuywe amangʼana ga akanwa kaaye!”

Currently Selected:

Ruuka 22: kya

Highlight

Copy