Late 29
29
Huihpi Sungah Topa’ Awging
1 Topa-a’ ci un, van mite aw;
minthanna le hatna
Topa-a’ ci un.
2Ama minthanna Topa’ tungah pia unla,
a siangtho kizepna tawh Topa bia un.#La 96:7-9.
3 Topa’ awging tuipite tungah kiza hi.
A minthang Pasian’ aw
ging damdam a,
tui tampite tungah Topa’ aw kiza hi.
4 Topa’ awging vanglian a,
Topa’ awging, liatna tawh kidim hi.
5 Topa’ awging in
taamtak singte kitansak a,
Topa’ awging in
Lebanon mual taamtak singte
a kuaitan hi.
6Lebanon mual le Sirion mualte
bawngno le gamsialno bangin
amah in a diangsak hi.
7 Topa’ awging in
meikuang taangkhia sak hi.
8 Topa’ awging in gamlak lok a,
Topa in Kadesh gamlak lok hi.
9 Topa’ awging in
singkungte heekgawp a,
gammang tulak hawkkhia-in
a kolhsak hi.
Ama biakinn sungah a vekpi-un awngin,
“Pasian’ min thang ta hen,” a ci uh hi.
10 Topa in tui thukpite uk a,
a tawntung kumpi hihna tawh
Topa a tu hi.
11 Topa in ama mite tungah
thahatna pia tahen.
Topa in ama mite tungah
nopsakna thupha pia tahen.
Currently Selected:
Late 29: TDB
Highlight
Share
Copy
Want to have your highlights saved across all your devices? Sign up or sign in
Tedim (Chin) Bible © Bible Society of Myanmar, 2011.
