Late 47
47
Pasian, Leitung Bup Kumpi Ahihna ah Minamkimte’ Lungdamna
1Mi khempeuh aw,
na khut uh beeng un!
Lungdamna la nakpi-in sa-in
Pasian phat un.
2Bang hang hiam cih leh
Topa, a Sangpenpa, dipkuathuai a,
leitung khempeuh a uk
kumpi lian khat ahi hi.
3Mi khempeuh eima nuai-ah,
minamte i khenuai-ah
amah in hong zawhsak hi.
4Ama it Israel-te’ angtanpih
eima luah ding leitang
amah in hong teelsak hi.
5Awging tawh Pasian paito a,
peengkul aw tawh Topa paito hi.
6Pasian tungah phatna la sa un,
phatna la sa un!
I Kumpipa tungah
phatna la sa un, phatna la sa un!
7Bang hang hiam cih leh Pasian pen
leitung khempeuhte’ kumpi ahi hi.
La sakna tawh amah phat un!
8Pasian in minamte uk a,
a tokhom siangtho tungah Pasian tu hi.
9Uliante le Abraham’ Pasian’ mite
kipawl khawm uh hi.
Bang hang hiam cih leh
leitung mite’ lumte khempeuh
Pasian-a’ suak khinta a,
amah a sangpi-in kithangsak hi.
Currently Selected:
Late 47: TDB
Highlight
Share
Copy
Want to have your highlights saved across all your devices? Sign up or sign in
Tedim (Chin) Bible © Bible Society of Myanmar, 2011.
