Late 24
24
Minthang Kumpipa
1Leitung le a tunga omte,
leitung le a tunga tengte
Topa-a’ ahi hi.#1Kor 10:26.
2Bang hang hiam cih leh
amah in tuipite sungah
a bul phut a,
tui tungah a kipsak hi.
3 Topa’ mual tungah
kuate kahto ding ahi hiam?
Ama mun siangtho-ah
kuate ding ding ahi hiam?
4Gamtat siangtho le
lungsim siangtho a nei,
a man lo thu-ah a nuntakna pia loin,
khemna tawh
a kiciam lo mite ahi hi.#Mat 5:8.
5Tua bang mite in
Topa’ tung panin thupha ngah ding uh a,
amaute a honkhia Pasian’ kiang panin
diksakna ngah ding uh hi.
6Tua bang mite pen, amah a zong,
Jakob’ Pasian’ mai a zong minam ahi hi.
7Minthang Kumpipa
hong tumtheih nadingin,
kulh kongpite lian hon unla,
tanglai kongkhakte gol hon un.
8Minthang Kumpipa kua ahi hiam?
Hatin a vanglian Topa, galhat Topa ahi hi.
9Minthang Kumpipa
hong tumtheih nadingin,
kulh kongpite lian hon unla,
tanglai kongkhakte gol hon un.
10Hih a minthang Kumpipa
kua ahi hiam?
VanglianTopa, minthang Kumpipa ahi hi.
Currently Selected:
Late 24: TDB
Highlight
Share
Copy
Want to have your highlights saved across all your devices? Sign up or sign in
Tedim (Chin) Bible © Bible Society of Myanmar, 2011.
